spot_img
Homeຂ່າວຕ່າງປະເທດເສດຖະກິດ ​ຟິລິ​ບປິນ​ເຕີບ​ໂຕ 5,8%

ເສດຖະກິດ ​ຟິລິ​ບປິນ​ເຕີບ​ໂຕ 5,8%

Published on

​     ເສດຖະກິດ​ຟິລິບ​ປິນຂະຫຍາຍຕົວ​ 5,8% ​ໃນ​ປີ 2015 ທີ່​ຜ່ານ​ມາ ຕໍ່າ​ກວ່າ​ທີ່​ຄາດ​ຄະ​ເນ​ເອົາ​ໄວ້ ສ່ວນ​ມາ​ເລ​ເຊຍ​ຫຼຸດ​ຄາ​ດຄະ​ເນ​ປີ 2016 ​ແລະ ປັບ​ຫຼຸດ​ລາຍ​ຈ່າຍ​ພາກ​ລັດ ຫຼັງ​ຈາກ​ໄດ້​ຮັບ​ຜົນ​ກະທົບ​ຢ່າງ​ໜັ​ກຈາ​ກລາຄາ​ນ້ຳມັນ​ຫຼຸດ.

    ຕາມ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫຼວງ​ມະນີ​ລາ​ຂອງ​ຟິລິບ​ປິນ​ໃນ​ວັນ​ທີ 28 ມັງກອນ​ວ່າ ​ເສດຖະກິດ​ຟິລິບ​ປິນ​ເຕີບ​ໂຕ​ຢູ່​ທີ່ 5,8% ​ໃນ​ປີ 2015 ຕໍ່າ​ກວ່າ​ການຄາດ​ຄະ​ເນ​ຂອງ​ລັດຖະບານ ​ໂດຍ​ມີ​ສາ​ເຫດ​ຈາກ​ຜົນ​ກະທົບ​ຂອງ​ເສດຖະກິດ​ໂລກ​ອ່ອນ​ແອ, ປາກົດການ​ແອ​ລນິ​ໂຍ ​ແລະ ການ​ໃຊ້​ຈ່າຍ​ເງິນ​ຊັກ​ຊ້າ​ຂອງລັດຖະບານ​ໃນ​ຕົ້ນ​ປີ​ທີ່​ຜ່ານ​ມາ, ຊຶ່ງ​ກ່ອນ​ໜ້າ​ນີ້​ຟິລິບ​ປິນຄາດ​ຄະ​ເນ​ອັດຕາ​ການ​ເຕີບ​ໂຕ​ຂອງ​ຕົວ​ເລກ​ລວມຜະລິດ​ຕະພັນ​ພາຍ​ໃນ(ຈີ​ດີ​ພີ)ສຳລັບ​ປີ 2015​ ໄວ້​ຢູ່​ທີ່ ​7,8% ​ແຕ່​ຕໍ່​ມາ​ປັບ​ຫຼຸດ​ລົງ​ເຫຼືອ 6-6,5%. ທ່ານ ອາ​ເຊ​ນິ​ໂອ ບາ​ລິ​ຊາ​ກັນ ລັດຖະມົນຕີ​ວ່າການ​ກະຊວງ​ວາງ​ແຜນ​ເສດຖະກິດ​ຟິລິບ​ປິນກ່າວ​ວ່າ ຈີ​ດີ​ພີ ຟິລິບ​ປິນ​ເຕີບ​ໂຕ​ສະ​ເລ່ຍ 6,3% ຕະຫຼອດ 6 ປີ​ທີ່​ຜ່ານ​ມາ ຊຶ່ງ​ຖື​ວ່າ​ດີ​ທີ່​ສຸດ​ນັບ​ຕັ້ງ​ແຕ່​ປີ 1970 ການ​ລົງທຶນ​ພາກ​ລັດ ​ແລະ ​ເອກະ​ຊົນ​ເຕີບ​ໂຕກ​ວ່າ 2 ​ເທົ່າ.

ສ່ວນ​ມາ​ເລ​ເຊຍ​ປະກາດ​ປັບ​ຫຼຸດ​ຄາດ​ຄະ​ເນ​ອັດຕາ​ການ​ເຕີບ​ໂຕ​ຂອງ​ເສດຖະກິດ​ປີ​ນີ້ລົງ 4-4,5% ​ແລະ ຫຼຸດ​ລາຍ​ຈ່າຍ​ພາກ​ລັດ​ຕາມ​ແຜນ ຂະນະ​ທີ່​ເສດຖະກິດ​ກຳລັງ​ອ່ອນ​ແອ​ຈາກ​ຜົນ​ກະທົບ​ຂອງ​ລາຄາ​ນ້ຳມັນ​ໂລກ​ທີ່​ຕົກ​ຕໍ່າ ສ້າງ​ຄວາມ​ໜັກ​ໃຈ​ຄັ້ງ​ໃໝ່​ຕໍ່​ນາຍົກລັດຖະມົນຕີນາຈິບ ຣາຊັກ​ທີ່​ກຳລັງ​ປະ​ເຊີນ​ກັບ​ຫຼາຍ​ບັນຫາ, ຊຶ່ງ​ລັດຖະບານມາ​ເລ​ເຊຍ​ກຳນົດ​ງົບປະມານ​ລາຍ​ຈ່າຍ​ປະຈຳ​ປີ 2016 ​ໄວ້​ກັບ​ລາຄາ​ນ້ຳມັນ​ສະ​ເລ່ຍຢູ່​ທີ່ 48 ​ໂດ​ລາ​ຕໍ່​ບາ​ເຣລ ​ແຕ່​ການ​ປະ​ເມີນ​ຖືກ​ປັບ​ຫຼຸດ​ລົງຢູ່​ທີ 30-35 ​ໂດ​ລາ​ຕໍ່​ບາ​ເຣລ.

ທີ່ມາ:logo

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...