spot_img
Home​ຂ່າວບັນເທິງແຈັກເກັດ ສິລະປິນນ້ອງໃໝ່ ທີ່ໜ້າຕິດຕາມ

ແຈັກເກັດ ສິລະປິນນ້ອງໃໝ່ ທີ່ໜ້າຕິດຕາມ

Published on

ວົງ Jacket ​ເປັນ​ສິລະ​ປິນນ້ອງ​ໃໝ່ສັງ​ກັດ​ຢູ່​ພາຍ​ໃຕ້​ຄ້າຍ​ເພງ ລາວ​ລ້ານ​ຊ້າງ ກັບ​ການ​ຮວມຕົວ​ຂອງ​ຄົນ​ຮັກ​ໃນ​ດົນຕຣິຮູບ​ແບບ​ດຽວກັນ ກໍ​ຄື​ແນວ​ເພງ​ສະຕິ​ງ ປ໋ອບ&ຣັອກ. ​ໃນ​ວັນ​ທີ 5 ກຸມພາ 2016 ທີ່​ຜ່ານ​ມາ​ທາງ​ສິລະ​ປິນ​ໄດ້​ຖະ​ແຫຼງ​ເປີດ​ຕົວ​ເພງ​ໃໝ່ “ບໍ່ຮັກ​ຄືບໍ່ບອກ” ຢູ່​ທີ່​ເດີ່ນ​ຫໍ​ພັກ​ນັກ​ສຶກສາຊີ​ເກ​ມ ດົງ​ໂດກ.

ສະມາຊິກວົງ Jacket ປະກອບ​ມີ: ທ້າວ ອານຸລັກ ພະ​​ໄຊ​ສີ​ສຸ​ນົນ (​ໂຊ​ນ່ານ) ນັກ​ຮ້ອງ​ນຳ, ວິ ມື​ກີ​ຕ້າ​ໂຊ​ໂລ້, ​ແຂັກ ມື​ກີ​ຕ້າ​ຄອດ, ​​ໂຈ​ອີ້ ມື​ເບ​ສ ​ແລະ ຈອນ​ນີ້ ມື​ກອງ. ການ​ທີ່​ພວກ​ເຮົາ​ມາ​ລວມຕົວ​ກັນ​ໄດ້​ແມ່ນ​ມັນ​ເປັນ​ເລື່ອງ​ທີ່​ບັງ​ເອີນຫຼາຍ ຍ້ອນ​ໂຄງການ​ຂອງ M-150 ​ເສຍສະຫຼະ Cover Contest ທີ່​ເຮັດ​ໃຫ້​ພວກ​ເຮົາ​ໄດ້​ຮູ້ຈັກ​ກັນ ​ເຊິ່ງ​ຊື່​ວົງໃນ​ເມື່ອ​ກ່ອນ​ແມ່ນ​​ວົງ OLO Rock ຍ້ອນ​ພວກ​ເຮົາ​ມັກ ​ແລະ ຮັກ​ໃນ​ການ​ແຕ່ງ​ຕົວ​ໃນ​ເຄື່ອງ​ແບບ​ແຈັກ​ເກັດ ​ແລະ ​ເຫັນ​ເຖິງ​ຄວາມ​ແຕກ​ຕ່າງ​ຂອງ​ມັນ​ຈາກ​ແນວ​ເສື້ອຜ້າ​ອື່ນໆ ຈຶ່ງ​ໄດ້​ຕົກລົງ​ກັນ​ປ່ຽນຊື່​ມາ​ເປັນ​ວົງ Jacket. ຖ້າ​ຈະ​​ເວົ້າ​ເຖິງ​ຄວາມໝາຍຂອງ “Jacket” ​ແມ່ນໝາຍ​ເຖິງ​ວົງ​ດົນຕຣີຣັອກຕິດ​ດິນ ທີ່​ມີ​ຄວາມ​ແຂງ​ແຮງ ປຽບສະ​ເໝືອນກັບ​ເສື້ອ​ແຈັກ​ເກັດ ​ເຖິງ​ມັນ​ຈະ​ບໍ່ງາມ​ດີ​ຄື່​ເຄື່ອງ​ແຟຊັ່ນ​ທົ່ວ​ໄປ ​ແຕ່​ມັນ​ກໍ​ມີ​ຄວາມ​ທົນ​ທານ ​ແລະ ມີ​ເອກະລັກ​ສະ​ເພາະ​ຂອງມັນ.

ສຳລັບ​ຜົນງານ​ເພງ “ບໍ່ຮັກ​ຄືບໍ່ບອກ” ​ແມ່ນ​ຜົນງານ​ເພງ​ໃໝ່ທຳ​ອິດ​ຂອງ​ວົງ ແຕ່ງ​ໂດຍ​ ​ໂຊ​ນ່ານ (ນັກ​ຮ້ອງ​ນຳ) ​ເຊິ່ງ​ໄດ້​ຮວບ​ຮວມ​ເອົາຫຼາຍໆຄວາມ​ຮູ້​ມາ​ຂຽນ​ເປັນ​ບົດ​ເພງ. ສ່ວນ​ເນື້ອຫາ​ຂອງ​ເພງ​ປະມານ​ວ່າ: ​ເປັນຄວາມ​ຜິດ​ຫວັງ​ທີ່​ເຮົາ​ເອງ​ຄິດ​ໄປ​ຝ່າຍດຽວ, ​ເຮົາ​ຄິດ ​ແລະ ​ເຂົ້າ​ໃຈ​ມາ​ເອງ​ໂດຍ​ຕະຫຼອດວ່າ​ເຂົາ​ເຈົ້າຮັກ​ເຮົາ ​ແຕ່​ໃນ​ຄວາມ​ຈິງ​ແລ້ວ​ເຮົາ​ຄິດ​ໄປ​ຄົນ​ດຽວທັງໝົດ, ​ເປັນ​ຍ້ອນ​ເຮົາ​ຈິງ​ຈັງ​ກັບ​ຊີວິດ​ຄູ່ຫຼາຍ​ເກີນ​ໄປ ຄິດ​ຢາກ​ຈະ​ເຮັດ​ໃຫ້​ຄວາມ​ຫວັງ​ຂອງ​ຕົນ ​ແລະ ຄົນ​ຮັກ​ເປັນ​ຈິງ, ​ເຮັດວຽກໜັກທຸກ​ຢ່າງ, ປະຢັດ​ທຸກ​ທາງ ​ເພື່ອ​ທີ່​ຈະ​ໄດ້​ໃຊ້​ຊີວິດ​ຄູ່​ຢູ່​ຮ່ວມ​ກັນ ​ແຕ່​ສຸດ​ທ້າຍ​ມັນ​ກໍ​ບໍ່​ໄດ້​ເປັນ​ດັ່ງ​ທີ່​ຄິດ​ຍ້ອນ​ຄວາມ​ບໍ່ພໍ​ຂອງ​ເຂົາ​ທີ່​ຢາກ​ຫາ​ຄວາມສຸກ​ຊົ່ວຄາວ​ໄປ​ແຕ່​ລະມື້.

ກ່ອນໜ້ານີ້ທາງ ​ໂຊ​ນ່ານ ກໍ​ໄດ້​ປ່ອຍ​ເພງ​ອອກ​ມາ​ແລ້ວ​ນັ້ນກໍ​ຄື​ເພງ “ທົນ​ເພື່ອ​ຫຍັງ” ​ເພງ​ດັ່ງກ່າວ​ກໍ​ໄດ້​ຮັບ​ກະ​ແສ​ຕອບ​ຮັບ​ຈາກ​ສັງຄົມ​ເປັນ​ຢ່າງ​ດີ ​ເປັນ​ທີ່​ຮູ້ຈັກ​ຂອງ​ທຸກ​ຄົນ ຈົນ​ໄດ້​ຮັບ​ສາຍາ​ວ່າ: ​ໂຊ​ນ່ານ ທົນ​ເພື່ອ​ຫຍັງ ​ໃນ​ປັດຈຸບັນ.

ສຸດ​ທ້າຍ​ນີ້ກໍ​ຂໍ​ຝາກ​ຜົນງານ​ເພງ​ຂອງ​ວົງ​ນ້ອງ​ໃໝ່ Jacket “ບໍ່ຮັກ​ຄືບໍ່ບອກ” ​ໄວ້​ໃນ​ອ້ອມ​ອົກ​ອ້ອມ​ໃຈ​ທຸກ​ທ່ານ ​ເປັນ​ຜົນງານ​ເພງ​ທີ່​ພວກ​ເຮົາ​ຕັ້ງ​ໃຈ​ເຮັດຫຼາຍ, ດັ່ງນັ້ນ ຈຶ່ງ​ຢາກ​ໃຫ້​ລອງ​ຟັງ​ເບິ່ງ ອາດ​ຈະ​ເຖິງ​ກັບຫຼາຍໆຄົນ​ທີ່​ກຳລັງ​ຕົກ​ຢູ່​ໃນ​ສະຖານະ​ການ​ດຽວກັນ​ກັບ​ເພງ​ນີ້ ຮັບຮອງ​ວ່າ​ຖືກ​ໃຈ​ແນ່ນອນ. ສາມາດ​ຕິດຕາມ​ພວກ​ເຮົາ​ໄດ້​ທີ່​​​ເຟດບຸກແຟນ​ເພ​ຈ Sonarn Destination FC.

12695793_957906160971356_1553228778_n

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....