Homeຂ່າວພາຍ​ໃນ3 ວັນຕໍ່ໜ້າ ຈະເກີດຝົນຕົກຟ້າຄະນອງ

3 ວັນຕໍ່ໜ້າ ຈະເກີດຝົນຕົກຟ້າຄະນອງ

Published on

20070826_rain

ກົມ​ອຸຕຸນິຍົມ ແລະ ອຸ​ທົກ​ກະ​ສາດ, ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ໄດ້​ແຈ້ງ​ສະພາບ​ອາກາດ 3 ວັນ​ລ່ວງ​ໜ້າ ນັບ​ແຕ່​ວັນ​ທີ 3-5 ເມສາ 2014 ຢູ່​ບາງ​ແຂວງ​ຈະ​ມີ​ຝົນ​ຟ້າ​ຄະນອງ​ບາງ​ບໍລິເວນ.

ສຳລັບ​ນະຄອນຫຼວງ​ວຽງ​ຈັນ: ອຸນຫະພູມ​ໄລຍະ 3 ວັນ​ຕ່ຳ​ສຸດ 25-26 ອົງສາ, ສູງ​ສຸດ 37-38 ອົງສາ. ເຊິ່ງ​ວັນ​ທີ 3 ເມສາ ຈະ​ມີ​ເມກ​ປົກ​ຄຸມ​ເປັນ​ບາງ​ສ່ວນ, ວັນ​ທີ 4 ເມສາ ຈະ​ມີ​ຝົນຝອຍ​ຢູ່​ບາງ​ພື້ນ​ທີ່ ແລະ ວັນ​ທີ 5 ເມສາ ຈະ​ມີ​ຝົນຕົກ​ເປັນ​ບໍລິເວນ​ກວ້າງ.

ແຂວງ​ຊຽງ​ຂວາງ: ອຸນຫະພູມ​ຕ່ຳ​ສຸດ 15-16 ອົງສາ, ສູງ​ສຸດ 32-33 ອົງສາ, ໃນ​ວັນ​ທີ 3-4 ເມສາ ຈະ​ມີ​ຝົນຕົກ​ເປັນ​ບໍລິເວນ​ກວ້າງ ແລະ ວັນ​ທີ 5 ເມສາ ມີ​ຝົນຝອຍ​ຢູ່​ບາງ​ພື້ນ​ທີ່.

ແຂວງ​ຫຼວງ​ນ້ຳ​ທາ: ອຸນຫະພູມ​ຕ່ຳ​ສຸດ 15-16 ອົງສາ, ສູງ​ສຸດ 33-34 ອົງສາ ໃນ​ວັນ​ທີ 3-4 ເມສາ ມີ​ໝອກ​ປົກ​ຄຸມ​ທົ່ວ​ບໍລິເວນ, ສ່ວນ​ວັນ​ທີ 5 ເມສາ ຈະ​ມີ​ຝົນຝອຍ​ຢູ່​ບາງ​ພື້ນ​ທີ່.

ແຂວງ​ຫຼວງ​ພະ​ບາງ: ອຸນຫະພູມ​ຕ່ຳ​ສຸດ 19-20 ອົງສາ, ສູງ​ສຸດ 36-37 ອົງສາ, ວັນ​ທີ 3 ເມສາ ຈະ​ມີ​ເມກ​ປົກ​ຄຸມ​ເປັນ​ບາງ​ສ່ວນ, ວັນ​ທີ 4 ເມສາ ຈະ​ມີ​ໝອກ​ແຫ້ງ ແລະ ວັນ​ທີ 5 ເມສາ ມີ​ຝົນຝອຍ​ຢູ່​ບາງ​ພື້ນ​ທີ່.

ສຳລັບ​ແຂວງ​ພາກ​ໃຕ້​ຄື: ແຂວງ​ສະຫວັນ​ນະ​ເຂດ ອຸນຫະພູມ​ຕ່ຳ​ສຸດ 25 ອົງສາ ແລະ ສູງ​ສຸດ 37-39 ອົງສາ. ວັນ​ທີ 3 ເມສາ ຈະ​ມີ​ຝົນ​ຟ້າ​ຄະນອງ​ປານ​ກາງ, ວັນ​ທີ 4-5 ເມສາ ມີ​ຝົນຝອຍ​ຢູ່​ບາງ​ພື້ນ​ທີ່.

ເມືອງ​ປາກ​ເຊ ແຂວງ​ຈຳປາ​ສັກ: ອຸນຫະພູມ​ຕ່ຳ​ສຸດ 22-23 ອົງສາ ແລະ ສູງ​ສຸດ 36-37 ອົງສາ, ວັນ​ທີ 3 ເມສາ ຈະ​ມີ​ຝົນ​ຟ້າ​ຄະນອງ​ປານ​ກາງ​ຢູ່​ບາງ​ບ່ອນ, ວັນ​ທີ 4 ເມສາ ຈະ​ມີ​ຝົນຝອຍ​ຢູ່​ບາງ​ແຫ່ງ ແລະ ວັນ​ທີ 5 ເມສາ ມີ​ເມກ​ປົກ​ຄຸມ​ຢູ່​ບາງ​ບໍລິເວນ

 

ທີ່ມາ http://www.vientianemai.net/teen/khao/1/11491

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...