ສຳນັກຂ່າວຕ່າງປະເທດ ລາຍງານໃນວັນທີ 10 ກຸມພານີ້ວ່າ ທາງການຈີນຢືນຢັນ ພົບຜູ້ຕິດເຊື້ອໄວຣັສຊິກ້າ ຄົນທຳອິດຂອງປະເທດ ໂດຍເປັນຊາວຈີນ ອາຍຸ 34 ປີ ອາໄສຢູ່ແຂວງກວາງຊີ ທາງພາກຕາເວັນອອກຂອງປະເທດ ທີ່ຫາກໍເດີນທາງກັບ ຈາກປະເທດໃນພາກພື້ນອາເມຣິກາລາຕິນ.
ແນວໃດກໍຕາມ ໜ່ວຍງານສາທາລະນະສຸກຂອງຈີນ ໄດ້ອອກມາຢືນຢັນວ່າ ມີຄວາມສ່ຽງໜ້ອຍທີ່ໄວຣັສດັ່ງກ່າວ ທີ່ມີຍຸງເປັນພາຫະນະແຜ່ເຊື້ອຊະນິດນີ້ ຈະແຜ່ລະບາດໃນຈີນ ເນື່ອງຈາກສະພາບອາກາດທີ່ຍັງໜາວຈັດໃນໄລຍະນີ້.
ທັງນີ້ ຊາຍຄົນດັ່ງກ່າວ ໄດ້ຖືກກັກບໍລິເວນຢູ່ໂຮງໝໍທ້ອງຖິ່ນແຫ່ງໜຶ່ງ ຕັ້ງແຕ່ວັນທີ 6 ກຸມພາຜ່ານມາ ໂດຍແພດພົບວ່າ ອາການໄຂ້ເລີ່ມຫລຸດລົງ ແລະ ຕຸ່ມແດງເທິງຮ່າງກາຍກໍຫລຸດລົງເຊັ່ນກັນ.