Alcatel ເປີດໂຕສະມາດໃໝ່ 3 ລຸ້ນຄື: POP 4, POP 4+ ແລະ POP 4S ເປັນສະມາດໂຟນລະບົບ Android ທັງໝົດ ມາເບິ່ງນຳກັນເລີຍວ່າທັງ 3 ລຸ້ນເປັນແນວໃດ?
Alcatel POP 4 ເປັນລຸ້ນນ້ອງສຸດຂອງຕະກູນ ມາພ້ອມກັບໜ້າຈໍຂະໜາດ 5 ນິ້ວ ຄວາມລະອຽດ 720 x 1280 (HD) , ຄວາມໜາແໜ້ນພິກເຊວ 293 PPI, ໃຊ້ງານຊິບປະມວນຜົນຄອດຄໍ Snapdragon 210 (ຄວາມໄວ 1.1 GHz), RAM 1 GB. ພື້ນທີ່ຈັດເກັບ 8 GB ສາມາດເພີ່ມ microSD ໄດ້ (ສູງສຸດ 32 GB). ແບັດເຕີຣີ 2,500 mAh. ກ້ອງຫຼັງຄວາມລະອຽດ 8 ລ້ານພິກເຊວ (ມຸມກວ້າງ 84.4 ອົງສາ) ແລະ ກ້ອງໜ້າຄວາມລະອຽດ 5 ລ້ານພິກເຊວ ພ້ອມກັບແຟລັດ LED, ລວມໄປເຖິງຊ໋ອບແວຂອງກ້ອງຍັງຮອງຮັບການຖ່າຍຮູບແບບ HDR.
Alcatel POP 4+ ເປັນລຸ້ນກາງຂອງຕະກູນມາພ້ອມກັັບໜ້າຈໍຂະໜາດ 5.5 ນິ້ວ ຄວາມລະອຽດ 720 x 1280 (HD) ຄວາມໜາແໜ້ນຂອງພິກເຊວ 267 PPI, RAM 1.5 GB, ພື້ນທີ່ຈັດເກັບ 16 GB ສາມາດເພີ່ມ microSD ໄດ້ (ສູງສຸດ 32 GB), ແບັດເຕີຣີ 2,500 mAh,
ໝາຍເຫດ: ຊິບປະມວນຜົນແລະກ້ອງຂອງ POP 4 ແລະ POP4+ ແມ່ນໃຊ້ຄືກັນ
Alcatel POP 4S ເປັນລຸ້ນໃຫຍ່ສຸດຂອງຕະກູນ ມີໜ້າຈໍຂະໜາດ 5.5 ນິ້ວ ຄວາມລະອຽດ 1080 x 1920 (FHD), ຄວາມໜາແໜ້ນຂອງພິກເຊວ 400 PPI, ໃຊ້ງານຊິບປະມວນຜົນ octa-core MediaTek Helio P10 (4 ຄໍ ຄວາມໄວທີ່ 1.8 GHz ແລະ 4 ຄໍ ຄວາມໄວທີ່ 1 GHz), RAM 2 GB , ພື້ນທີ່ຈັດເກັບ 16 GB ສາມາດເພີ່ມ microSD (ສູງສຸດ 64 GB). ກ້ອງຫຼັງຄວາມລະອຽດ 13 ລ້ານພິກເຊວ (ຮູູຮັບແສງ F2.0) ມາພ້ອມກັບລະບົບກວດສອບໂຟກັດອັດຕະໂນມັດ ແລະແຟລັດຄູ່ LED, ກ້ອງໜ້າມີມຸມທີ່ກວ້າງແລະແຟລັດ LED ຄືກັບສອງລຸ້ນດ້ານເທິງ. ແບັດເຕີຣີ 2,960 mAh.
ໝາຍເຫດ: ສຳລັບລຸ້ນປົດລ໋ອກເຄື່ອງຈະມີລະບົບສະແກນລາຍນິ້ວມືນຳ ສະເພາະ POP 4S
ທັງ 3 ລຸ້ນນັ້ນ ມາພ້ອມກັບລະບົບປະຕິບັດການ Android 6 Marshmallow. The POP 4 ແລະ POP 4+ ຮອງຮັບສັນຍານ Cat 4 LTE, ໃນຂະນະທີ່ POP 4S ນັ້ນຮອງຮັບສັນຍານ Cat 6 LTE. ນອກນີ້ຍັງມາພ້ອມກັບຊຸດຫູຟັງຂອງ JBL. ສຳລັບລາຄາແລະມື້ວາງຂາຍຍັງບໍ່ມີປະກາດອອກມາແຕ່ຢ່າງໃດ
ທີ່ມາ:phonearena