ສຳນັກຂ່າວຕ່າງປະເທດ ລາຍງານໃນວັນທີ 10 ກຸມພາຜ່ານມານີ້ວ່າ ຍອດຈຳໜ່າຍລົດຍົນຂອງຫວຽດນາມ ຈະຍັງຄົງຂະຫຍາຍຕົວຢ່າງແຂງແຮງພາຍໃນປີນີ້ ປະມານ 30% ເນື່ອງຈາກເສດຖະກິດຂອງຫວຽດນາມ ຍັງຄົງເຕີບໂຕຢ່າງຕໍ່ເນື່ອງ ຊ່ວຍສົ່ງເສີມຄວາມຕ້ອງການພາຍໃນປະເທດ, ແນວໃດກໍຕາມ ຍອດຈຳໜ່າຍດັ່ງກ່າວ ຈະຫລຸດລົງ ເມື່ອທຽບກັບປີຜ່ານມາ ທີ່ສາມາດສ້າງຍອດຈຳໜ່າຍສູງເຖິງ 55%.
ທັງນີ້ ການເຕີບໂຕຂອງຍອດຈຳໜ່າຍລົດຍົນຢູ່ຫວຽດນາມ ຄາດວ່າຈະມີທ່າອ່ຽງເພີ່ມຂຶ້ນໃນປີ 2018 ເມື່ອລົດຍົນທີ່ນຳເຂົ້າຈາກກຸ່ມປະເທດອາຊຽນ ຈະຖືກຫລຸດອັດຕາພາສີເຫລືອສູນ.