spot_img
Homeຂ່າວພາຍ​ໃນບໍ່ຄໍາເຊໂປນຈະຜະລິດທອງໄດ້ 85 ພັນໂຕນ ໃນປີ 2016

ບໍ່ຄໍາເຊໂປນຈະຜະລິດທອງໄດ້ 85 ພັນໂຕນ ໃນປີ 2016

Published on

ຂປລ. ໃນໄຕມາດທີ 4 ຂອງປີ 2015 ບໍລິສັດ MMG LXML ເຊໂປນ (LXML) ສາມາດຜະລິດແຜ່ນທອງໄດ້ລື່ນຄາດໝາຍ ເຊິ່ງສາມາດຜະລິດໄດ້ 20.559 ໂຕນ ເພີ່ມຂຶ້ນ 1% ເມື່ອທຽບໃສ່ການຜະລິດໃນປີ 2014.
ທ່ານ ຊູເຣັດ ວາດນາກຣາ, ຜູ້ຈັດການໃຫຍ່ຂອງບໍລິສັດ MMG LXML ເຊໂປນ ໄດ້ກ່າວວ່າ: ຜົນຜະລິດດັ່ງກ່າວ ຊີ້ໃຫ້ເຫັນເຖິງຜົນສໍາເລັດທີ່ເຂັ້ມແຂງຂອງໂຄງການບໍ່ຄຳ-ທອງ ເຊໂປນ ແລະ ພວກເຮົາຈະສືບຕໍ່ປັບປຸງການ ດໍາເນີນງານຂອງໂຄງການ ໂດຍເພີ່ມປະສິດຕິພາບການຜະລິດຂອງໂຮງງານ ແລະ ປັບປຸງຊັບສິນທີ່ມີຢູ່ ກໍຄືປັບປຸງສາຍການຜະລິດ ເພື່ອຮອງຮັບຜົນກະທົບຕໍ່ຜົນການຜະລິດ ຂອງສິນແຮ່ເນື້ອແຂງຂຶ້ນ ແລະ ແຮ່ທີ່ມີຄາໂບເນດສູງກວ່າເກົ່າ.
ໃນປີ 2016, ບໍລິສັດ MMG ຄາດວ່າຈະຜະລິດແຜ່ນທອງໄດ້ 80.000 – 85.000 ໂຕນ ເພື່ອປະກອບສ່ວນເຂົ້າໃນການພັດທະນາເສດຖະກິດ ຫລາຍກວ່າ 1,3 ຕື້ໂດລາສະຫະລັດ ເຊິ່ງເປັນລາຍຮັບໂດຍກົງຈາກການເສຍພາສີອາກອນ, ພາສີຊັບພະຍາກອນແຮ່ທາດ ແລະ ເງິນປັນຜົນ ໃຫ້ແກ່ລັດຖະບານລາວ ເພື່ອສະໜັບສະໜູນເປົ້າໝາຍຂອງ ສປປ ລາວ ໃນການຫລຸດພົ້ນອອກຈາກປະເທດດ້ອຍພັດທະນາ ໃນປີ 2020./.

ຂ່າວຈາກ: ຂປລ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...