ສຳນັກຂ່າວຕ່າງປະເທດ ລາຍງານໃນວັນທີ 31 ມັງກອນຜ່ານມານີ້ວ່າ ບໍລິສັດໄປສະນີ ແລະ ໂທລະຄົມມະນາຄົມມຽນມາ (MPT) ໄດ້ເປີດເຜີຍວ່າ ບໍລິສັດຈະດຳເນີນການ ຂະຫຍາຍເຄືອຂ່າຍບໍລິການ ລະບົບ 3G ໃຫ້ຄວບຄຸມ 90% ຂອງປະເທດໃນເດືອນກຸມພານີ້ ແລະ ຈະຂະຫຍາຍເພີ່ມຂຶ້ນ ໃຫ້ເປັນ 95% ພາຍໃນທ້າຍເດືອນມີນາ 2016.

ທັງນີ້ ປັດຈຸບັນເຄືອຂ່າຍ 3G ຂອງມຽນມາ ໄດ້ຄວບຄຸມພື້ນທີ່ຂອງປະເທດແລ້ວ 60% ໃນຂະນະທີ່ການເຂົ້າເຖິງ ການບໍລິການໂທລະສັບມືຖື ຂອງປະຊາກອນຊາວມຽນມາ ຢູ່ໃນລະດັບ 75.89% ຊຶ່ງນອກຈາກບໍລິສັດດັ່ງກ່າວ ໄດ້ຕັ້ງເປົ້າຂະຫຍາຍເຄືອຂ່າຍ 3G ແລ້ວ ຍັງໄດ້ດຳເນີນການ ສ້າງເຄືອຂ່າຍກຽມຮອງຮັບລະບົບ 4G ທີ່ກຳລັງຈະເປີດ ໃຫ້ບໍລິການໃນໄວໆນີ້ອີກດ້ວຍ.