ສຳນັກຂ່າວຕ່າງປະເທດ ລາຍງານໃນວັນທີ 20 ກຸມພາຜ່ານມານີ້ວ່າ ສຳນັກງານໄອຍະການໂຮນລັງ ໃກ້ສຳເລັດການສອບສວນທາງອາຍາໃນອີກບໍ່ດົນນີ້ ກ່ຽວກັບເຫດການເຮືອບິນ ມາເລເຊຍ ແອຣ໌ລາຍ ຖ້ຽວບິນ MH17 ທີ່ຖືກຍິງຕົກໃນວັນທີ 17 ກໍລະກົດ 2014 ຊຶ່ງຈະເຮັດໃຫ້ຮັບຮູ້ຊັດເຈນວ່າ ຂີປະນາວຸດປະເພດໃດແທ້ ທີ່ຍິງເຮືອບິນລຳດັ່ງກ່າວຕົກ ແລະ ຮູ້ຈະແຈ້ງວ່າ ຂີປະນາວຸດດັ່ງກ່າວ ຖືກຍິງມາຈາກທິດທາງໃດ.
ທັງນີ້ ຄອບຄົວຂອງຜູ້ເສຍຊີວິດ ຊຶ່ງສ່ວນໃຫຍ່ເປັນຊາວໂຮນລັງ ໄດ້ຮຽກຮ້ອງເມື່ອເດືອນກ່ອນນີ້ ໃຫ້ລັດຖະບານໂຮນລັງ ຂໍຂໍ້ມູນພາບຈາກຣາດາແຫ່ງຕ່າງໆທົ່ວໂລກ ເພື່ອສືບຫາຜູ້ຍິງລູກສອນໄຟ ໃສ່ເຮືອບິນລຳດັ່ງກ່າວ.