ເພື່ອເປັນການປັບປຸງການດຳເນີນທຸລະກິດດ້ານການພິມໃຫ້ໄດ້ຮັບຜົນດີ ແລະ ການຜະລິດດ້ານການພິມໃຫ້ຮັບປະກັນມີຄວາມວ່ອງ ໄວມີຄຸນນະພາບ ແລະ ຄວາມຈົບງາມ. ສະນັ້ນ ໃນຫວ່າງບໍ່ດົນມານີ້, ໂຮງພິມແຫ່ງລັດ ຊຶ່ງເປັນວິສາຫະກິດຂອງລັດທີ່ດຳ ເນີນທຸລະ ກິດດ້ານການພິມໄດ້ນຳເຄື່ອງຈັກພິມທີ່ມີຄວາມທັນສະໄໝ ຊຶ່ງເປັນເຕັກໂນໂລຊີໃໝ່ ຈາກປະເທດຍີ່ປຸ່ນຍີ່ຫໍ້ລີໂອບີ (RYOBI) ມານຳ ໃຊ້ຖືວ່າເປັນ ເຄື່ອງຈັກທີ່ມີປະສິດທິພາບສູງໃນດ້ານ ການພິມ ເປັນເຄື່ອງຈັກ 4 ສີ ຂະໜາດການພິມ 59 ຊມ x 78 ຊມ ມີຄວາມ ໄວສູງມີຄວາມສາມາດພິມໄດ້ 15.000 ໃບ/ຊົ່ວໂມງ, ຖືວ່າເປັນເຄື່ອງຈັກຂະໜາດໃຫຍ່ທີ່ທັນສະໄໝທີ່ສຸດ ຢູ່ປະເທດພວກ ເຮົາໃນໄລ ຍະນີ້.
ທ່ານ ໄມອ່ອນ ທຳມະວົງ ຜູ້ອຳນວຍການລັດວິສາຫະກິດໂຮງພິມແຫ່ງລັດໄດ້ໃຫ້ສຳພາດໃນວັນທີ 26 ມີນາ ວ່າ: ນັບແຕ່ ໄດ້ນຳ ເຄື່ອງຈັກພິມໃໝ່ເຂົ້າ ມາຮັບໃຊ້ວຽກງານການພິມ ເຫັນໄດ້ວ່າສາມາດແກ້ໄຂຄວາມ ຊັກຊ້າໃນຂອດບໍລິການການ ພິມໄດ້ເປັນຢ່າງດີ ຍ້ອນວ່າ ເຄື່ອງຈັກໃໝ່ນີ້ມີຄວາມໄວໃນ ການພິມ ແລະ ມີຄວາມລະອຽດ ແລະ ຄົມຊັດຂອງສິ່ງພິມ, ຕົວ ຢ່າງວ່າ ໃນໄລຍະທີ່ບໍ່ທັນມີ ເຄື່ອງຈັກໃໝ່ເຂົ້າມານັ້ນພວກ ເຮົາຈະໃຊ້ເວລາໃນການພິມ ວາລະສານໃນ 4-5 ວັນ ຈຶ່ງ ແລ້ວ ແລະ ຖ້າເປັນໜັງສືພິມ ລາຍວັນກໍຈະໃຊ້ເວລາຫຼາຍ ຊົ່ວໂມງ ແຕ່ປະຈຸບັນຂັ້ນຕອນ ນັ້ນໄດ້ໝົດໄປເຄື່ອງຈັກໃໝ່ ໄດ້ຫຍໍ້ເວລາການຜະລິດໃຫ້ ສັ້ນເຂົ້າເຊັ່ນ ການພິມໜັງສື ພິມໃຊ້ເວລາສັ້ນເຂົ້າ ແລະ ຄຸນ ນະພາບຂອງສິ່ງພິມນັ້ນກໍມີ ຄຸນນະພາບ ສີກໍແຈ້ງງາມ ແລະ ຄົມຊັດ. ທ່ານ ໄມອ່ອນ ທຳມະວົງ ຍັງໄດ້ກ່າວຕື່ມວ່າຈາກການນຳໃຊ້ເຄື່ອງຈັກໃໝ່ນີ້ເຂົ້າມາຮັບໃຊ້ວຽກງານການພິມຂອງໂຮງພິມແຫ່ງລັດແມ່ນ ການບຸກທະລຸ ໜຶ່ງຂອງໂຮງພິມ ພວກເຮົາກ້າວສູ່ຄວາມທັນສະ ໄໝ ແລະ ສ້າງຄວາມພໍໃຈໃຫ້ ກັບລູກຄ້າທີ່ມາໃຊ້ບໍລິການ.
ປະຈຸບັນນີ້ ພວກເຮົາສາມາດຢັ້ງຢືນໄດ້ວ່າພວກເຮົາມີຄວາມສາມາດບໍລິການຮັບພິມສິ່ງພິມປະເພດຕ່າງໆດ້ວຍຄວາມວ່ອງໄວ ຮັບປະ ກັນຄຸນນະພາບບໍ່ວ່າຈະເປັນທາງພາກລັດ ແລະ ເອກະຊົນພວກເຮົາມີຄວາມຍິນດີບໍລິການຮັບໃຊ້ທ່ານດ້ວຍລາຄາທີ່ຕໍ່ລອງ ກັນໄດ້.

ທີ່ມາ  http://www.pasaxon.org.la