ເກີດເຫດໄຟໄໝ້ໂຮງງານຜະລິດເສື້ອຜ້າສຳເລັດຮູບໃນນະຄອນຫຼວງມຸສກູຂອງຣັດເຊຍ ມີຜູ້ເສຍຊີວິດຢ່າງໜ້ອຍ 12 ຄົນໃນນັ້ນມີເດັກນ້ອຍ 3 ຄົນ.
ໂຄສົກກະຊວງສຸກເສີນຂອງຣັດເຊຍເປີດເຜີຍວ່າ ແປວໄຟໄດ້ເຜົາໄໝ້ຄວບຄຸມພື້ນທີ່ 3 ພັນແມັດມົນ ທົນຂອງໂຮງງານເສື້ອຜ້າແຫ່ງໜຶ່ງ ຊຶ່ງຕັ້ງຢູ່ທາງພາກຕາເວັນອອກຂອງນະຄອນຫຼວງມຸສກູເປັນເຫດເຮັດໃຫ້ມີຜູ້ເສຍຊີວິດຢ່າງໜ້ອຍ 12 ຄົນ ຊຶ່ງເຈົ້າໜ້າທີ່ໄດ້ພົບເຫັນສົບທັງໝົດແລ້ວ ຊຶ່ງມີຄວາມເປັນໄປໄດ້ວ່າ ທັງໝົດເປັນຜູ້ອົບພະຍົບທີ່ເຮັດວຽກ ແລະອາໄສຢູ່ໂຮງງານ, ດ້ານທ່ານ ພາເວລ ອາສະຕາຄອຟ ຄະນະກຳມະການສິດທິເດັກຂອງຣັດເຊຍລະບຸວ່າ ມີເດັກນ້ອຍ 3 ຄົນເສຍຊີວິດຈາກເຫດການໄຟໄໝ້ຄັ້ງນີ້ ໜຶ່ງໃນນັ້ນເປັນເດັກນ້ອຍເກີດໃໝ່.
ເຫດການໄຟໄໝ້ໂຮງງານເສື້ອຜ້າເກີດໃນວັນທີ 31 ມັງກອນຜ່ານມາ ຊຶ່ງເຈົ້າໜ້າທີ່ໄດ້ມອດໄຟໄວ້ໄດ້ໃນ 5 ຊົ່ວໂມງຕໍ່ມາ ແລະກໍາລັງສອບສວນວ່າ ເປັນອຸບັດເຫດຫຼືມີເຈຕະນາລັກລອບຈູດໄຟ (ຕາມຂ່າວຕ່າງປະເທດ).
ທີ່ມາ: