spot_img
Homeຂ່າວພາຍ​ໃນຫາລືກາລະໂອກາດ ແລະ ສິ່ງທ້າທາຍເຊື່ອມໂຍງເສດຖະກິດ

ຫາລືກາລະໂອກາດ ແລະ ສິ່ງທ້າທາຍເຊື່ອມໂຍງເສດຖະກິດ

Published on

   ໃນ​ວັນ​ທີ 11 ກຸມ­ພາ 2016 ທີ່ແຂວງ​ຫຼວງ​ພະ​ບາງໄດ້​ຈັດ​ກອງ​ປະ­ຊຸມສຳ​ມະ​ນາ​ໃນ​ຫົວ­ຂໍ້:“ກາ­ລະ​ໂອ­ກາດ ແລະ ສິ່ງ​ທ້າ​ທາຍ​ຈາກ​ການ​ເຊື່ອມ​ຈອດ​ພາກພື້ນ ແລະ​ ເຊື່ອມ​ໂຍງ​ເສດ­ຖະ­ກິດ” ຊຶ່ງ​ໄດ້ຮັບ​ການ​ສະ­ໜັບ­ສະ­ໜູນ​ຈາກ​ສູນ​ອາ​ຊຽນຍີ່­ປຸ່ນ​ພາຍ​ໃຕ້​ການ​ເປັນ​ປະ­ທານ​ຮ່ວມຂອງ​ທ່ານ ດຣ. ບົວ​ຄົງ ນາມ​ມະ​ວົງ, ຮອງເຈົ້າ­ແຂວງ​ຫຼວງ​ພະ​ບາງ ແລະ​ ທ່ານ ສົງການ ຫຼວງ​ມຸ­ນິນ​ທອນ, ຫົວ­ໜ້າ​ກົມ ເສດຖະ​ກິດ ກະ­ຊວງ​ການ​ຕ່າງ­ປະ­ເທດ ໂດຍມີ​ຄະ­ນະ​ຜູ້​ແທນ​ຈາກ​ສູນ​ກາງ ແລະ​ ແຂວງຫຼວງ​ພະ​ບາງ, ນັກ​ສຶກ​ສາລວມ​ທັງ​ບັນດາ​ນັກ­ທຸ­ລະ­ກິດ​ຈາກ​ແຂວງ​ຫຼວງ​ພະ​ບາງເຂົ້າ​ຮ່ວມ​ທັງ​ໝົດ 60 ຄົນ.

   ຈຸດ­ປະ­ສົງ​ຂອງ​ສຳ​ມະ​ນາ​ຄັ້ງ​ນີ້ ເພື່ອແນ­ໃສ່​ປຶກ­ສາ​ຫາ­ລື ແລະ​ແລກ­ປ່ຽນ​ຄຳຄິດ​ຄຳ​ເຫັນ​ບັນ­ຫາ​ຕ່າງໆ​ທີ່​ກ່ຽວ­ຂ້ອງ, ພ້ອມ​ທັງ​ການ​ເຜີຍ­ແຜ່​ຂໍ້​ມູນ ແລະ​ຄວາມ ຄືບ​ໜ້າ​ຂອບ​ການ​ຮ່ວມ​ມື​ຕ່າງໆ​ຂອງ ສປປ ລາວ ຕໍ່​ກັບ​ອະ­ນຸ​ພາກ​ພື້ນ, ພາກ​ພື້ນ ແລະ​ສາ­ກົນ ເພື່ອ​ສ້າງ​ຄວາມ​ຮັບ​ຮູ້ ແລະ ເຂົ້າ­ໃຈ​ກ່ຽວ​ກັບ​ກາ­ລະ​ໂອ­ກາດ ແລະ​ສິ່ງ ທ້າ​ທາຍ, ທັງ​ເປັນ​ການ​ລະ­ດົມ​ຄວາມ​ຄິດ ໃນ​ການ​ຮັບ​ມື, ການ​ແກ້​ໄຂ​ບັນ­ດາ​ສິ່ງ​ທ້າທາຍ​ທີ່​ເກີດ​ຂຶ້ນ​ໃນ​ປະ­ຈຸ​ບັນ ແລະ​ອາດ​ຈະເກີດ​ຂຶ້ນ​ໃນ​ອະ­ນາ­ຄົດ ແລະ​ເພື່ອ​ເປັນ​ແນວທາງ​ໃນ​ການ​ສືບ­ຕໍ່​ຈັດ​ຕັ້ງ​ປະ­ຕິ­ບັດ, ການ ປະ­ກອບ­ສ່ວນ​ທາງ​ດ້ານ​ພັນ­ທະ, ການ​ຍົກສູງ​ບົດ­ບາດ ແລະ​ຄວາມ​ເປັນ​ເຈົ້າ​ການໃນ​ການ​ເຊື່ອມ​ຈອດ​ດ້ານ​ພື້ນ­ຖານ​ໂຄງລ່າງ ແລະ​ການ​ເຊື່ອມ​ໂຍງ​ເສດ­ຖະ­ກິດ ພາກ​ພື້ນ ແລະ​ສາ­ກົນ ລວມ​ທັງ​ການ​ເປັນປະ­ທານ​ອາ​ຊຽນ​ຂອງ​ລາວ​ໃນ​ປີ​ນີ້.

ໃນ​ກອງ​ປະ­ຊຸມ​ສຳ​ມະ​ນາ​ຄັ້ງ​ນີ້ ຍັງ ໄດ້​ຮັບ​ຟັງ​ການ​ຂຶ້ນ​ສະ­ເໜີ​ບົດ​ຕ່າງ​ທີ່ປິ່ນ​ອ້ອມ​ຫົວ­ຂໍ້​ສຳ​ມະ​ນາ​ເປັນ­ຕົ້ນ: ກາ­ລະ ໂອ­ກາດ ແລະ​ສິ່ງ​ທ້າ​ທາຍຈາກ​ການເຊື່ອມ​ໂຍງ​ເສດ­ຖະ­ກິດ​ກັບ​ພາກ​ພື້ນ ແລະ ສາ­ກົນ, ໂດຍ​ສະ­ເພາະບັນ­ດາ​ຂອບ​ການ ຮ່ວມ​ມື​ພາກ​ພື້ນ, ອະ­ນຸ​ພາກ​ພື້ນ ແລະ​ຂອບ ການ​ຮ່ວມ​ມື​ສາ­ກົນ​ທີ່​ລາວ​ເຂົ້າ​ຮ່ວມ​ເປັນຕົ້ນ​ກາ­ລະ​ໂອ­ກາດ ແລະ​ສິ່ງ​ທ້າ​ທາຍ ຈາກການ​ເຂົ້າ​ເປັນ​ປະ­ຊາ​ຄົມ​ເສດ­ຖະ­ກິດ​ອາຊຽນ​ພາຍ­ຫຼັງ​ປີ 2015 ແລະ​ການ​ເປັນປະ­ທານ​ອາ​ຊຽນ ໃນ​ປີ 2016; ການເຊື່ອມ​ຈອດ ໂດຍ​ເສັ້ນ­ທາງ​ລົດ­ໄຟ​ຂອງ ສປປ ລາວ ຕໍ່​ກັບ​ພາກ​ພື້ນ ແລະ​ການ​ພັດ ທະ​ນາ​ເຂດ​ເສດ­ຖະ­ກິດ​ພິ­ເສດ ແລະ​ການພັດ­ທະ­ນາ​ການ­ທ່ອງ­ທ່ຽວ​ຂອງ​ແຂວງ ຫຼວງ​ພະ​ບາງ.

ພາຍ­ຫຼັງ​ຮັບ​ຟັງ​ການ​ຂຶ້ນ​ສະ­ເໜີ​ບົດຕ່າງໆ, ບັນ­ດາ​ນັກ​ສຳ​ມະ​ນາ​ກອນ ແລະ ນັກ​ວິ­ທະ­ຍາ­ກອນ​ໄດ້​ປຶກ­ສາ​ຫາ­ລື ແລະ ແລກ­ປ່ຽນ​ຄຳ​ຄິດ​ຄຳ​ເຫັນ​ແນ­ໃສ່​ເພື່ອຊອກ​ຫາ​ຊ່ອງ​ທາງ​ເພື່ອ​ຍາດ​ແຍ່ງ​ຜົນ​ປະໂຫຍດ​ໃຫ້​ແກ່​ປະ­ເທດ​ເຮົາ ແລະ​ການ​ກະ ກຽມ​ເພື່ອ​ຮັບ​ມື​ກັບ​ສິ່ງ​ທ້າ​ທາຍ​ທີ່​ຈະ​ເກີດຂຶ້ນ, ການ​ຊຸກ­ຍູ້​ໃຫ້​ທຸກ​ພາກ­ສ່ວນ​ເສດ​ຖະກິດ​ຕ່າງໆ​ມີ​ສ່ວນ​ຮ່ວມ ແລະ​ມີ​ຄວາມ​ຕື່ນຕົວ​ຫຼາຍ​ຂຶ້ນ ລວມ​ທັງ​ຍົກ​ສູງ​ຄວາມ​ອາດສາ­ມາດ​ຂອງ​ພາກ​ເສດ­ຖະ­ກິດ​ພາຍ​ໃນໃຫ້​ສາ­ມາດ​ແຂ່ງ­ຂັນ​ໄດ້​ໃນ​ການ​ເຊື່ອມໂຍງ​ເສດ­ຖະ­ກິດ.

ກອງ​ປະ­ຊຸມ​ສຳ​ມະ​ນາ​ຄັ້ງ​ນີ້ ໄດ້​ອັດລົງ​ດ້ວຍ​ຜົນ­ສຳ­ເລັດ​ອັນ​ຈົບ­ງາມ ແລະ​ບັນລຸ​ຕາມ​ຈຸດ­ປະ­ສົງ​ເປົ້າ​ໝາຍ​ທີ່​ວາງ​ໄວ້.

ທີ່ມາ:logo

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...