ກົມກິລາມວນຊົນກະ ຊວງສຶກສາທິການ ແລະ ກິລາ ຮ່ວມກັບອົງການຄົນພິການອາ ຊີເພື່ອພັດທະນາ (ADDP) ຈັດ ຝຶກອົບຮົມຍົກລະດັບຄວາມຮູ້ ຄວາມສາມາດກ່ຽວກັບການພັດ ທະນາຄູຝຶກ ແລະ ນັກກິລາຄົນພິການຂັ້ນພື້ນຖານຂຶ້ນເມື່ອບໍ່ດົນຜ່ານມານີ້ທີ່ນະຄອນຫຼວງວຽງຈັນ ໂດຍເປັນປະທານ ຂອງ ທ່ານ ບົວລານ ສິລິປັນຍາ ລັດຖະມົນຕີຊ່ວຍວ່າການກະຊວງ ສຶກສາທິການ ແລະ ກິລາຊຶ່ງມີຄູຝຶກ, ພະນັກງານວິຊາການ ແລະ ນັກກິລາ ເຂົ້າຮ່ວມ.
ມີສຳມະນາກອນເຂົ້າ ຮ່ວມຝຶກອົບຮົມຄັ້ງນີ້ມີທັງໝົດ 31 ທ່ານ ທີ່ມາຈາກ 8 ແຂວງ ຄື: ແຂວງຊຽງຂວາງ, ຫຼວງພະ ບາງ, ໄຊຍະບູລີ, ວຽງຈັນ, ຄຳ ມ່ວນ, ບໍລິຄຳໄຊ, ສະຫວັນນະ ເຂດ, ເຊກອງ ແລະ ນະຄອນ ຫຼວງວຽງຈັນ. ຫຼັກສູດຝຶກອົບ ຮົມປະກອບມີພາກທິດສະດີ ແລະ ປະຕິບັດຕົວຈິງ ໃນການ ກຳນົດເປົ້າໝາຍເບື້ອງຕົ້ນຫຼັກ ປັດຊະຍາ ແລະ ຄວາມສຳຄັນ ຂອງນັກກິລາຄົນພິການ ທັກ ສະການໃຊ້ຄົນເຂັນ ຄວາມ ເຂົ້າໃຈກ່ຽວກັບ ການໃຊ້ອະໄວ ຍະວະທຽມ ຄວາມເຂົ້າໃຈກ່ຽວ ກັບຄົນພິການທາງສາຍຕາ ແລະ ສົ່ງເສີມການຫຼິ້ນກິລາສຳ ລັບຄົນພິການທາງສາຍຕາ ການຫຼິ້ນກິລາ ໂກລບອນ, ກິລາ ຕີໝາກປຸ້ມເປົ້າ, ແລ່ນ – ລານ, ບານບ້ວງ, ລົດເຂັນ, ຕີບານ, ປິ່ງປ່ອງ, ກິລາຈານບິນ ແລະ ການຈັດການແຂ່ງຂັນກິລາ ແຫ່ງຊາດ ສຳລັບຄົນພິການ.
ທ່ານ ບົວລານ ສິລິປັນຍາ ໄດ້ກ່າວສະແດງຄວາມຍ້ອງຍໍ ຊົມເຊີຍຜົນສຳເລັດຂອງນັກກິ ລາຄົນພິການລາວທີ່ເຂົ້າຮ່ວມ ແຂ່ງຂັນກິລາລະດັບພາກພື້ນ ແລະ ສາກົນທີ່ຜ່ານມາ ຊຶ່ງນັກ ກິລາດັ່ງກ່າວໄດ້ສູ້ຊົນຍາດໄດ້ ຜົນງານໂດດເດັ່ນຫຼາຍດ້ານມາ ໃຫ້ປະເທດຊາດ ແຕ່ເຊື່ອໝັ້ນ ວ່າໃນອະນາຄົດຕໍ່ໜ້າຄູຝຶກ ລວມທັງນັກກິລາຈະສືບຕໍ່ເສີມ ຂະຫຍາຍມູນເຊື້ອ ແລະ ຜົນ ງານທີ່ດີຢູ່ແລ້ວໃຫ້ດີກວ່າເກົ່າ.

ຂໍ້ມູນຈາກ http://www.pasaxon.org.la/sportnews/23-02-16/content1.html