ຂປລ. ສະຫະພັນກິລາຣັກບີ້ແຫ່ງຊາດລາວ ຈະໄດ້ຈັດການແຂ່ງຂັນກິລາຣັກບີ້ນາໆຊາດ ​ຊີງ​ແຊ້ມວຽງ​ຈັນ 2016 ຢູ່ ສູນຝຶກກິລາແຫ່ງຊາດ ສີເກີດນະຄອນຫລວງວຽງຈັນ,  ​ໃນ​​ລະຫວ່າງ​ວັນ​ທີ 20-21 ກຸມພາ ນີ້ ​ໂດຍ​ການ​ສະໜັບສະໜູນ ຂອງ Rugby Pass . com ​ເຊິ່ງ​ແມ່ນ​ເວ​ບ​ໄຊ​ໃໝ່ ຣັກບີ້​ໂລກ​ທີ່​ນຳ​ສະ​ເໜີ​ໂດຍ​ຮູບ​ແບບ​ຂອງຣັກບີ້ HD ​ແລະ ​ໄດ້​ຮັບ​ການ​ຖ່າ​ຍທອດ​ສົດ​ຈາກ 40 ປະ​ເທດ​ທົ່ວ​ໂລກ​ໃນ​ແຕ່ລະ​ປີ.

ທ່ານ ວິຣະຢຸດ ຣາທິກຸນ ປະທານ​ສະຫະພັນ​ກິລາຣັກບີ້​ແຫ່ງ​ຊາດ​ລາວ ​ກ່າວ​ໃນ​ງານ​ຖະ​ແຫລ​ງ ຂ່າວ​ການຈັດ​ການແຂ່ງຂັນ​ດັ່ງກ່າວ ​ໃນ​ວັນ​ທີ 18 ກຸມພາ​ນີ້ ຢູ່ນະຄອນຫລວງ​ວຽງ​ຈັນ ວ່າ: ການ​ແຂ່ງຂັນ​ໃນ​ຄັ້ງນີ້ ​ປະກອບປະ​ເພດ​ທີ​ມຊາຍ 15 ທີ​ມ, ທີ​ມຍິງ 5 ທີ​ມ ຈາກ​ສະ​ໂມ​ສອນ​ປະ​ເທດ​ລາວ, ​ໄທ, ສະຫະລັດ​ອາ​ເມ​ລິ​ກາ ​ແລະຮົ່ງກົ່ງ. ທັງ​ນີ້, ​ກໍ​ເພື່ອຊຸກຍູ້ສົ່ງ​ເສີມ ​ແລະ ພັດທະນາ​ກິລາຣັກບີ້​ລາວ​ໃຫ້​ກ້າວ​ສູ່​ລະດັບ​ມື​ອາຊີບ ກໍ​ຄື ​ລະດັບ​ສາກົນໃນ​ອະນາຄົດ.

ຂໍ້ມູນຈາກ http://kpl.gov.la/detail.aspx?id=10626