ເຈົ້າ​ໜ້າ­ທີ່​ຕຳ­ຫຼວດ ຈະ­ລາ­ຈອນ ນະ ຄອນ​ຫຼວງ​ວຽງ​ຈັນ ເປີດ­ເຜີຍ​ໃຫ້​ຮູ້­ເມື່ອ ວັນ​ທີ 4 ກຸມ­ພາ​ນີ້​ວ່າ: ການ​ລົງ​ປະ­ຕິ­ບັດ ກົດ​ລະ­ບຽບ​ຈະ­ລາ­ຈອນ​ຂອງ​ເຈົ້າ​ໜ້າ­ທີ່ ກໍ່​ເພື່ອ​ປະ­ຕິ­ບັດ​ຕາມ​ມະ­ຕິ​ຕົກ­ລົງ​ຂອງ ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ກ່ຽວ​ກັບ​ແຜນ​ວຽກ​ງານ ແລະ​ມາດ​ຕະ ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ວຽງ​ຈັນ​ສະ­ອາດ​ໄລ­ຍະ​ສະ­ເພາະ​ໜ້າ ແລະ​ຮອດ​ປີ 2020 ທັງ​ນີ້ ກໍ​ເພື່ອ​ເຮັດ​ໃຫ້­ການ​ສັນ ຈອນ​ໄປ​ມາ​ຕາມ​ເສັ້ນ­ທາງ​ຕ່າງໆ ເວົ້າ ລວມ ເວົ້າ​ສະ­ເພາະ ແມ່ນ​ເສັ້ນ­ທາງ​ຢູ່ 4 ເມືອງ​ໃນ​ມີ​ຄວາມ​ຄ່ອງ​ຕົວ​ໄລ­ຍະ​ເວ­ລາ ໂມງ​ເຂົ້າ​ການ-ເລີກ​ການ ແລະ​ຫຼີກ­ເວັ້ນ​ຈາກ​ບັນ­ຫາ​ການ​ເກີດ​ອຸ­ບັດ­ເຫດ ສະ­ນັ້ນ ຈິ່ງ​ຮຽກ­ຮ້ອງ​ທຸກ​ຄົນ​ທົ່ວ​ສັງ­ຄົມ​ຈົ່ງ​ມີ​ສະ­ຕິ ແລະ​ເປັນ​ເຈົ້າ​ການ​ນຳ​ກັນ​ໃນ​ການ​ປະ­ຕິ­ບັດ​ກົດ​ລະ­ບຽບ​ຈະ­ລາ­ຈອນ​ທີ່​ເຈົ້າ​ໜ້າ­ທີ່​ກຳ­ນົດ​ໄວ້​ຢ່າງ​ເຄັ່ງ​ຄັດ ເພື່ອ​ເປັນ​ການຫຼຸດ­ຜ່ອນ​ບັນ­ຫາ​ຕ່າງໆ​ທີ່​ຈະ​ເກີດ​ຂຶ້ນ​ຢູ່ ຕາມ​ທ້ອງ​ຖະ­ໜົນ.

ແນວ­ໃດ​ກໍ​ດີ ມະ­ຕິ​ຂອງ​ນະ­ຄອນ­ຫຼວງວຽງ​ຈັນ​ ກ່ຽວ​ກັບ​ໂຄງ­ການ​ວຽງ​ຈັນ​ສະອາດ​ໜຶ່ງ​ໃນ​ແຜນ​ວຽກ​ຄື: ການ​ແກ້​ໄຂບັນ­ຫາ​ຈອດ​ລົດ​ຊະ­ຊາຍ ແລະ​ໃນ​ທີ່​ຫ້າມຈອດ, ໂດຍ​ເພີ່ມ​ການ​ປັບ​ໃໝ​ຄື: ຜູ້​ຂັບ​ຂີ່​ທີ່ລະ­ເມີດ​ກົດ​ລະ­ບຽບ​ຈະ­ລາ­ຈອນ ໂດຍ​ສະເພາະ​ແມ່ນ​ການ​ຈອດ​ລົດ​ຊະ­ຊາຍ​ຈອດລົດ​ຢູ່​ເຂດ​ຕ້ອງ​ຫ້າມ (ມີ​ປ້າຍ​ຫ້າມ) ຊຶ່ງ​ຜູ້​ທີ່​ລະ­ເມີດ​ແມ່ນ​ຈະ​ຖືກ​ປັບ​ໃໝ​ສິບເທົ່າ​ຂອງ​ມູນ​ຄ່າ​ການ​ປັບ​ໃໝ​ຕາມ​ມາດຕາ 14 ຄື: ລົດ­ຈັກ 30 ພັນ​ກີບ ຄູນ 10 ເທົ່າ​ກັບ 3 ແສນ​ກີບ, ລົດ​ສາມ​ລໍ້​ຕິດ ເຄື່ອງ​ຈັກ 50 ພັນ​ກີບ ຄູນ 10 ເທົ່າ​ກັບ 5 ແສນ​ກີບ ລົດ​ເບົາ ລົດ​ເກັງ ກະ­ບະ ຈິບ ແລະ​ລົດ​ຕູ້ 70 ພັນ​ກີບ ຄູນ 10 ເທົ່າ ກັບ 7 ແສນ​ກີບ ລົດ​ໂດຍ­ສານ 4 ລໍ້ 1 ແສນ​ກີບ ຄູນ 10 ເທົ່າ​ກັບ 1 ລ້ານ​ກີບ ລົດ​ບັນ­ທຸກ 6 ລໍ້ 1,50 ແສນ​ກີບ ຄູນ 10 ເທົ່າ​ກັບ 1,5 ລ້ານ​ກີບ ແລະ​ລົດ​ບັນ­ທຸກ 10 ລໍ້​ຂຶ້ນ​ໄປ 2 ແສນ​ກີບ ຄູນ 10 ເທົ່າກັບ 2 ລ້ານ​ກີບ.

ທີ່ມາ: