spot_img
Homeຂ່າວການສຶກສາລັດຖະມົນຕີວ່າການ ກະຊວງ ວິທະຍາສາດ ແລະ ເຕັກໂນໂລຊີ ພ້ອມດ້ວຍຄະນະ ໄດ້ລົງຊຸກຍູ້ວຽກງານ ວິທະຍາສາດ ແລະ ເຕັກໂນໂລຊີຢູ່ແຂວງບໍລິຄຳໄຊ

ລັດຖະມົນຕີວ່າການ ກະຊວງ ວິທະຍາສາດ ແລະ ເຕັກໂນໂລຊີ ພ້ອມດ້ວຍຄະນະ ໄດ້ລົງຊຸກຍູ້ວຽກງານ ວິທະຍາສາດ ແລະ ເຕັກໂນໂລຊີຢູ່ແຂວງບໍລິຄຳໄຊ

Published on

images-stories-photo5news-0141-215x143

ໃນຕອນເຊົ້າຂອງວັນທີ 8 ເມສາ 2014 , ທ່ານ ບັນດິດ. ສຈ. ດຣ ບໍ່ວຽງຄຳ ວົງດາລາ, ລັດຖະ ມົນຕີວ່າ

ການ ກະຊວງ ວິທະຍາສາດ ແລະ ເຕັກໂນໂລຊີ ພ້ອມດ້ວຍຄະນະໄດ້ລົງຊຸກຍູ້ວຽກງານ ວິທະຍາສາດ ແລະ ເຕັກໂນ ໂລຊີ ຢູ່ແຂວງບໍລິຄຳໄຊ

ຕໍ່ການລົງເຮັດວຽກໃນຄັ້ງນີ້ : ທ່ານ ແຄນຄຳສຸກ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ບໍລິຄຳໄຊ ໄດລາຍງານການຈັດຕັ້ງປະຕິບັດວຽກງານໃນໄລຍະຜ່ານມາວ່າ: ໃນໄລຍະຜ່ານມາທາງພະແນກ ກໍ່ໄດ້ມີ ການເຄື່ອນໄຫວທີ່ພົ້ນເດັ່ນໃນຫຼາຍດ້ານເປັນຕົ້ນແມ່ນ ປະສານສົມທົບກັບກົມແຜນການ ແລະ ການຮ່ວມມື ຂອງ ກະຊວງ ຈັດຝຶກອົບຮົມກ່ຽວກັບວຽກງານ ວິທະຍາສາດ ແລະ ເຕັກໂນໂລຊີ ໃນໄລຍະ 2013-2015; ໄດ້ກະກຽມນິ ຕິກຳຕ່າງໆ ເພື່ອຮັບໃຊ້ເຂົ້າໃນກອງປະຊຸມຮ່ວມມື ລະຫວ່າງ ພະແນກວິທະຍາສາດ ແລະ ເຕັກໂນໂລຊີ ແຂວງຄຳ ມ່ວນ ລະຫວ່າງ ພະແນກວິທະຍາສາດ ແລະ ເຕັກໂນໂລຊີ ແຂວງ ຮ່າຕິ່ງ ສສ ຫວຽດນາມ; ເຂົ້າຝຶກອົບຮົມ ກ່ຽວກັບ ການຈັດຕັ້ງປະຕິບັດໂຄງການຄົ້ນຄວ້າວິທະຍາສາດ ຢູ່ກະຊວງ ວິທະຍາສາດ ແລະ ເຕັກໂນໂລຊີ; ຮ່ວມກັບນັກສຶກສາ ຈາດມະຫາໄລແຫ່ງຊາດ ລົງເກັບກຳຂໍ້ມູນຊະນິດ ແນວພັນພືດ 02 ຕັ້ງ ຢູ່ເຂດສວນອຸດທະຍານ ວິທະຍາສາດປາກຊັນ;ລົງກວດຄືນເຂດແດນສວນອຸທິຍານ ວິທະຍາສາດປາກຊັນ; ລົງກວດຊິ່ງຊັງຂະໜາດ 100 ກິໂລ ກຼາມຂື້ນໄປ ຢູ່ສາມເມືອງຄື: ເມືອງປາກຊັນ, ເມືອງບໍລິຄັນ ແລະ ເມືອງ ທ່າພະບາດ, ຈັດຝຶກອົບຮົມກ່ຽວກັບວຽກງານກວດສອບກົງເຕີໄຟຟ້າ, ນໍ້າປະປາ; ກວດສອບ ກົງເຕີ ລັດວິສາຫະກິດນໍ້າປະປາ ທີ່ນຳເຂົ້າໄໝ່ໄດ້ 380 ໜ່ວຍ; ລົງຊຸກຍູ້ຂຶ້ນທະບຽນຊິ່ງຊັງ ແລະ ຫົວປໍ້າຈ່າຍນໍ້າມັນ ຢູ່ ເມືອງ ບໍລິຄັນ ແລະ ເມືອງ ວຽງທອງ; ລົງກວດ ສີນຄ້າໝົດອາຍຸຢູ່ເມືອງປາກຊັນ ແລະ ກໍຍັງໄດ້ເຂົ້າຮ່ວມກອງປະຊູມ, ຝຶກອົບຮົມ ແລະ ຂະບວນການນຳພາກສ່ວນຕ່າງໆ ທີ່ກ່ຽວຂ້ອງອີກດ້ວຍ.

ພ້ອມກັນນັ້ນ, ຢູ່ໃນກອງປະຊຸມກໍຍັງໄດ້ມີການປິກສາຫາລື, ແລກປ່ຽນບົດຮຽນ ແລະ ປະສົບການນຳກັນ ແລະ ຫວ່າງສູນກາງ ແລະ ທ້ອງຖີ່ນ ໃນການຈັດ ຕັ້ງປະຕິບັດວຽກງານໃຫ້ໄດ້ຮັບຜົນສຳເລັດ,

ໂອກາດດັ່ງກ່າວນີ້, ທ່ານລັດຖະມົນຕີຍັງໄດ້ໂອ້ລົງ ແລະ ມີຄຳເຫັນຕໍ່ການລົງເຮັດວຽກຄັ້ງນີ້ວ່າ: ເພື່ອເຮັດໃຫ້ວຽກງານວິທະຍາສາດ ແລະ ເຕັກໂນໂລຊີ ມີ ການປັບປຸງ ໃຫ້ແທດເໝາະກັບການຂະຫຍາຍໂຕ ຂອງເສດຖະກິດ-ສັງຄົມ ໃນແຕ່ລະຍຸກແຕ່ລະສະໄໝ.

ສະນັ້ນ, ທາງພະແນກຕ້ອງໄດ້ເອົາບາງປັບປຸງບັນຫາ ເປັນຕົ້ນແມ່ນ: ຕ້ອງຍົກລະດັບຄວາມຮູ້ໃຫ້ແກ່ພະນັກງານ ໃນຂົງເຂດວຽກງານວິທະຍາສາດ, ເຕັກໂນໂລ ຊີ, ຊັບສິນທາງປັນຍາ, ມາດຕະຖານ ແລະ ວັດແທກ; ທາງພະແນກຕ້ອງມີການສ້າງແຜນ ( ແຜນຄົນ, ແຜນເງິນ, ແຜນງານ) ເພື່ອນຳສະເໜີກະຊວງ; ເອົາໃຈໃສ່ໃນດ້ານ ການຈັດຕັ້ງປະຕິບັດກົດລະບຽບລັດຖະກອນຢ່າງເຂັ້ມງວດ; ຍົກສູງລະດັບການສຶກສາ, ການເມືອງແນວຄິດໃຫ້ແກ່ອ້າຍນ້ອງພະນັກງານຕາມເງື່ອນໄຂ; ປະສານສົມທົບ ພົວພັນຮ່ວມມືກັບພາຍໃນ ແລະ ຕ່າງປະເທດ

ນອກນີ້, ທ່ານກໍ່ຍັງໄດ້ຮຽກຮ້ອງໃຫ້ບັນດາກົມ, ສະຖາບັນຕ້ອງໃຫ້ຄວາມຊ່ວຍເຫຼືອໃຫ້ແກ່ພະແນກ, ເພື່ອນຳເອົາວຽກງານວິທະຍາສາດ ແລະ ເຕັກໂນໂລຊີ ເຂົ້າໃນທຸກຂົງເຂດວຽກງານ ໃຫ້ມີປະສິດຕິພາບ ແລະ ທັນສະໄຫມຂື້ນໃນເທື່ອລະກ້າວ.

ທີ່ມາ http://www.most.gov.la

 

ບົດຄວາມຫຼ້າສຸດ

ສສ ຫວຽດນາມ ຕັ້ງເປົ້າໃຫ້ພາສາອັງກິດ ເປັນພາສາທີສອງ ໃນປີ 2035

ຫວຽດນາມປັບແຜນການຮຽນຄັ້ງສຳຄັນໃນປະເທດ ໂດຍຕັ້ງເປົ້າໃຫ້ພາສາອັງກິດເປັນພາສາທີສອງ ພາຍໃນປີ 2035 ເຊິ່ງຈະຄ່ອຍໆເລີ່ມໃນແຕ່ລະໂຮງຮຽນທົ່ວປະເທດ. ສຳລັບໂຄງການນີ້ ແມ່ນເລີ່ມແຕ່ປີ 2025 ໄປຈົນເຖິງປີ 2035 ແລະ ມີແຜນຈະຂະຫຍາຍໄປຕື່ມຈົນຮອດປີ 2045 ໂດຍກຳລັງຄັດເລືອກວິທະຍາໄລ ແລະ...

ເປີດການນໍາໃຊ້ຢ່າງເປັນທາງການ ທ່າທຽບເຮືອເລກ 3 ທ່າເຮືອສາກົນ ລາວ-ຫວຽດ

ຄະນະຜູ້ແທນຂັ້ນສູງ ພັກ, ລັດ ແຫ່ງ ສປປ ລາວ ນໍາໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ...

ຫຼາຍເພຈໃນລາວຖືກແອບອ້າງ!

ເຕືອນໄພ! ທາງສື່ສັງຄົມອອນລາຍ ປັດຈຸບັນໄດ້ມີກຸ່ມຄົນບໍ່ດີ ຫຼື ມິດສາຊີບ ພະຍາຍາມສ້າງເພຈປອມຂອງສຳນັກຂ່າວຕ່າງໆຂຶ້ນຫຼາຍ. ເມື່ອ 2 ອາທິດທີ່ຜ່ານມານີ້, ຜູ້ນຳໃຊ້ສື່ສັງຄົມອອນລາຍພົບເຫັນເພຈປອມທີ່ແອບອ້າງເປັນເພຈຂອງສຳນັກຂ່າວເພື່ອຍິງໂຄສະນາຂາຍສິນຄ້າຕ່າງໆ ໂດຍໄດ້ນຳໃຊ້ໂລໂກ້, ພາບໜ້າປົກ, ຂໍ້ມູນຂ່າວລົງໃນເພຈປອມເພື່ອໃຫ້ຜູ້ອ່ານເຊື່ອຖື ຫຼັງຈາກນັ້ນແມ່ນຍິງໂຄສະນາ ແລະ...

ພະຍາກອນອາກາດ ເຊົ້າວັນທີ 28 ເມສາ 2025

ພາກເໜືອ-ພາກກາງກຽມຮັບມື ສະພາບອາກາດຮ້ອນ-ຮ້ອນເອົ້າ ອຸນຫະພູມສູງສຸດ 40 ອົົງສາ ຄວາມກົດດັນຕ່ຳຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຫາຮ້ອນເອົ້າ ແລະ ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍຫາປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຕື່ມອີກ. ພະຍາກອນອາກາດ ແຕ່ເວລາ 07...