ໃນວັນທີ 5 ກຸມພາຜ່ານມາຢູ່ພະແນກອຸດສາຫະກຳແລະການຄ້ານະ ຄອນຫລວງວຽງຈັນ ໄດ້ຈັດກອງປະຊຸມ ປຶກສາຫາລື ແລະເປັນເອກະພາບກັນໃນການຈັດຕັ້ງປະຕິບັດວຽກງານກວດກາ ການຄ້າ ແລະປົກປ້ອງຜູ້ຊົມໃຊ້ຂຶ້ນ, ໂດຍການເຂົ້າຮ່ວມຂອງ ທ່ານ ສົມຈິດ ອິນ ທະມິດ ລັດຖະມົນຕີຊ່ວຍວ່າການກະຊວງ ອຸດສາຫະກຳ ແລະການຄ້າ ພ້ອມດ້ວຍບັນດາຫົວໜ້າຫ້ອງການອຸດສາຫະກຳ ແລະການຄ້າເມືອງເຂົ້າຮ່ວມ.
ທ່ານ ເບີລິນ ເພັດຈັນທະລາດ ຫົວໜ້າ ພະແນກອຸດສາຫະກຳ ແລະການຄ້າ ນະຄອນຫລວງວຽງຈັນ ກ່າວວ່າ: ບັນຫາ ຊາວຕ່າງປະເທດທີ່ເຂົ້າມາເຄື່ອນໄຫວ ທຸລະກິດຢູ່ນະຄອນຫຼວງວຽງຈັນ ໃນໄລຍະທີ່ຜ່ານມາເຈົ້າໜ້າທີ່ກວດກາການຄ້າຂັ້ນນະຄອນຫຼວງ ແລະຂັ້ນເມືອງ ໄດ້ປະຕິບັດມາດຕະການປັບໄໝພວກທີ່ຄ້າຂາຍ ຍ່ອຍບໍ່ຖືກຕ້ອງຕາມກົດໝາຍວ່າດ້ວຍ ວິສາຫະກິດ ບາງເມືອງກໍເຮັດເປັນຄະນະສະເພາະກິດ.
ຜ່ານການຈັດຕັ້ງປະຕິບັດເຫັນວ່າ: ຊາວຕ່າງປະເທດຈຳນວນດັ່ງກ່າວກໍຍັງ ຄົງຕົວໄດ້ ແລະມີທ່າອ່ຽງເພີ່ມຂຶ້ນຢູ່ແຕ່ລະເມືອງ ສາເຫດທີ່ໃຫ້ເຂົາເຈົ້າສາມາດເຄື່ອນໄຫວທຸລະກິດໄດ້ຄື: ແຕ່ລະພາກສ່ວນບໍ່ທັນເປັນເອກະພາບກັນໃນການປະຕິບັດມາດຕະການເຊັ່ນ: ຂະແໜງການເງິນ (ສ່ວຍສາອາກອນ) ຍັງເກັບລາຍ ຮັບ, ບ້ານອະນຸຍາດໃຫ້ພັກເຊົາຊົ່ວຄາວ, ຕຳຫຼວດກັກພັດສະປອດໄວ້ແຕ່ບໍ່ສົ່ງບຸກຄົນກັບ ແລະຂະແໜງໄປສະນີໂທລະຄົມມະນາຄົມ ແລະການສື່ສານເກັບຄ່າທຳ ນຽມ ຊຶ່ງເປັນການອະນຸຍາດໃຫ້ເຂົາເຈົ້າຂາຍແບບໂອໂຕມາຕິກ.
ສຳລັບບັນຫາຊາວຄ້າຂາຍຈຳນວນ ໜຶ່ງທີ່ນຳເຂົ້າສິນຄ້າດ້ວຍຮູບການແຈ້ງເສຍພາສີຍ່ອຍ ແຈ້ງເສຍເປັນເຄື່ອງຕິດຕົວຜູ້ ໂດຍສານ ສວຍໂອກາດນຳເຂົ້າມາຈຳໜ່າຍການນຳເຂົ້າສິນຄ້າໂດຍຊຸກເຊື່ອງ ມາກັບລົດໂດຍສານ (ລົດເມ) ຫຼື ຂົນສົ່ງ ສີນຄ້າໃສ່ລົດໂດຍສານມານຳເລີຍເປັນ ຕົ້ນລົດໂດຍສານລະ ຫວ່າງປະເທດລາວ-ຫວຽດນາມ ລາວ-ໄທ ສິນຄ້າທີ່ນຳເຂົ້າມາສ່ວນໃຫຍ່ແມ່ນແຈ້ງເສຍພັນທະພາສີບໍ່ຄົບຖ້ວນ ຫຼື ບໍ່ໄດ້ເສຍພາສີ(ລັກລອບ)ເຊັ່ນ: ບັ້ງພຸ ສິ້ນໃໝທຽມ ຢາສູບ ເຫຼົ້າ ເຂົ້າສານ ເຄື່ອງໃນສັດ ໂຄງໄກ່ ແລະ ອື່ນໆ.
ໃນກອງປະຊຸມ ທັງໝົດນັ້ນເຖິງແມ່ນວ່າເຈົ້າໜ້າທີ່ກວດກາການຄ້າຈະເຂັ້ມ ງວດໃນການກວດກາປານໃດກໍຕາມ ແຕ່ກໍຍັງມີຊາວຄ້າຂາຍຈຳນວນໜຶ່ງບໍ່ທັນໄດ້
ເປັນເຈົ້າການໃນການເຄົາລົບກົດລະບຽບ ກົດໝາຍນອກນັ້ນ ຍັງມີການວາງຂາຍ ເຄື່ອງຊະຊາຍຢູ່ຕາມເສັ້ນທາງ ແລະຕະ ຫຼາດ, ສິນຄ້າຫ້າມຊື້-ຂາຍ ແລະຈຳໜ່າຍ ກໍຍັງມີວາງຂາຍຢູ່ຕາມທ້ອງຕະຫຼາດ ບັນ ຫາດັ່ງກ່າວ ສ້າງໃຫ້ເກີດການແຂ່ງຂັນ ທາງດ້ານການຄ້າທີ່ບໍ່ເປັນທຳສ້າງຄວາມເສຍເຫຍຕໍ່ຜົນປະໂຫຍດຂອງປະເທດຊາດ ເຮັດໃຫ້ຫົວໜ່ວຍທຸລະກິດທີ່ເຄື່ອນໄຫວ ຖືກຕ້ອງບໍ່ສາມາດຍືນຍົງຄົງຕົວໄດ້.
ທີ່ມາ: