Homeຂ່າວຕ່າງປະເທດສານອີຣັກພິພາກສາ ປະຫານຊີວິດນັກຮົບໄອເອັສ 40 ຄົນ ຂໍ້ຫາສັງຫານໝູ່ທະຫານອີຣັກ!

ສານອີຣັກພິພາກສາ ປະຫານຊີວິດນັກຮົບໄອເອັສ 40 ຄົນ ຂໍ້ຫາສັງຫານໝູ່ທະຫານອີຣັກ!

Published on

ສຳນັກຂ່າວຕ່າງປະເທດ ລາຍງານໃນວັນທີ 19 ກຸມພານີ້ວ່າ ໃນມື້ວານນີ້ (18 ກຸມພາ) ສານນະຄອນຫລວງແບກແດດ ປະເທດອີຣັກ ໄດ້ພິພາກສາປະຫານຊີວິດຜູ້ຖືກຫາ ທີ່ເປັນສະມາຊິກກຸ່ມລັດອິດສະລາມ ຫລື ໄອເອັສ ຈຳນວນ 40 ຄົນ ໃນຂໍ້ຫາສັງຫານໝູ່ທະຫານອີຣັກ ປະມານ 1,700 ຄົນ ທີ່ພວກເຂົາຈັບກຸມໄດ້ ໃນລະຫວ່າງບຸກຍຶດດິນແດນ ທາງພາກເໜືອຂອງອີຣັກ ໃນປີ 2014 ທີ່ຜ່ານມາ.

ທ່ານ ອັບດູນ-ຊັດຕາ ອັນ-ເບີກດາ ໂຄສົກສະພາຍຸຕິທຳສູງສຸດຂອງອີຣັກ ໄດ້ອ້າງຄຳຖະແຫລງຂອງ ສານອາຍານະຄອນຫລວງແບກແດດ ລະບຸວ່າ ສະມາຊິກໄອເອັສທັງ 40 ຄົນ ຖືກພິພາກສາປະຫານຊີວິດ ໃນຂໍ້ຫາກໍ່ການຮ້າຍ ແຕ່ມີຈຳເລີຍອີກ 7 ຄົນ ທີ່ໄດ້ຮັບການຊຳລະຄະດີ ແລະ ຖືກປ່ອຍຕົວເປັນອິດສະຫລະ ເນື່ອງຈາກຂາດຫລັກຖານ.

ແນວໃດກໍຕາມ ນັກໂທດປະຫານຊີວິດທັງ 40 ຄົນ ຈະຖືກພິຈາລະນາທົບທວນຄຳພິພາກສາ ໂດຍສານອຸທອນອີກຂັ້ນໜຶ່ງ ເນື່ອງຈາກກົດໝາຍອີຣັກ ໃຫ້ສິດອຸທອນແບບອັດຕະໂນມັດ ເຖິງແມ່ນຈຳເລີຍຈະບໍ່ຍື່ນຄຳຮ້ອງກໍຕາມ.

ບົດຄວາມຫຼ້າສຸດ

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...