ວັນທີ 4 ກຸມພານີ້ ເຈົ້າໜ້າທີ່ ປກສ ເມືອງສັງທອງ ນະຄອນຫຼວງວຽງຈັນ ໄດ້ຮັບແຈ້ງວ່າ: ໄດ້ມີສະພາບຜົວເມຍ ຂ້າກັນຕາຍຢູ່ບ້ານວັງມ້າ, ຈາກນັ້ນ ພະນັກງານໜ່ວຍງານຄະດີອາຍາ, ສົມທົບກັບຕຳຫຼວດກຸ່ມ 5 ແລະພະແນກນິຕິເວດ ນະຄອນຫຼວງວຽງຈັນໄດ້ລົງກວດກາ ສັນນະສູດສະຖານທີ່ເກີດເຫດໄດ້ຮູ້ວ່າ: ຜູ້ເສຍຊີວິດ ຊື່ທ້າວ ພັດ ອາຍຸ 40 ປີ ອາຊີບເຮັດນາ ໂດຍທາງຂ້າງຂອງຜູ້ກ່ຽວມີສົບຂອງເມຍຜູ້ກ່ຽວນອນເສຍຊີວິດ, ໂດຍສົບຂອງເມຍຢູ່ງ່ອນເບື້ອງຂວາ ເປັນຮູຊອດອອກດັງ, ດູກແກ້ມເບື້ອງ ຂວາແຕກມູ່ນ, ດູກດັງຫັກ, ສ່ວນຜູ້ຊາຍແມ່ນມີຮ່ອງຮອຍເປັນຮູ ເຂົ້າທາງປາກ, ແຂ້ວເບື້ອງເທິງຫັກຊອດອອກທາງງ່ອນເປັນຮູກວ້າງ.
ຈາກການສັນຍິຖານຂອງເຈົ້າໜ້າທີ່ແມ່ນການຂ້້າຕົນເອງຕາຍຫຼັງຈາກຜົວໄດ້ເອົາປືນແກ໋ບຍິງເມຍຕົນເອງແລ້ວກໍ່ຍິງຕົວເອງຕາຍຕາມ.
ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 7 ກຸມພານີ້ ກໍໄດ້ເກີດເຫດຊາຍອາຍຸ 52 ປີ ຢູ່ບ້ານນາຫອຍປັງ ເມືອງສັງທອງ ໃຊ້ມີດປາດຄໍຊາຍໄວໜຸ່ມທີ່ເປັນພີ່ນ້ອງຂອງຕົນເອງ, ຈົນອາການສາຫັດ ຖືກນຳສົ່ງໂຮງ ໝໍຫຍິບ 9 ເຂັມ, ໂດຍສາເຫດຂອງເລື່ອງດັ່ງກ່າວ ເຈົ້າໜ້າທີ່ຍັງສືບສວນ-ສອບສວນ.
ທີ່ມາ: