ເວລາປະມານ 9 ໂມງເຊົ້າ ຂອງວັນທີ 15 ກຸມພານີ້, ໄດ້ເກີດເຫດໄຟໄໝ້ເຮືອນຫລັງໜຶ່ງ ຢູ່ບ້ານໜອງດ້ວງທົ່ງ ເມືອງສີໂຄດຕະບອງ ນະຄອນຫລວງວຽງຈັນ ຍ້ອນໄຟຟ້າລັດວົງຈອນ ແລະ ສົ່ງຜົນກະທົບ ຕໍ່ໃສ່ເຮືອນທີ່ຢູ່ໃກ້ຄຽງອີກ 5 ຫລັງ, ແຕ່ໂຊກດີໜ່ວຍມອດໄຟ ສາມາດສະກັດກັ້ນໄຟໄວ້ໄດ້.
ເຈົ້າໜ້າທີ່ມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ເຮືອນຫລັງດັ່ງກ່າວ ເປັນເຮືອນ 2 ຊັ້ນ ລຸ່ມກໍ່ເທິງໄມ້ ແລະ ເປັນເຮືອນຢູ່ໃນສະພາບເກົ່າແກ່ ຖືກປຸກສ້າງມາໄດ້ຫລາຍປີແລ້ວ, ບວກໃສ່ການຊົມໃຊ້ໄຟຟ້າເກີນຂະໜາດ ແລະ ສາຍໄຟກໍໝົດອາຍຸການນຳໃຊ້ງານແລ້ວ ແຕ່ບໍ່ໄດ້ຮັບການປ່ຽນຖ່າຍ ພ້ອມທັງອາກາດໃນໄລຍະນີ້ ມີຄວາມຮ້ອນສູງ ຈຶ່ງເຮັດໃຫ້ເກີດໄຟໄໝ້ໄດ້ງ່າຍ, ດັ່ງນັ້ນ ຈຶ່ງຮຽກຮ້ອງໃຫ້ສັງຄົມ ຈົ່ງມີສະຕິ, ລະມັດລະວັງໃນການນຳໃຊ້ຟືນໄຟ, ການໄຕ້ທູບ, ທຽນບູຊາຕ່າງໆ.
ແຫລ່ງຂ່າວ:
