spot_img
Homeຂ່າວພາຍ​ໃນປກສ ເມືອງສອງຄອນ ກັກຕົວຜູ້ຖືກຫາຄ້າຂາຍຢາເສບຕິດ

ປກສ ເມືອງສອງຄອນ ກັກຕົວຜູ້ຖືກຫາຄ້າຂາຍຢາເສບຕິດ

Published on

      ວັນ​ທີ 17 ມັງ­ກອນ 2016 ທີ່ຜ່ານ​ມາເຈົ້າ​ໜ້າ­ທີ່ ປກສ ເມືອງ​ສອງ​ຄອນແຂວງ​ສະ­ຫວັນ​ນະ​ເຂດ​ໄດ້​ຮັບ​ແຫຼ່ງ​ຂ່າວ​ຈາກ​ພົນ­ລະ­ເມືອງ​ດີ​ວ່າ: ມີ​ເປົ້າ​ໝາຍ​ຄ້າ ຂາຍ​ຢາ​ເສບ​ຕິດ​ຢູ່​ທີ່​ບ້ານ​ໜອງ​ບົວ​ທ່າພາຍ­ຫຼັງ​ໄດ້​ຮັບ​ແຫຼ່ງ​ຂ່າວ​ເຈົ້າ​ໜ້າ­ທີ່​ຈິ່ງ​ໄດ້​ລົງ​ກວດ­ກາ​ເບິ່ງ​ສະ­ຖານ­ທີ່​ຕົວ​ຈິງ​ເຫັນ​ວ່າ​ມີ​ມູນ​ຄວາມ​ຈິງ​ແທ້.

    ຕອນ​ເຊົ້າ​ມື້­ຕໍ່­ມາ​ເຈົ້າ​ໜ້າ­ທີ່​ໜ່ວຍ​ງານສະ­ກັດ​ກັ້ນ ແລະ​ຕ້ານ​ຢາ​ເສບ​ຕິດ​ຈິ່ງ​ໄດ້ສົມ­ທົບ​ກັບ​ເຈົ້າ​ໜ້າ­ທີ່​ຕຳ­ຫຼວດ​ຈະ­ລາ­ຈອນ ປກສ ເມືອງ​ດັ່ງ­ກ່າວ​ອອກ​ຕັ້ງ​ດ່ານ​ກວດ ກາ​ລົດ​ຢູ່​ປ້ອມ​ເສັ້ນ­ທາງ ແລະ​ໄດ້​ແບ່ງ​ກຳ ລັງ​ອອກ​ເປັນ​ສອງ​ຈຸດ​ຄື: ຈຸດ​ປ້ອມ​ກວດ ແລະ​ຈຸດ​ໜ້າ​ປ້ອມ​ຫ່າງ​ປະ­ມານ 300 ແມັດ, ຮອດ​ເວ­ລາ 9 ໂມງ ກໍ​ເຫັນ​ຜູ້​ຊາຍ ຄົນ​ໜື່ງ ຂີ່​ລົດ­ຈັກ​ເວບ 110 ໄອ ມຸ່ງ ໜ້າ​ມາ​ຕາມ​ເສັ້ນ­ທາງ​ດັ່ງ­ກ່າວ ເພື່ອ​ເຂົ້າ ມາ​ເທ­ສະ​ບານ​ເມືອງ​ສອງ​ຄອນ ແຕ່​ຜູ້ ກ່ຽວ​ຫຼຽວ​ເຫັນ​ເຈົ້າ​ໜ້າ­ທີ່​ຕັ້ງ​ດ່ານ​ກວດ ກຳ­ລັງ​ໂບກ​ມື​ຈະ​ລັດ​ລົດ​ຕົນ​ເອງ, ຈິ່ງ​ໄດ້ ລ້ຽວ​ລົດ​ກັບ​ຄືນ ແຕ່​ຖືກ​ເຈົ້າ​ໜ້າ­ທີ່​ທີ່­ຢູ່ນອກ​ຈຸດ​ກວດ­ກາ​ລັດ​ລົດ​ສະ­ກັດ​ລົດ​ຄັນ​ດັ່ງກ່າວ​ເອົາ​ໄວ້​ໄດ້ ພ້ອມ​ທັງ​ກວດ​ຄົ້ນ​ຜູ້­ກ່ຽວ​ໄດ້​ພົບ​ເຫັນ​ຢາ​ບ້າ​ຈຳ­ນວນ 4 ຖົງ, ເທົ່າ ກັບ 800 ເມັດ​ທີ່​ຊຸກ­ເຊື່ອງ​ໄວ້​ຢູ່​ໃນ​ໂສ້ງ​ຜູ້­ກ່ຽວ, ຈາກ​ນັ້ນ​ຈິ່ງ​ໄດ້​ນຳ​ຕົວ​ຜູ້​ຖືກ​ຫາ​ມາ​ກອງ​ບັນ­ຊາ​ການ ປກສ ເມືອງ​ສອງ​ຄອນ ເພື່ອ​ສອບ​ສວນ​ເອົາ​ຄຳ​ໃຫ້­ການ ແລະ​ຂະ ຫຍາຍ​ຜົນ​ຫາ​ຜູ້​ຮ່ວມ​ຂະ​ບວນ​ການ.

ຜ່ານ​ການ​ສືບ­ສວນ​ຂອງ​ເຈົ້າ​ໜ້າ­ທີ່​ຈິ່ງ ຮູ້​ວ່າ​ຜູ້​ຖຶກ​ຫາ​ຊື່ ທ້າວ ວິ​ສຸກ (ບອຍ) ອາ­ຍຸ 18 ປີ ບ້ານ​ລັດ­ຕະ­ນະ​ລາ­ສີ ເມືອງ​ສອງ ຄອນ ແຂວງ​ສະ­ຫວັນ​ນະ​ເຂດ ພ້ອມ​ກັບ​ຮັບ​ສາ­ລະ­ພາບ​ກັບ​ເຈົ້າ​ໜ້າ­ທີ່​ສືບ­ສວນ-ສວບ​ສວນ​ວ່າ: ຢາ​ບ້າ​ຈຳ­ນວນ​ດັ່ງ­ກ່າວ ເປັນ​ຂອງ​ຜູ້­ກ່ຽວ​ແທ້ ແລະ​ປະ­ຈຸ​ບັນ​ຄະ­ດີ ດັ່ງ­ກ່າວ​ຍັງ​ຢູ່​ໃນ​ຂັ້ນ​ຕອນ​ຂອງ​ການ​ຂະ ຫຍາຍ​ຜົນ ເພື່ອ​ຊອກ​ຫາ​ທີ່​ໄປ​ທີ່​ມາ​ຂອງ ຢາ​ເສບ​ຕິດ​ຄັ້ງ​ນີ້.

ທີ່ມາ:logo

ບົດຄວາມຫຼ້າສຸດ

ໂທດຈຳຄຸກສູງສຸດ 7 ປີ ແລະ ປັບໄໝສູງສຸດ 30,000,000 ກີບ ສຳລັບພໍ່ແມ່ທີ່ປະຖິ້ມເດັກ

ພໍ່ແມ່ທີ່ປະຖິ້ມເດັກ ມີໂທດຈຳຄຸກສູງສຸດ 7 ປີ ແລະ ປັບໄໝສູງສຸດ 30,000,000 ກີບ ການປະຖິ້ມລູກ ຫຼື ການປ່ອຍໃຫ້ເດັກນ້ອຍຢູ່ໂດຍບໍ່ມີການດູແລ ຈະຖືກດຳເນີນຄະດີຕາມກົດໝາຍ, ເນື່ອງຈາກເປັນການລະເມີດສິດທິເດັກ ແລະ ສ້າງອັນຕະລາຍຕໍ່ຊີວິດຂອງເດັກ....

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...