spot_img
Homeຂ່າວການພັດທະນາຫລາຍເສັ້ນທາງໃນຕົວເມືອງ ມີສະພາບເປ່ເພໜັກ ຍ້ອນຫລາຍສາເຫດ!

ຫລາຍເສັ້ນທາງໃນຕົວເມືອງ ມີສະພາບເປ່ເພໜັກ ຍ້ອນຫລາຍສາເຫດ!

Published on

ປັດຈຸບັນ, ສະພາບການສັນຈອນໃນຕົວເມືອງ ນັບວ່າມີຄວາມລໍາບາກສັບສົນສົມຄວນ, ຍ້ອນພາຫະນະ ໄດ້ມີຈໍານວນເພີ່ມຂຶ້ນນັບມື້, ຂະນະທີ່ເສັ້ນທາງຫລາຍສາຍ ກໍມີສະພາບຊຸດໂຊມເປ່ເພໜັກເປັນຕົ້ນ: ເສັ້ນທາງຕານມີໄຊ, ດົງນາໂຊກ, ໜອງບຶກ, ໂພນປ່າເປົ້າ ແລະ ບັນດາເສັ້ນທາງຮ່ອມຕ່າງໆ ກໍຕົກຢູ່ໃນສະພາບ ເປັນບວກຂຸມ, ເມື່ອຝົນຕົກກໍເປັນຂີ້ຕົມເປີະເປື້ອນ, ເມື່ອແດດອອກພັດເປັນຂີ້ຝຸ່ນປິວໄຫງ່ ເປັນບໍລິເວນກວ້າງ ກາຍເປັນມົນລະພິດທາງອາກາດ ທີ່ບໍ່ດີຕໍ່ສິ່ງແວດລ້ອມ ແລະ ສັງຄົມ ຄືດັ່ງເສັ້ນທາງເລກ 13 ນັບແຕ່ວົງວຽນດອນໜູນ ເຂົ້າມາຫາຕົວເມືອງ, ເຊິ່ງໄດ້ຮັບການປູຢາງອັດສະຟານ ແລະ ຂີດເສັ້ນຈະລາຈອນໃຫ້ສວຍງາມ ເພື່ອຕ້ອນຮັບການສະເຫລີມສະຫລອງ ວັນສະຖາປານາ ສປປ ລາວ ຄົບຮອບ 40 ປີ ແລະ ກອງປະຊຸມໃຫຍ່ຄັ້ງທີ 10 ຂອງພັກ ກໍຄືການກະກຽມເປັນເຈົ້າພາບ ກອງປະຊຸມສຸດຍອດອາຊຽນໃນປີນີ້, ແຕ່ມາຮອດດຽວນີ້ ເຫັນວ່າເສັ້ນທາງດັ່ງກ່າວ ແມ່ນມີສະພາບເປີະເປື້ອນຫລາຍ ແລະ ເລີ່ມມີຂຸມເກີດຂຶ້ນຫລາຍຈຸດແລ້ວ, ຍ້ອນລົດທີ່ອອກຈາກທາງດິນແດງເອົາດິນມາໃສ່ທາງປູຢາງ ແລະ ອີກບັນຫາໜຶ່ງ ກໍແມ່ນມີຫລາຍຄົວເຮືອນ ໄດ້ປ່ອຍນໍ້າເສຍຈາກເຮືອນລົງມາໃສ່ທາງ ຈຶ່ງເຮັດໃຫ້ຫລາຍເສັ້ນທາງໃນຕົວເມືອງນໍາໃຊ້ໄດ້ບໍ່ດົນ ກໍເກີດສະພາບເປ່ເພ ແລະ ຕ້ອງເສຍງົບປະມານລັດ ເປັນຈໍານວນບໍ່ໜ້ອຍ ເພື່ອບູລະນະສ້ອມແປງແຕ່ລະປີ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...