ຂົວຂ້າມນ້ຳງື່ມນາບົງ-ທ່າກົກໄຮ ໄດ້ວາງສີລາລືກ ລົງມືກໍ່ສ້າງເປັນທາງການໃນວັນທີ 5 ກຸມພານີ້ດ້ວຍເງິນສ່ວນ ຕົວຂອງທ່ານ ສັກໄຊ ວົງມາລາສີ ຫຼື ປີເຕີຈັນຊ່ວຍເຫຼືອລ້າໃນມູນຄ່າ 105 ຕື້ກີບ ດ້ວຍຄວາມເຫັນອົກເຫັນໃຈປະຊາຊົນໃນ ເຂດນັ້ນ ພາຍຫຼັງເກີດເຫດການບໍ່ຄາດຄິດຂຶ້ນຄືບັກຫຼົ້ມ ດັບຊີ ວິດນັກຮຽນເຍົາວະຊົນເຖິງ 10 ຄົນ.
ເຂົ້າຮ່ວມໃນພິທີໂດຍທ່່ານ ດຣ. ສິນລະວົງ ຄຸດໄພທູນ ກົມການເມືອງສູນກາງພັກ ເຈົ້າຄອງນະຄອນຫຼວງວຽງຈັນ, ທ່ານ ດຣ. ບຸນຈັນ ສິນທະວົງລັດຖະມົນຕີວ່າການກະຊວງໂຍທາທິ ການ ແລະຂົນສົ່ງ, ທ່ານ ສັກໄຊ ວົງມາ ລາສິດ (ປີເຕີຈັນ) ປະທານກຸ່ມບໍລິສັດ ລາວເວີນ ອະສັງຫາລິມະຊັບ ພ້ອມດ້ວຍ ບັນດາທ່ານເຈົ້າເມືອງ, ພະນັກງານທີ່ກ່ຽວຂ້ອງເຂົ້າຮ່ວມ.
ທ່ານ ສັກໄຊ ວົງມາລາສິດ ລາຍງານ ສະແດງຄວາມຈິງໃຈວ່າ: ຕະຫຼອດເວລາ ບໍລິສັດກໍຄືຕົນເອງໄດ້ຢຶດໝັ້ນຖືເອົາການ ຊ່ວຍເຫຼືອສັງຄົມເປັນຊີວິດຈິດໃຈ, ການ ເຮັດທຸລະກິດຜົນກຳໄລທີ່ໄດ້ມາ ກໍພະຍາ ຍາມນຳລາຍໄດ້ເຫຼົ່ານັ້ນຄືນສູ່ສັງຄົມ, ຊຶ່ງ ມີຄວາມໝາຍ ແລະເປັນຄວາມສຸກອັນ ໜຶ່ງ ຂ້າພະເຈົ້າຄິດເຫັນບຸນຄຸນຂອງພັກ- ລັດທີ່ໃຫ້ການຊ່ວຍເຫຼືອສະໜັບສະໜູນບໍລິສັດຕະຫຼອດມາ ສະນັ້ນ ໂຄງການກໍ່ ສ້າງຂົວຂ້າມນ້ຳງື່ມທີ່ບ້ານນາບົງ-ທ່າ ກົກໄຮ ແມ່ນຄວາມເຕັມໃຈຂອງຂ້າພະ ເຈົ້າ ແລະສັນຍາວ່າຈະເຮັດໃຫ້ຂົວດັ່ງ ກ່າວໄດ້ມາດຕະຖານສາກົນມີຄວາມ ແຂງແຮງນຳໃຊ້ໄດ້ຍາວນານຫຼາຍຮ້ອຍ ປີ ເພື່ອຮັບໃຊ້ປະຊາຊົນ ຊຶ່ງຂົວມີຄວາມ ຍາວ 230 ແມັດ ໜ້າຂົວກວ້າງ 11 ແມັດ ທາງຍ່າງ 1,50 ແມັດ, ຈະໃຊ້ເວລາໃນ ການກໍ່ສ້າງ 24 ເດືອນ ໃນມູນຄ່າ 150 ຕື້ ກີບ ແລະຈະໃຫ້ສຳເລັດຕາມແຜນ.
ທ່ານ ດຣ. ສິນລະວົງ ຄຸດໄພທູນ ກ່າວ ວ່າ ຂົວແຫ່ງນີ້ເປັນຂົວໃຈບຸນຂອງທ່ານ ສັກໄຊ ວົງມາລາສິດ ທີ່ໄດ້ເສຍສະຫຼະເງິນ ສ່ວນຕົວຂອງຄອບຄົວ ກໍຄືຂອງບໍລິສັດ ຕາງໜ້າລັດຖະບານ ອຳນາດການປົກ ຄອງນະຄອງຫຼວງວຽງຈັນ ທ້ອງຖິ່ນຂໍ ຍ້ອງຍໍຊົມເຊີຍນ້ຳໃຈດັ່ງກ່າວ ພາຍຫຼັງ ຂົວນີ້ສຳເລັດ ປະຊາຊົນໃນຂົງເຂດນີ້ກໍຄື ເມືອງປາກງື່ມ ຈົ່ງຂຸດຄົ້ນທ່າແຮງບົ່ມ ຊ້ອນໃນການສ້າງເສດຖະກິດ ໂດຍສະ ເພາະເນື້ອທີ່ດິນ 20.000 ກວ່າເຮັກຕາ ທີ່ລັດໄດ້ເອົາເຂົ້າໃນໂຄງການຄ້ຳປະກັນ ສະບຽງອາຫານ ເຮັດໃຫ້ທົ່ງໄຮ່ທົ່ງນາ ເປັນບ່ອນສ້າງລາຍຮັບໃຫ້ແກ່ຄອບຄົວກໍຄືໃຫ້ເມືອງປາກງື່ມມີລາຍຮັບດີຂຶ້ນ ໄປເລື້ອຍໆ ຊຶ່ງມີການນຳເຂົ້າຈາກຕ່າງ ແຂວງຢູ່.
ຖ້າຂົວມີທາງດີແລ້ວ ເມືອງຕ້ອງຮີບ ດ່ວນຂຸດຄົ້ນທ່າແຮງ ແລະເຮືອນຊານບ້ານຊ່ອງກໍຕ້ອງໄດ້ປັບປຸງໃຫ້ສວຍງາມ ສົມກັບການຊ່ວຍເຫຼືອ 1 ຕື້ກວ່າກີບຂອງ ທ່ານ ປີເຕີຈັນ ແລະຊ່ວຍກັນຄຸ້ມຄອງປົກ ປັກຮັກສາໃຫ້ຍາວນານເກີດປະໂຫຍສູງ ສຸດ ໃນສ່ວນເສັ້ນທາງແຕ່ທາງຫຼັກ 40 ເລກທີ 13 ໃຕ້ເຂົ້າຫາຂົວມີຄວາມຍາວ 10 ກວ່າກິໂລແມັດ ແມ່ນລັດຖະບານຈະ ໃຊ້ທຶນສ້າງທາງປູຢາງ ຊຶ່ງຄາດວ່າຈະ ແລ້ວກ່ອນ ຫຼື ພ້ອມໆກັນກັບຂົວ.
ທີ່ມາ: