Archos ອອກມາປະກາດກ່ຽວກັບສະມາດໂຟນລຸ້ນໃໝ່ທີ່ຈະຂາຍໃນເດືອນພຶດສະພານີ້ ໂດຍໃຊ້ຊື່ວ່າ Archos 50d Oxygen ເຊິ່ງຄາດວ່າອາດຈະມາເປັນລຸ້ນສືບທອດຂອງສະມາດໂຟນ Archos 50c Oxygen ທີ່ເປີດໂຕແລະວາງຂາຍໄປແລ້ວໃນປີ 2014
ສຳລັບໃນດ້ານສະເປັກຂອງ 50d ແມ່ນມີໜ້າຈໍຂະໜາດ 5 ນິ້ວ ຄວາມລະອຽດ 1080p (FHD). ໃຊ້ງານຊີພີຢູ MediaTek MT6753 ຄວາມໄວຢູ່ທີ່ 1.3 GHz octa-core Cortex-A53, RAM 2GB, ພື້ນທີ່ຈັດເກັບ 16GB. ໃຊ້ໄດ້ 2 ຊິມແລະຮອງຮັບ 4G LTE, ແຕ່ບໍ່ຮອງຮັບ NFC
ກ້ອງຫຼັງຄວາມລະອຽດ 13 ລ້ານພິກເຊວ ພ້ອມກັບແຟລັດ LED, ສ່ວນກ້ອງໜ້າແມ່ນມີຄວາມລະອຽດ 5 ລ້ານພິກເຊວ. ແບັດເຕີຣີໃຫ້ມາ 2,100 mAh. ໃຊ້ງານລະບົບປະຕິບັດການ Android 5.1 Lollipop. ຂະໜາດໂຕເຄື່ອງແມ່ນ 141.4 x 70.8 x 8.2 ມມ, ແລະນ້ຳໜັກ 140 ກຣາມ. ສຳລັບລາຄາແມ່ນ £129 (1.200.000 ກີບ) ຈະຂາຍໃນຊ່ວງເດືອນພຶດສະພານີ້
ທີ່ມາ:gsmarena