ວັນທີ 28-29 ມັງກອນ 2016 ນີ້, ແຂວງຫົວພັນໄດ້ຈັດກອງປະຊຸມກວດກາທົ່ວແຂວງຫົວພັນປະຈຳປີ 2015 ທີ່ຫ້ອງປະຊຸມຫ້ອງວ່າການປົກຄອງ ແຂວງໂດຍການເຂົ້າຮ່ວມເປັນປະທານຂອງສະຫາຍ ຄຳຜິວ ວົງສະຫວັນ ຮອງເລຂາພັກແຂວງ, ປະທານແນວລາວ ສ້າງຊາດແຂວງ, ສະຫາຍ ຄຳສອນ ເທບວົງຊຳ ກຳມະການປະຈຳພັກແຂວງ, ປະທານກວດກາພັກ-ລັດຂັ້ນແຂວງ, ມີຜູ້ຕ່າງໜ້າທີ່ເຮັດວຽກງານກວດກາພະແນກການອ້ອມຂ້າງແຂວງ, ກອງບັນ ຊາການ ປກສ , ປກຊ, 10 ເມືອງທົ່ວແຂວງ ພ້ອມດ້ວຍພະນັກງານລັດຖະກອນພາຍໃນພະແນກກວດກາເຂົ້າຮ່ວມ.
ສະຫາຍ ສີແພງ ດວງບຸດດີ ຮອງປະທານກວດກາພັກ-ລັດແຂວງໄດ້ຜ່ານບົດສະຫຼຸບການເຄື່ອນໄຫວວຽກງານກວດກາທົ່ວແຂວງຫົວພັນປະຈຳປີ 2015 ແລະທິດທາງແຜນການປີ 2016 ຊຶ່ງ 1 ປີຜ່ານມາໄດ້ຍົກໃຫ້ເຫັນດ້ານດີຜົນງານ ແລະດ້ານອ່ອນຄົງຄ້າງທີ່ຈະໄດ້ພ້ອມກັນປັບປຸງແກ້ໄຂໃນຕໍ່ໜ້າປະຈຸບັນທົ່ວແຂວງ ຫົວພັນມີ 124 ຄະນະພັກຮາກຖານ, ມີ 946 ໜ່ວຍພັກ, ເພີ່ມຂຶ້ນ 12 ຄະນະພັກ ຮາກຖານ ແລະ 26 ໜ່ວຍ, ໃນນີ້ເປັນໜ່ວຍພັກແຂງຮູ້ນຳພາຮອບດ້ານ 392 ໜ່ວຍ, ໜ່ວຍພັກແຂງ 140 ໜ່ວຍ, ກາງ 58 ໜ່ວຍ, ບໍ່ໄດ້ຈັດປະເພດ 356 ໜ່ວຍ, ທົ່ວແຂວງມີສະມາຊິກພັກທັງໝົດ 13 ພັນ ກວ່າສະຫາຍ, ຍິງ 2 ພັນກວ່າສະຫາຍ,ເພີ່ມຂຶ້ນ 114 ສະຫາຍ, ຍິງ 84 ສະຫາຍ, ໃນນີ້ສະມາຊິກພັກສຳຮອງ 561 ສະຫາຍ, ຍິງ 96 ສະຫາຍ, ໄດ້ຕີລາຄາແບ່ງປະ ເພດໃນປີ 2015 ແລ້ວ 9,7 ພັນກວ່າ ສະ ຫາຍ, ໃນນີ້ມີສະມາຊິກພັກແຂງຮອບ ດ້ານ 6,6 ພັນກວ່າສະຫາຍ, ປະເພດແຂງ 2,5 ພັນກວ່າສະຫາຍ, ກາງ 600 ສະຫາຍ, ອ່ອນ 37 ສະຫາຍ ແລະບໍ່ໄດ້ຈັດ ປະເພດ 4,2 ພັນກວ່າສະຫາຍ.
ນອກນັ້ນໃນ 1 ປີຜ່ານມາໄດ້ສຸມໃສ່ ຮັບເອກະສານແຈ້ງຊັບສິນພະນັກງານ-ລັດຖະກອນ ຊຶ່ງມີພະນັກງານແຈ້ງຊັບ ສິນທັງໝົດ 7 ພັນກວ່າຄົນ, ໃນນີ້ຂັ້ນສູນ ກາງຄຸ້ມຄອງ 38 ຄົນ, ຂັ້ນແຂວງຄຸ້ມຄອງ 305 ຄົນ, ຂັ້ນພະແນກການຄຸ້ມຄອງ 1,3 ພັນກວ່າຄົນ, ຂັ້ນເມືອງຄຸ້ມຄອງ 5,3 ພັນກວ່າຄົນ, ເອົາໃຈໃສ່ໃຫ້ຄຳປຶກ ສາແກ່ສະມາຊິກພັກ, ພະນັກງານ ແລະປະ ຊາຊົນບັນດາເຜົ່າທັງໝົດ 12 ເທື່ອຄົນ,ໄດ້ຮັບຄຳຮ້ອງ, ຄຳສະເໜີທັງໝົດ 23 ສະບັບ, ໃນນີ້ແກ້ໄຂແລ້ວ 11 ສະບັບ, ໃຫ້ ພາກສ່ວນກ່ຽວຂ້ອງແກ້ໄຂ 6 ສະບັບ, ແຈ້ງຕອບ 3 ສະບັບ, ພວມສືບຕໍ່ຕິດຕາມ ພາກສ່ວນກ່ຽວຂ້ອງແກ້ໄຂ 2 ສະບັບ ແລະຊັດມ້ຽນ 1 ສະບັບ.
ສຳລັບທິດທາງແຜນການປີ 2016 ຈະສືບຕໍ່ຊຸກຍູ້ໃຫ້ບັນດາຄະນະກວດກາ ເມືອງ ແລະພະແນກການອ້ອມຂ້າງແຂວງ ສ້າງຕັ້ງອົງການກວດກາລັດຂັ້ນຂອງ ຕົນ, ເອົາໃຈໃສ່ເຜີຍແຜ່ກົດໝາຍວ່າດ້ວຍ ການຕ້ານການສໍ້ລາດບັງຫຼວງ, ສືບຕໍ່ດຳ ເນີນການຮັບແຈ້ງຊັບສິນ ແລະຄຸ້ມຄອງ ເອກະສານແຈ້ງຊັບສິນຂອງພະນັກງານ, ດຳເນີນການສືບສວນ-ສອບສວນບຸກຄົນ ທີ່ມີພຶດຕິກຳສໍ້ລາດບັງຫຼວງເພື່ອປະກອບ ສຳນວນຄະດີໃຫ້ອົງການໄອຍາການ ສານປະຊາຊົນດຳເນີນຕາມກົດໝາຍຕ້ານການສໍ້ລາດບັງຫຼວງທີ່ໄດ້ກຳນົດໄວ້.
ໂອກາດນີ້ຍັງໄດ້ຈັດພິທີມອບ-ຮັບ ໜ້າທີ່ລະຫວ່າງສະຫາຍ ຄຳຜິວ ວົງສະຫວັນ ປະທານກວດກາພັກຜູ້ເກົ່າ ແລະ ທ່ານ ຄຳສອນ ເທບວົງຊຳ ປະທານກວດ ກາພັກຜູ້ໃໝ່ໂດຍການເຂົ້າຮ່ວມເປັນສັກຂີພິຍານຂອງສະຫາຍ ວັນໄຊ ແພງຊຸມ ມາ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆ ຫົວພັນ, ມີບັນດາສະຫາຍໃນຄະນະປະ ຈຳພັກແຂວງ, ກຳມະການພັກແຂວງ, ເຈົ້າເມືອງ, ຮອງເຈົ້າເມືອງ ແລະຜູ້ເຮັດວຽກງານກວດກາຂັ້ນແຂວງ ແລະຂັ້ນ ເມືອງເຂົ້າຮ່ວມ.
ທີ່ມາ: