ສຳນັກຂ່າວຕ່າງປະເທດ ລາຍງານໃນວັນທີ 13 ກຸມພາຜ່ານມານີ້ວ່າ ທ່ານ ເຄນຊຶເກະ ມິຢາຊາກິ ສະມາຊິກສະພາຜູ້ແທນປະຊາຊົນ ພັກເສລີປະຊາທິປະໄຕ (LDP) ຂອງຍີ່ປຸ່ນ ໄດ້ກ່າວຖະແຫລງລາອອກຈາກຕຳແໜ່ງ ຫລັງຈາກທີ່ສື່ມວນຊົນຍີ່ປຸ່ນ ໄດ້ນຳສະເໜີຂ່າວວ່າ ທ່ານ ມິຢາຊາກິ ລັກລອບພົວພັນແບບຊູ້ສາວກັບນາງແບບຄົນໜຶ່ງ ກ່ອນທີ່ພັນລະຍາຂອງທ່ານເອງຈະເກີດລູກ ຊຶ່ງກ່ອນໜ້ານີ້ ທ່ານ ມິຢາຊາກິ ໄດ້ອອກມາເວົ້າວ່າ ຕົນເອງຕ້ອງການລາພັກວຽກ ເພື່ອເຮັດໜ້າທີ່ບິດາໃຫ້ແກ່ລູກຂອງຕົນ.
ພາຍຫລັງການນຳສະເໜີຂ່າວດັ່ງກ່າວ ທ່ານ ມິຢາຊາກິ ໄດ້ອອກມາຍອມຮັບວ່າ ຕົນເອງໄດ້ລັກລອບພົວພັນ ກັບນາງແບບສາວຕາມສື່ມວນຊົນກ່າວແທ້ຈິງ ເປັນເວລາ 3 ຄັ້ງ ໂດຍໄດ້ກ່າວຂໍໂທດ ແລະ ປະກາດລາອອກຈາກຕຳແໜ່ງ ສະມາຊິກສະພາຜູ້ແທນປະຊາຊົນຍີ່ປຸ່ນ.