ກອງປະຊຸມສົ່ງເສີມການທ່ອງທ່ຽວເຊື່ອມຕໍ່ 8 ແຂວງ ພາກເໜືອ ແຂວງໄຊຍະບູລີ ເປັນເຈົ້າພາບ ໄດ້ຈັດຂຶ້ນໃນວັນທີ 18 ກຸມພາຜ່ານມານີ້ ຢູ່ທີ່ສະໂມສອນ ຫ້ອງວ່າການປົກຄອງແຂວງ ໄຊຍະບູລີ ໂດຍການເປັນກຽດເຂົ້າຮ່ວມຂອງ ທ່ານ ພົງສະຫວັນ ສິດທະວົງ ກຳມະການສູນກາງ ພັກເລຂາພັກແຂວງ ເຈົ້າແຂວງ ໄຊຍະບູລີ, ມີຮອງເຈົ້າແຂວງ 8 ແຂວງພາກເໜືອ, ມີຫົວ ໜ້າ, ຮອງຫົວໜ້າພະແນກ ຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ, ບັນດາແຂກຖືກ ເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມດັ່ງກ່າວແມ່ນເປັນການຖອດຖອນບົດຮຽນເພື່ອຊອກໃຫ້ເຫັນໄດ້ຈຸດດີຈຸດອ່ອນ ແລະ ບັນຫາທີ່ຄົງຄ້າງ ເຊັ່ນ:ວຽກພັດທະນາການທ່ອງທ່ຽວ, ແຜນຍຸດທະສາດພັດທະ ນາການທ່ອງທ່ຽວ ສຳລັບປີ 2016-2025 ຂອງ 8 ແຂວງ ພາກເໜືອ, ການສ້າງແຜນພັດ ທະນາການທ່ອງທ່ຽວສຳລັບ 8 ແຂວງພາກເໜືອ 2016-2020, ການພັດທະນາສິ່ງອຳນວຍຄວາມສະດວກດ້ານການທ່ອງທ່ຽວ ຈຸດເຊື່ອມຕໍ່ 8 ແຂວງ ພາກເໜືອ ວຽກງານຄຸ້ມຄອງ ການທ່ອງທ່ຽວ, ການສ້າງຕັ້ງ ແລະ ປັບປຸງສະມາຄົມ ແລະ ກຸ່ມບໍລິການທ່ອງທ່ຽວ, ການ ຈັດລະດັບມາດຖານໂຮງແຮມ 3 ດາວຫາ 5 ດາວ, ການແກ້ ໄຂບັນຫາພະນັກງານນຳທ່ຽວ ທີ່ເຄື່ອນໄຫວບໍ່ຖືກຕ້ອງ, ບັນ ຫາກ່ຽວກັບການອະນຸຍາດດຳ ເນີນທຸລະກິດທ່ອງທ່ຽວໃຫ້ແກ່ ຄົນລາວ ແລະ ຄົນຕ່າງປະ ເທດ, ການກວດຄືນບໍລິສັດ ທ່ອງທ່ຽວທີ່ບໍ່ມີຕົວຕົນ, ບໍ່ມີ ຫ້ອງການ ແລະ ໃຫ້ຖອນອະນຸຍາດ, ຕະຫຼອດຮອດວຽກງານໂຄສະນາການທ່ອງທ່ຽວຕື່ມ ອີກ.
ນັກຂ່າວ: ບຸນທີ
ຂໍ້ມູນຈາກ http://www.pasaxon.org.la/