spot_img
Homeຂ່າວພາຍ​ໃນເຜີຍແຜ່ຍຸດທະສາດ ຄຸ້ມຄອງການລົງທຶນພາກເອກະຊົນ

ເຜີຍແຜ່ຍຸດທະສາດ ຄຸ້ມຄອງການລົງທຶນພາກເອກະຊົນ

Published on

   ກອງ​ປະ­ຊຸມ​ເຜີຍ­ແຜ່​ແຜນ​ຍຸດ​ທະສາດ​ການ​ສົ່ງ­ເສີມ ແລະ​ຄຸ້ມ​ຄອງ​ການລົງ­ທຶນ​ພາກ​ເອ­ກະ​ຊົນ​ຂອງ​ແຂວງ​ສະຫວັນ​ນະ​ເຂດ​ຮອດ​ປີ 2025 ຊຶ່ງ​ໄດ້​ຮັບທຶນ​ສະ­ໜັບ­ສະ­ໜູນ​ຈາກ​ອົງ­ການ UNDP ແລະ UNEP ໂຄງ­ການ​ເຊື່ອມ​ໂຍງ​ສິ່ງແວດ​ລ້ອມ​ເຂົ້າ​ໃນ​ກິດ­ຈະ­ກຳ​ແກ້​ໄຂ​ຄວາມທຸກ​ຍາກ​ໄດ້​ມີ​ຂຶ້ນ​ທີ່​ສະ­ໂມ­ສອນ​ພະ​ແນກແຜນ­ການ ແລະ​ການ​ລົງ­ທຶນ​ແຂວງໃນວັນ​ທີ 17 ກຸມ­ພາ​ຜ່ານ​ມາ, ໂດຍ​ມີ​ທ່ານ ທ່ອນ​ແກ້ວ ພຸດ​ທະ​ໄກ​ຍະ​ລາດ ຮອງ​ເຈົ້າແຂວງ​ສະ­ຫວັນ​ນະ​ເຂດທັງ​ເປັນ​ປະ­ທານຄະ­ນະ​ກຳ­ມະ­ການ​ສົ່ງ­ເສີມ ແລະ​ຄຸ້ມ​ຄອງການ​ລົງ­ທຶນ​ຂັ້ນ​ແຂວງ, ທ່ານ ບຸນ​ປັນສຸ­ວັນ­ນະ​ວົງ ຮອງ​ຫົວ­ໜ້າ​ກົມ​ສົ່ງ­ເສີມການ​ລົງ­ທຶນ, ມີ​ບັນ­ດາ​ທ່ານ​ຈາກ​ສູນກາງ, ເຈົ້າ­ເມືອງ-ຮອງ​ເຈົ້າ­ເມືອງ, ຫົວໜ້າ-ຮອງ​ຫົວ­ໜ້າ​ພະ­ແນກ­ການ​ອ້ອມ​ຂ້າງແຂວງ​ເຂົ້າ​ຮ່ວມ.

   ທ່ານ ກອງ​ຄຳ ໄຊ​ປັນ­ຍາ ຮອງ​ຫົວໜ້າ​ພະ​ແນກ​ແຜນ­ການ ແລະ​ການ​ລົງ­ທຶນແຂວງ​ກ່າວ​ວ່າ: ແຜນ​ຍຸດ​ທະ​ສາດ​ຄຸ້ມຄອງ ແລະ​ສົ່ງ­ເສີມ​ການ​ລົງ­ທຶນ​ພາກ​ເອ­ກະ​ຊົນ​ຂອງ​ແຂວງ​ຮອດ​ປີ 2025 ເປົ້າ​ໝາຍ​ແມ່ນ​ເພື່ອ​ໃຫ້​ບັນ­ດາ​ຜູ້​ເຂົ້າ​ຮ່ວມ​ໄດ້​ຮັບ​ຮູ້ແລະ​ນຳ­ໄປ​ຈັດ​ຕັ້ງ​ປະ­ຕິ­ບັດ ແລະ ສາ­ມາດ​ນຳ​ໃຊ້​ແຜນ​ຍຸດ​ທະ​ສາດ​ດັ່ງ­ກ່າວເພື່ອ​ເປັນ​ເຄື່ອງ­ມື​ໃນ​ການ​ໂຄ­ສະ­ນາ, ເຜີຍແຜ່ ແລະ​ດຶງ​ດູດ​ການ​ລົງ­ທຶນ​ໃຫ້​ນັບ​ມື້ນັບ​ຫຼາຍ​ຂຶ້ນນອກ​ນີ້ ກໍ​ຍັງ​ເປັນ​ບ່ອນ​ອີງ ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ສົ່ງ­ເສີມແລະ​ຄຸ້ມ​ຄອງ​ການ​ລົງ­ທຶນ​ໃນ­ຕໍ່­ໜ້າ, ສຳລັບ​ເປົ້າ​ໝາຍ​ການ​ພັດ­ທະ­ນາ​ເສດ​ຖະກິດ-ສັງ­ຄົມ​ຂອງ​ແຂວງ 2016-2025 ແມ່ນ​ສ້າງ​ເສດ­ຖະ­ກິດ​ມີ​ການ​ຂະ­ຫຍາຍຕົວ​ຕໍ່​ເນື່ອງ, ໜັກ​ແໜ້ນ ແລະ​ຍືນ​ຍົງໂດຍຖື​ເອົາ​ເສດ­ຖະ­ກິດ​ເປັນ­ໃຈ​ກາງ, ນຳ​ໃຊ້ບັນ­ດາ​ທ່າ­ແຮງ​ບົ່ມ​ຊ້ອນ​ພາຍ​ໃນ​ແຂວງທີ່​ໄດ້​ປຽບ​ເພື່ອ​ຮັບ­ປະ­ກັນ​ຄວາມ​ສົມ​ດູນຂອງ​ສາມ​ເສົາ­ຄ້ຳ​ຄື: ເສົາ­ຄ້ຳ​ທາງ​ດ້ານເສດ­ຖະ­ກິດ, ສັງ­ຄົມແລະ​ສິ່ງ­ແວ­ດລ້ອມ, ຫັນ­ປ່ຽນ​ໂຄງ​ປະ­ກອບ​ເສດ­ຖະ­ກິດ​ທີ່​ຫຼາກ​ຫຼາຍຕາມ​ທິດ​ຫັນ​ເປັນ​ອຸດ­ສາ­ຫະ­ກຳ ແລະ ທັນ​ສະ­ໄໝນຳ​ໃຊ້​ທາງ​ເລືອກ​ໃນ​ການ​ພັດ­ທະ­ນາ​ທີ່​ມີ​ປະ​ສິດ­ທິ​ຜົນ​ສູງ​ເທື່ອ​ລະ​ກ້າວ ເລັ່ງ​ໃສ່​ຍົກ​ສະ­ມັດ­ຖະ­ພາບ​ການ​ຜະ­ລິດ ແລະ​ການ​ພັດ­ທະ­ນາ​ໃຫ້​ສູງ​ຂຶ້ນ, ປັບ­ປຸງສະ­ພາບ​ແວດ​ລ້ອມ​ທີ່​ເອື້ອ​ອຳ­ນວຍ​ໃຫ້​ແກ່ ການ​ຄ້າ, ການ​ລົງ­ທຶນ, ການ​ດຳ­ເນີນ​ທຸລະ​ກິດ ເພື່ອ​ເພີ່ມ​ທະ­ວີ​ຄວາມ​ອາດ​ສາ­ມາດ ແຂ່ງ­ຂັນ​ຂອງ​ວິ​ສາ​ຫະ​ກິດ​ຂະ­ໜາດ​ນ້ອຍ ແລະ​ກາງ​ໃນ​ການ​ເຊື່ອມ​ໂຍງ ແລະ​ຫັນ ເປັນ​ສາ­ກົນ​ເທື່ອ​ລະ​ກ້າວ, ສ້າງ​ຊັບ​ພະ­ຍາ ກອນ​ມະ­ນຸດ​ໃຫ້​ມີ​ຄຸນ​ນະ​ພາບ ໂດຍ​ເລັ່ງ​ໃສ່ ສ້າງ​ພື້ນ­ຖານ​ທີ່​ເອື້ອ​ອຳ­ນວຍ​ໃຫ້​ແກ່​ການສຶກ​ສາ ແລະ​ການ​ຮັກ­ສາ​ສຸ­ຂະ­ພາບໂດຍເນັ້ນ​ໃສ່​ການ​ສຶກ​ສາ​ໃຫ້​ຈົບ​ຊັ້ນ​ມັດ­ທະ­ຍົມ​ປາຍ​ກວມ​ອັດ­ຕາ​ສ່ວນ​ຫຼາຍ ແລະ ມີ​ຄຸນ​ນະ​ພາບ, ເອົາ​ການ​ພັດ­ທະ­ນາ​ເສດ​ຖະກິດ​ຕິດ​ພັນ​ກັບ​ການ​ປົກ​ປັກ​ຮັກ­ສາ ແລະ ພັດ­ທະ­ນາ​ສິ່ງ­ແວ­ດລ້ອມ​ທຳ​ມະ​ຊາດ​ໃຫ້ ຍືນ​ຍົງ, ນຳ​ໃຊ້​ຊັບ­ພະ­ຍາ­ກອນ​ທຳ​ມະຊາດ​ໃຫ້​ມີ​ປະ​ສິດ­ທິ​ຜົນ​ທາງ​ດ້ານ​ເສດ​ຖະກິດ ແລະ​ເກີດ​ຜົນ​ປະ­ໂຫຍດ​ສູງ​ສຸດ​ຕໍ່​ສັງຄົມ.

ທີ່ມາ: ນສພ ເສດຖະກິດ-ສັງຄົມ

logo

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...