SanDisk ເປີດໂຕ USB Type-C ແຟລັດໄດຣ ແລະ microSD 128GB ທີ່ງານ Mobile World Congress (MWC 2016). ຖືໄດ້ວ່າບໍລິສັດໄດ້ຮັບຜົນປະໂຫຍດຢ່າງເຕັມທີ່ເລີຍກັບການມາຂອງພອຣດ USB Type-C ທີ່ມີຫຼາຍໆບໍລິສັດກຳລັງທະຍອຍໃຊ້ງານກັນຢ່າງຫຼວງຫຼາຍ ແລະຜູ້ບໍລິໂພກເອງກໍຕ້ອງການສິ່ງທີ່ມາຮັບຮອງໃນສ່ວນນີ້ນຳ.ເຊິ່ງ MicroSD ໂຕໃໝ່ນີ້ມີຄວາມໄວໃນການໂອນຍ້າຍໄຟລທີ່ 275MB ຕໍ່ວິນາທີ, ເຊິ່ງສາມາດໃຊ້ງານກັບປະເພດໄຟລ 4K ໄດ້ຢ່າງດີເລີຍ.
ສຳລັບ MicroSD ໂຕໃໝ່ນີ້ມີ 2 ລຸ້ນໃຫ້ເລືອກຄື: 64GB ແລະ 128GB, SanDisk Extreme Pro ຈະເລີ່ມວາງຂາຍໃນທົ່ວໂລກຊ່ວງໄຕມາດທີ 2 ຂອງປີ Q2 2016 ນີ້ພ້ອມກັບອາຍຸການຮັບປະກັນຕະຫຼອດຊີວິດ. ລາຄາເລີ່ມຕົ້ນແມ່ນ $179.99 (1.460.000 ກີບ) ສຳລັບລຸ້ນ 64GB ແລະ ລາຄາ $299.99 (2.450.000 ກີບ) ສຳລັບລຸ້ນ 128GB.
ທາງດ້ານຂອງ ແຟລັດໄດຣ SanDisk Ultra USB Type-C ມີຄວາມຈຸສູງສຸດເຖິງ 128GB, ຄວາມໄວໃນການໂອນຖ່າຍໄຟລແມ່ນ 150MB ຕໍ່ວິນາທີ, ແລະນີ້ເປັນບໍລິສັດທຳອິດທີ່ເຮັດແຟລັດໄດຣ USB Type-C ໄດ້ໄວກວ່າໝູ່. ແລະເຈົ້າຈະສາມາດນຳໄປໃຊ້ງານໄດ້ຫຼາກຫຼາຍບໍ່ວ່າຈະເປັນແທັບເລັດ,ຄອມພິວເຕີ ຫຼືສະມາດໂຟນ
ສຳລັບແຟລັດໄດຣນີ້ແມ່ນມີຄວາມບັນຈຸເລີ່ມຕົ້ນທີ່
16GB $19.99 (160.000 ກີບ)
32GB $29.99 (245.000 ກີບ)
64GB $49.99 (405.000 ກີບ)
128GB $79.99 (650.000 ກີບ)
ຂໍ້ມູນເພີ່ມຕື່ມ Amazon
ທີ່ມາ:windowscentral