ວັນທີ 27 ມັງກອນ ຜ່ານມາໄດ້ມີຄົນຮ້າຍເຂົ້າໄປລັກລົດຈັກຍີ່ຫໍ້ຮອນດາເວບ ສີແດງດຳ ໝາຍເລກທະບຽນ ຍຣ 7497 ກຳແພງນະຄອນ ຢູ່ບ້ານສີໄຄ ໂດຍທາງເຈົ້າຂອງເຮືອນໄດ້ມີກ້ອງວົງຈອນປິດຕິດໄວ້ໜ້າບ້ານ ແລະສາມາດບັນທຶກພາບຂອງຄົນຮ້າຍດັ່ງກ່າວໄວ້ໄດ້ ຊຶ່ງເປັນໄວໜຸ່ມ 2 ຄົນທີ່ຂີ່ລົດຈັກຊ້ອນກັນມາໂດຍໃສ່ໝວກກັນກະທົບປິດບັງໃບໜ້າຈາກນັ້ນໄວ້ໜຸ່ມທີ່ໃສ່ໝວກກັນກະທົບສີຂາວ, ນຸ່ງໂສ້ງຢີນ ແລະເສື້ອກັນໜາວສີດຳໄດ້ລົງຈາກລົດ ແລະຍ່າງເຂົ້າມາໃນເຮືອນກ່ອນລົງມືລັກເອົາລົດແລ້ວຫຼົບໜີໄປ, ປະຈຸບັນທາງເຈົ້າໜ້າທີ່ກຳລັງເລັ່ງຕິດຕາມມາດຳເນີນຄະດີ.
ເຫດການດັ່ງກ່າວ ທາງນັກຂ່າວໜັງສືພິມ ເສດຖະກິດ-ສັງຄົມ ໄດ້ສອບຖາມລູກສາວຂອງຜູ້ເສຍຫາຍໃຫ້ຮູ້ວ່າ: ກ່ອນເກີດເຫດພໍ່ຂອງຕົນເອງໄດ້ຂີ່ລົດຈັກອອກມາຈາກບ້ານທົ່ງປົ່ງ ເພື່ອມາຫາພີ່ນ້ອງຢູ່ບ້ານສີໄຄ, ຈາກນັ້ນ ກໍໄດ້ຈອດລົດໄວ້ໜ້າບ້ານ ແລະເຂົ້າໄປຖາມເບີໂທ ພຽງບໍ່ເທົ່າໃດນາທີອອກມາກໍບໍ່ເຫັນລົດຈັກທີ່ຂີ່ມາ, ຈິ່ງໄດ້ແຈ້ງໄປຍັງເຈົ້າໜ້າທີ່ຈະລາຈອນປະຈຳປ້ອມຕ່າງໆ ແລະເຈົ້າໜ້າທີ່ ປກສ ເມືອງສີໂຄດຕະບອງ ໃຫ້ຊ່ວຍຕິດຕາມ ເພື່ອນຳຕົວຜູ້ກະທຳຜິດມາດຳເນີນຄະດີຕາມລະບຽບກົດໝາຍ.
ທີ່ມາ: