ຄະນະກຳມະການເລືອກຕັ້ງລະດັບຊາດໄດ້ປະກາດລາຍຊື່ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ VIII, ໂດຍມີຜູ້ສະໝັກ ທັງໝົດ 211 ທ່ານ, ໃນນີ້ ຜູ້ສະໝັກຢູ່ສູນກາງມີ 61 ທ່ານ, ທ້ອງຖິ່ນ 150 ທ່ານ, ນອກນັ້ນຍັງມີ ສສຊ ຊຸດທີ VII ສະໝັກຕໍ່ 48 ທ່ານ, ຈາກລັດວິສາຫະກິດ 4 ທ່ານ ແລະຈາກວິສາຫະກິດພາກເອກະຊົນອີກ 9 ທ່ານ.
ການປະກາດດັ່ງກ່າວໄດ້ຈັດຂຶ້ນໃນວັນທີ 15 ກຸມ ພາ 2016 ທີ່ສະພາແຫ່ງຊາດ, ໂດຍທ່ານ ກຸແກ້ວ ອັກຄະມົນຕີ ຄະນະປະຈຳສະພາແຫ່ງຊາດ, ປະທານ ກຳມາທິການຕ່າງປະເທດ, ທັງເປັນຄະນະກຳມະ ການລະດັບຊາດໄດ້ປະກາດລາຍຊື່ຈຳນວນຜູ້ສະໝັກ ຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ VIII : ເຂດເລືອກຕັ້ງທີ 1 ນະຄອນຫຼວງວຽງຈັນມີ ຜູ້ສະໝັກຮັບເລືອກຕັ້ງ 24 ທ່ານ ເລືອກເອົາ 17 ທ່ານ, ເຂດເລືອກຕັ້ງທີ 2 ແຂວງຜົ້ງສາລີ ມີຜູ້ສະໝັກ 7 ທ່ານ ເລືອກເອົາ 5 ທ່ານ, ເຂດເລືອກຕັ້ງທີ 3 ແຂວງຫຼວງນ້ຳທາ ມີ ຜູ້ສະໝັກ 7 ທ່ານ ເລືອກເອົາ 5 ທ່ານ, ເຂດເລືອກຕັ້ງທີ 4 ແຂວງອຸດົມໄຊ ມີຜູ້ສະໝັກ 10 ທ່ານ ເລືອກເອົາ 7 ທ່ານ, ເຂດເລືອກຕັ້ງທີ 5 ແຂວງບໍ່ແກ້ວ ມີຜູ້ສະໝັກ 7 ທ່ານ ເລືອກເອົາ 5 ທ່ານ, ເຂດ ເລືອກຕັ້ງທີ 6
ແຂວງຫຼວງພະບາງມີຜູ້ສະໝັກ 15 ທ່ານ ເລືອກເອົາ 10 ທ່ານ, ເຂດເລືອກຕັ້ງທີ 7 ແຂວງໄຊຍະບູລີມີຜູ້ສະໝັກ 12 ທ່ານ ເລືອກເອົາ 8 ທ່ານ, ເຂດເລືອກຕັ້ງທີ 8 ແຂວງຫົວພັນ ມີຜູ້ສະໝັກ 10 ທ່ານ ເລືອກເອົາ 7 ທ່ານ, ເຂດເລືອກຕັ້ງທີ 9 ແຂວງຊຽງຂວາງ ມີຜູ້ສະໝັກ 9 ທ່ານ ເລືອກເອົາ 6 ທ່ານ, ເຂດເລືອກຕັ້ງທີ 10 ແຂວງວຽງຈັນ ມີຜູ້ສະໝັກ 13 ທ່ານ ເລືອກເອົາ 9 ທ່ານ, ເຂດເລືອກຕັ້ງທີ 11 ແຂວງບໍລິຄຳໄຊ ມີຜູ້ສະໝັກ 9 ທ່ານ ເລືອກເອົາ 6 ທ່ານ, ເຂດເລືອກຕັ້ງທີ 12 ແຂວງຄຳມ່ວນ ມີຜູ້ສະໝັກ 11 ທ່ານ ເລືອກເອົາ 8 ທ່ານ, ເຂດເລືອກຕັ້ງທີ 13 ແຂວງສະຫວັນນະເຂດ ມີຜູ້ສະໝັກ 26 ທ່ານ ເລືອກເອົາ 19 ທ່ານ, ເຂດ ເລືອກຕັ້ງທີ 14 ແຂວງສາລະວັນມີຜູ້ ສະໝັກ 11 ທ່ານ ເລືອກເອົາ 8 ທ່ານ, ເຂດເລືອກຕັ້ງທີ 15 ແຂວງຈຳປາສັກ ມີຜູ້ສະໝັກ 19 ທ່ານ ເລືອກເອົາ 14 ທ່ານ, ເຂດເລືອກຕັ້ງທີ 16 ແຂວງເຊ ກອງ ມີຜູ້ສະໝັກ 7 ທ່ານ ເລືອກເອົາ 5 ທ່ານ, ເຂດເລືອກຕັ້ງທີ 17 ແຂວງ ອັດ ຕະປື ມີຜູ້ສະໝັກ 7 ທ່ານ ເລືອກເອົາ 5 ທ່ານ ແລະເຂດເລືອກຕັ້ງທີ 18 ແຂວງ ໄຊສົມບູນ ມີຜູ້ສະໝັກ 7 ທ່ານ ເລືອກ ເອົາ 5 ທ່ານ.
ໂດຍໃນຈຳນວນຜູ້ສະໝັກຮັບເລືອກຕັ້ງທັງໝົດ 211 ທ່ານ, ຍິງ 50 ທ່ານ, ຢູ່ ສູນກາງມີ 61 ທ່ານ ເປັນຍິງ 17 ທ່ານ, ທ້ອງຖິ່ນ 150 ທ່ານ ຍິງ 33 ທ່ານ, ສສຊ ຊຸດທີ VII ສະໝັກຕໍ່ 48 ທ່ານ ຍິງ 20 ທ່ານ, ຈາກລັດວິສາຫະກິດ 4 ທ່ານ ແລະຈາກວິສາຫະກິດພາກເອກະຊົນອີກ 9 ທ່ານ ຍິງ 2 ທ່ານ.
ທີ່ມາ: