ສຳນັກຂ່າວຕ່າງປະເທດ ລາຍງານໃນວັນທີ 8 ກຸມພາຜ່ານມານີ້ວ່າ ລັດຖະສະພາມຽນມາ ໄດ້ວາງກຳນົດເລືອກຕັ້ງ ປະທານາທິບໍດີຄົນໃໝ່ຂອງປະເທດ ໃນວັນທີ 17 ມີນາທີ່ຈະມາເຖິງນີ້ ຕາມການເປີດເຜີຍຂອງ ທ່ານ ມານ ວິນ ຂ່າຍ ປະທານລັດຖະສະພາມຽນມາ.
ທັງນີ້ ພັກສັນນິບາດຊາດເພື່ອປະຊາທິປະໄຕ ຫລື NLD ໄດ້ຮັບໄຊຊະນະຈາກການເລືອກຕັ້ງ ໃນວັນທີ 8 ພະຈິກ 2015 ໄດ້ບ່ອນນັ່ງໃນສະພາປະມານ 80% ຂອງບ່ອນນັ່ງທັງໝົດ ຊຶ່ງຫລາຍພຽງພໍ ທີ່ຈະນຳສະເໜີລາຍຊື່ ແລະ ຜັກດັນປະທານາທິບໍດີຂອງຕົນເອງໄດ້.