ແຕ່ວັນທີ 23-26 ເມສາ 2014, ຄະນະຜູ້ແທນກະຊວງ ການຕ່າງປະເທດຂອງມົງໂກ ລີ ນຳໂດຍທ່ານ ດາມບິງ ກັງ ໂຄຢັກ, ລັດຖະມົນຕີຊ່ວຍວ່າ ການກະຊວງການຕ່າງປະ ເທດ ແຫ່ງ ມົງໂກລີ ພ້ອມ ດ້ວຍຄະນະ ໄດ້ເດີນທາງມາ ຢ້ຽມຢາມສາທາລະນະລັດ ປະຊາທິປະໄຕ ປະຊາຊົນ ລາວ ຕາມການເຊື້ອເຊີນຂອງ ກະຊວງການຕ່າງປະເທດ ສປປ ລາວ.
ໃນວັນທີ 24 ເມສາ 2014, ທີ່ກະຊວງການຕ່າງປະເທດ ທ່ານ ທອງລຸນ ສີສຸລິດ, ຮອງ ນາຍົກລັດຖະມົນຕີ, ລັດຖະ ມົນຕີວ່າການກະຊວງການ ຕ່າງປະເທດ ໄດ້ຕ້ອນຮັບການ ເຂົ້າຢ້ຽມຄຳນັບຂອງທ່ານ ດາມບິງກັງໂຄຢັກ ພ້ອມຄະນະ ໂດຍສອງຝ່າຍໄດ້ແຈ້ງ ສະພາບເດັ່ນຂອງປະເທດ ຕົນໃຫ້ກັນຊາບ, ໄດ້ສະແດງ ຄວາມເພິ່ງພໍໃຈຕໍ່ສາຍພົວ ພັນ ຂອງສອງປະເທດທີ່ມີມູນເຊື້ອ ອັນດີນຳກັນເປັນເວລາຍາວ ນານ,ນອກນັ້ນ,ຍັງໄດ້ແລກ ປ່ຽນຄວາມເຫັນນຳກັນກ່ຽວ ກັບບາງບັນຫາສາກົນທີ່ສອງ ຝ່າຍມີຄວາມສົນໃຈຮ່ວມກັນ, ທ່ານ ດາມບິງ ກັງໂຄຢັກ ຍັງ ໄດ້ມອບຈົດໝາຍເຊີນຂອງ ທ່ານ Luvsavandangiin BOLD, ລັດຖະມົນຕີວ່າການ ກະຊວງການຕ່າງປະເທດມົງ ໂກລີ ເພື່ອເຊື້ອເຊີນທ່ານ ທອງລຸນ ສີສຸລິດ, ຮອງນາຍົກ ລັດຖະມົນຕີ, ລັດຖະມົນຕີວ່າ ການກະຊວງການຕ່າງປະ ເທດ ສປປ ລາວ ເພື່ອໄປຢ້ຽມ ຢາມປະເທດມົງໂກລີ. ທ່ານ ທອງລຸນ ສີສຸລິດ ໄດ້ສະແດງ ຄວາມດີໃຈຕໍ່ການເຊື້ອດັ່ງ ກ່າວ ແລະ ຈະຊັບຊ້ອນເວລາ ເພື່ອໄປຢ້ຽມຢາມປະເທດມົງ ໂກລີ ໃນໂອກາດທີ່ເຫມາະ ສົມ.
ໃນເວລາດຽວກັນ, ຄະນະ ຜູ້ແທນກະຊວງການຕ່າງປະ ເທດ ສປປ ລາວ ນຳໂດຍທ່ານ ດຣ.ນາງ ສູນທອນ ໄຊຍະຈັກ, ລັດຖະມົນຕີຊ່ວຍວ່າການກະ ຊວງການຕ່າງປະເທດ ແລະ ຄະນະຜູ້ແທນກະຊວງການ ຕ່າງປະເທດ ມົງໂກລີ ນຳ ໂດຍທ່ານ ດາບິງ ກັງໂຄຢັກ, ລັດຖະມົນຕີຊ່ວຍວ່າການກະ ຊວງການຕ່າງປະເທດ ແຫ່ງ ມົງໂກລີ ໄດ້ມີການພົບປະສອງຝ່າຍທີ່ກະຊວງການຕ່າງ ປະເທດ ສປປ ລາວ. ສອງ ຝ່າຍໄດ້ແຈ້ງໃຫ້ກັນຊາບສະ ພາບການພົ້ນເດັ່ນຂອງແຕ່ ລະປະເທດ, ຕີລາຄາ ແລະ ແລກປ່ຽນຄຳຄິດຄຳເຫັນກ່ຽວ ກັບການພົວພັນຮ່ວມມືນຳກັນ ໃນໄລຍະຜ່ານມາ ແລະ ທິດ ທາງຮ່ວມມືໃນຕໍ່ໜ້າ, ທັງສອງ ຝ່າຍໄດ້ຕີລາຄາສູງຕໍ່ສາຍພົວ ພັນມິດຕະພາບ ແລະ ການ ຮ່ວມມືລະຫວ່າງສອງປະເທດ ໄດ້ຮັບການຂະຫຍາຍຕົວຢ່າງ ຕໍ່ເນື່ອງ ແລະ ເພີ່ມທະວີເປັນ ກ້າວໆ ເຊິ່ງສະແດງອອກໃນ ການແລກປ່ຽນຢ້ຽມຢາມເຊິ່ງ ກັນ ແລະ ກັນ ລະຫວ່າງການ ນຳຂັ້ນສູງຂອງສອງພັກ, ລັດ, ຂັ້ນວິຊາການ ແລະ ທ້ອງຖິ່ນ ອັນໄດ້ເປັນການປະກອບ ສ່ວນເຮັດໃຫ້ການພົວພັນ ຮ່ວມມືລະຫວ່າງລາວ ແລະ ມົງໂກລີ ນັບມື້ນັບມີບາດ ກ້າວໃຫມ່ ແລະ ເປັນຮູບປະ ທຳໃນຫຼາຍດ້ານເຊັ່ນ: ດ້ານ ກະສິິກຳ, ດ້ານສາທາລະນະ ສຸກ ແລະ ການສຶກສາ ແລະ ມີ ການແລກປ່ຽນທັດສະນະ ຕໍ່ບາງບັນຫາໃນຊີວິດສາກົນ.
ນອກນັ້ນ, ຄະນະຍັງໄດ້ ພົບປະເຮັດວຽກກັບການນຳ ຂອງກະຊວງສາທາລະນະສຸກ ທ່ານ ສຈ.ດຣ.ເອກສະຫວ່າງ ວົງວິຈິດ, ລັດຖະມົນຕີວ່າການ ກະຊວງສາທາລະນະສຸກ ທັງ ເປັນປະທານຄະນະກຳມາທິ ການຮ່ວມມືສອງຝ່າຍ ລາວ- ມົງໂກລີ ກໍ່ໄດ້ຕ້ອນຮັບການ ເຂົ້າຢ້ຽມຄຳນັບຂອງທ່ານ ດາ ບິງ ກັງໂຄຢັກ, ລັດຖະມົນຕີ ຊ່ວຍວ່າການກະຊວງການ ຕ່າງປະເທດ ແຫ່ງ ມົງໂກລີ, ໂດຍສອງຝ່າຍໄດ້ທົບທວນ ຄືນຫມາກຜົນການພົວພັນ ຮ່ວມມືຂອງສອງປະເທດ ທີ່ມີ ມູນເຊື້ອອັນດີງາມລະຫວ່າງ ປະຊາຊົນ 2 ຊາດ ແລະ ເປັນ ເອກະພາບນຳກັນວ່າຈະສືບ ຕໍ່ເສີມຂະຫຍາຍການພົວພັນ ຮ່ວມມມືຕາມເນື້ອໃນຂອງ ບົດບັນທຶກກອງປະຊຸມຂອງ ຄະນະກຳມາທິການຮ່ວມມື ສອງຝ່າຍດ້ານເສດຖະກິດ, ການຄ້າ, ວິທະຍາສາດ ແລະ ເຕັກໂນໂລຊີ ຄັ້ງທີ 09 ໃຫ້ ບັນລຸຫມາກຜົນ ແລະ ເປັນ ຮູບປະທຳຍິ່ງໆຂຶ້ນໃນຊຸມປີຕໍ່ ຫນ້າ.
ໃນໂອກາດຢ້ຽມຢາມລາວ ຄະນະຍັງໄດ້ໄປຢ້ຽມຢາມພື້ນ ຖານການຜະລິດ, ວັດທະນະ ທຳ ຢູ່ນະຄອນຫຼວງ ແລະ ແຂວງວຽງຈັນ.