ສຳນັກຂ່າວຕ່າງປະເທດ ລາຍງານໃນວັນທີ 15 ກຸມພານີ້ວ່າ ທົ່ວສັງຄົມອອນລາຍຂອງຈີນ ໄດ້ມີການເຜີຍແຜ່ພາບ ແລະ ສົ່ງຕໍ່ກັນຢ່າງກວ້າງຂວາງ ເຖິງພາບຖ່າຍລົດເກັງຄັນໜຶ່ງ ທີ່ບັນທຸກເປັດ ແລະ ໄກ່ໂຕເປັນໆ ຫ້ອຍຢູ່ຕາມທ້າຍລົດ ຂັບຕາມຖະໜົນຫລວງ ຊຶ່ງບາງສ່ວນກໍເຫັນວ່າເປັນເລື່ອງຕະຫລົກ ແຕ່ບາງຄົນກໍເວົ້າວ່າ ເປັນການທໍລະມານສັດ.
ຈາກພາບດັ່ງກ່າວພົບວ່າ ລົດຄັນນີ້ບັນທຸກໄກ່ໂຕໜຶ່ງທີ່ຍັງມີຊີວິດຢູ່ ໂດຍຖືກບັນຈຸໃສ່ໄຖ່ ເປີດສ່ວນຫົວອອກ ແລ້ວໃຊ້ເທັບກາວຕິດແປະໄວ້ຝາກະໂປງທ້າຍລົດ, ພ້ອມກັນນັ້ນ ດ້ານລຸ່ມຝາກະໂປງກໍຍັງມີເປັດອີກ 2 ໂຕ ຖືກບັນຈຸໃສ່ໄຖ່ ຫ້ອຍໄວ້ທ້າຍລົດເຊັ່ນກັນ ຊຶ່ງເຫດການດັ່ງກ່າວນີ້ ເກີດຂຶ້ນໃນໄລຍະກຸດຈີນທີ່ຜ່ານມາ ແລະ ຄາດວ່າເຈົ້າຂອງລົດ ອາດຊື້ເປັດ ແລະ ໄກ່ເພື່ອໄປແຕ່ງອາຫານໄຫວ້ບັນພະບູລຸດ ແຕ່ສະພາບລົດບໍ່ເໝາະສົມໃນການບັນທຸກ ຈຶ່ງຕັດສິນໃຈໃຊ້ວິທີການດັ່ງກ່າວແທນ.
