ວັນທີ 26 ມັງກອນ ຜ່ານມາທີ່ພະແນກແຜນການ ແລະການລົງທຶນແຂວງອັດຕະປື ໄດ້ມີພິທີເຊັນສັນຍາ MOU, ສຶກສາຄວາມເປັນໄປໄດ້ການກໍ່ສ້າງເຂື່ອນໄຟຟ້າຂະໜາດນ້ອຍຫ້ວຍລຸ່ມພູທີ່ຕັ້ງຢູ່ເຂດເມືອງພູວົງ ລະຫວ່າງອຳນາດການປົກຄອງແຂວງອັດຕະປືກັບບໍລິສັດແມ່ຂອງຄອນກຼິດແອນເມເຕີຮຽນຈຳກັດ.
ເຂົ້າຮ່ວມພິທີລົງນາມເຊັນສັນຍາມີ ທ່ານ ວິລະພົນ ສຸດທະລາວົງ ຮອງຫົວໜ້າພະແນກແຜນການ ແລະການລົງທຶນ ແຂວງອັດຕະປື, ທ່ານ ສົມຫວັງ ສິລາເພັດ ຮອງຫົວໜ້າພະແນກພະລັງງານ ແລະບໍ່ແຮ່, ທ່ານ ບຸນນາວ ຈັນດອນ ເຈົ້າເມືອງໆພູວົງ ແລະ ທ່ານ ວົງສຸກໃຈ ສີສະແຫວງສຸກ ອຳນວຍການບໍລິສັດແມ່ຂອງຄອນກຼິດແອນເມເຕີ ຮຽນຈຳກັດໂດຍການເຂົ້າ ຮ່ວມຊ້ອງໜ້າເປັນສັກຂີພີຍານຂອງທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງອັດຕະປື ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ການສຶກສາຄວາມເປັນໄປໄດ້ໂຄງການກໍ່ສ້າງເຂື່ອນໄຟຟ້າຂະໜາດນ້ອຍຫ້ວຍລຸ່ມພູທີ່ຕັ້ງຢູ່ເຂດ ເມືອງພູວົງແມ່ນ ຫ່າງຈາກເທສະບານເມືອງປະມານເກືອບ 30 ກິໂລແມັດໄປທາງທິດຕາເວັນອອກສຽງໃຕ້, ໂດຍໄລຍະຂອງການສຶກສາສຳຫຼວດຄວາມເປັນໄປໄດ້ໃນການກໍ່ສ້າງ ແມ່ນເວລາ 18 ເດືອນ ດ້ວຍວົງເງິນຄ້ຳ ປະກັນ 10 ພັນໂດລາ.
ທີ່ມາ: