ໃນວັນທີ 28 ມີນາ 2014 ຜ່ານມານີ້, ຢູ່ທີ່ສະໂມສອນ ກົມໃຫຍ່ເສນາທິການກອງ ທັບ, ພະແນກສະຫະພັນແມ່ ຍິງກົມໃຫຍ່ເສນາທິການກອງ
ທັບ ໄດ້ຈັດຕັ້ງກອງປະຊຸມສະ ຫຼຸບວຽກງານຮອບດ້ານປີ 2013 ແລະ ວາງທິດທາງແຜນ ການປີ 2014 ພ້ອມທັງຮັບ ຟັງການປາຖະກະຖາມູນເຊື້ອ ວັນແມ່ຍິງສາກົນວັນທີ 8 ມີ ນາ ຄົບຮອບ 104 ປີຂຶ້ນ,ໂດຍ ການເຂົ້າຮ່ວມຂອງສະຫາຍ ພົນຈັດຕະວາ ຈັນທອງ ສອນ ຕະອາດ, ຄະນະພັກກະຊວງ ປ້ອງກັນປະເທດ, ຮອງຫົວ ຫນ້າກົມໃຫຍ່ເສນາທິການ ກອງທັບ, ສະຫາຍພັນໂທນາງ ອຸ່ນຄຳ ແສງຄຳຢອງ, ຮອງ ຫົວຫນ້າຫ້ອງການສະຫະພັນ ແມ່ຍິງກອງທັບປະຊາຊົນ ລາວ, ພ້ອມດ້ວຍບັນດາສະ ຫາຍສະມາຊິກສະຫະພັນແມ່ ຍິງໃນທົ່ວກົມໃຫຍ່ເສນາທິ ການເຂ້ົາຮ່ວມ.
ສະຫາຍພັນໂທ ນາງ ພົມ ມາ ສິງເທບ, ຫົວຫນ້າພະ ແນກສະຫະພັນແມ່ຍິງກົມ ໃຫຍ່ເສນາທິການໄດ້ຂຶ້ນຜ່ານ ບົດສະຫຼຸບຂອງການຈັດຕັ້ງ ປະຕິບັດວຽກງານໃນໄລຍະ ຜ່ານມາ, ເຊິ່ງມີຜົນງານຫຼາຍ ດ້ານທີ່ພົ້ນເດັ່ນເປັນຕົ້ນແມ່ນ ວຽກງານສຶກສາອົບຮົມການ ເມືອງນຳພາແນວຄິດໂດຍ ໄດ້ຈັດຕັ້ງເຊື່ອມຊຶມເອກະ ສານຕ່າງໆຂອງພັກຂອງກອງ ທັບ ແລະ ສູນກາງສະຫະພັນ ແມ່ຍິງລາວວາງອອກ, ຂະ ບວນການທີ່ພົ້ນເດັ່ນກວ່າຫມູ່ ແມ່ນກຸ່ມທ້ອນເງິນພັດທະນາ ຊ່ວຍເຫຼືອເຊິ່ງກັນ ແລະ ກັນ ມາເຖິງປັດຈຸບັນແມ່ນມີສະ ມາຊິກກອງທຶນທັງຫມົດ 5.244 ສະຫາຍ, ມີເງິນທ້ອນ ທັງຫມົດ 10.079.602.000 ກີບ ຈາກຜົນງານດັ່ງກ່າວໄດ້ມີ ແມ່ຍິງທີ່ເປັນພົນລະເມືອງດີ ໄດ້ 100%, ດ້ານພັດທະນາດີ 85%, ຄອບຄົວດີມີຄວາມຜາ ສຸກ 80%, ແມ່ຍິງ 3 ດີ ປະ ເພດ I ມີ 536 ສະຫາຍ, ປະ ເພດ II ມີ 437 ສະຫາຍ, ຫນ່ວຍ 3 ດີ 23 ຫນ່ວຍ ແລະ ຄອບຄົວຕົວແບບ 21 ຄອບ ຄົວ ແລະ ຜ່ານທິດທາງແຜນ ການໃນສົກປີ 2014 ທີ່ຈະ ສຸມໃສ່ຈັດຕັ້ງປະຕິບັດໃຫ້ ເກີດດອກອອກຜົນຍິ່ງໆຂຶ້ນ, ພ້ອມດຽວກັນນັ້ນກອງປະຊຸມ ຍັງໄດ້ຮັບຟັງການເຜີຍແຜ່ມະ ຕິກອງປະຊຸມຄົບຄະນະບໍລິ ຫານງານສູນກາງສະຫະພັນ ແມ່ຍິງລາວ ແລະ ຮັບຟັງການ ປາຖະກະຖາມູນເຊື້ອວັນແມ່ ຍິງສາກົນວັນທີ 8 ມີນາ ຄົບ ຮອບ 104 ປີໂດຍການປາຖະ ກະຖາ ແລະ ເຜີຍແຜ່ຂອງສະ ຫາຍພັນໂທ ນາງ ອຸ່ນຄຳ ແສງ ຄຳຢອງ, ຮອງຫົວຫນ້າຫ້ອງ ການສະຫະພັນແມ່ຍິງກອງ ທັບປະຊາຊົນລາວ.

ທີ່ມາ http://www.kongthap.gov.la/