ສຳນັກຂ່າວຕ່າງປະເທດ ລາຍງານໃນວັນທີ 12 ກຸມພານີ້ວ່າ ທ່ານ ຫລີ່ເຄີ່ສຽງ ນາຍົກລັດຖະມົນຕີ ແຫ່ງ ສປ. ຈີນ ໄດ້ກ່າວພາຍຫລັງເຂົ້າຮ່ວມ ກອງປະຊຸມຄະນະລັດຖະມົນຕີ ເມື່ອອາທິດທີ່ຜ່ານມາວ່າ ລັດຖະບານຈີນ ມີມະຕິ ອະນຸມັດງົບປະມານ 700 ຕື້ຢວນ ສຳລັບພັດທະນາລະບົບຕາຂ່າຍ ພະລັງງານໄຟຟ້າໃນເຂດຊົນນະບົດ ແລະ ພື້ນທີ່ພາກຕາເວັນຕົກຂອງປະເທດ ເພື່ອພັດທະນາຄວາມເປັນຢູ່ຂອງປະຊາຊົນ ແກ້ໄຂບັນຫາການຂາດແຄນໄຟຟ້າ ແລະ ລະບົບເຄືອຂ່າຍໄຟຟ້າ ທີ່ມີຄຸນນະພາບຕ່ຳກ່ວາມາດຕະຖານ ໂດຍຈະເປີດກວ້າງໃຫ້ພາກເອກະຊົນ ເຂົ້າຮ່ວມໃນການລົງທຶນ.
ນອກຈາກນັ້ນ, ລັດຖະບານຍັງຈະຊຸກດັນ ການສ້າງລະບົບຕາຂ່າຍໄຟຟ້າ ສຳລັບຈັກສູບນ້ຳໃນເຂດຊົນນະບົດ ແລະ ພັດທະນາລະບົບສາຍສົ່ງ ເພື່ອຕອບສະໜອງຄວາມຕ້ອງການ ຂອງຊາວກະສິກອນຈີນ ຕະຫລອດຮອດເພື່ອຮອງຮັບ ການພັດທະນາຜົນຜະລິດ ແລະ ການເຕີບໃຫຍ່ຂອງທຸລະກິດການຄ້າອອນລາຍ ຫລື (e-commerce) ອີກດ້ວຍ.