spot_img
Homeຂ່າວພາຍ​ໃນພິດໄພໜາວ ສັດໃຫຍ່ໃນແຂວງພາກເໜືອຕາຍແລ້ວເກືອບ 30 ໂຕ

ພິດໄພໜາວ ສັດໃຫຍ່ໃນແຂວງພາກເໜືອຕາຍແລ້ວເກືອບ 30 ໂຕ

Published on

ຈາກສະພາບອາກາດໃນຂອບເຂດທົ່ວປະເທດໜາວເຢັນເຖິງໜາວຈັດໃນໄລຍະ 2-3 ວັນຜ່ານມາ ໂດຍສະເພາະທາງພາກເໜືອຂອງລາວ, ຊຶ່ງເຮັດໃຫ້ສັດລ້ຽງ (ງົວ, ຄວາຍ, ໝູ ແລະປາ) ຂອງພໍ່ແມ່ປະຊາຊົນບັນດາເຜົ່າເກີດລົ້ມຕາຍ, ມາຮອດປະຈຸບັນສາມາດສະຫຼຸບຕົວເລກ ຈໍານວນສັດຕາຍໄດ້ແລ້ວເປັນບາງຂົງເຂດ ໃນນີ້, ສະເພາະສອງແຂວງຊຽງຂວາງ ແລະແຂວງຫົວພັນມີສັດລົ້ມຕາຍ ລວມກັນ 27 ໂຕ, ໃນນີ້ ຕາຍຫຼາຍກວ່າໝູ່ແມ່ນຢູ່ເມືອງຊໍາເໜືອ.

ຕາມການລາຍງານຈາກພະນັກງານວິທະຍຸແຂວງຫົວພັນຕໍ່ນັກຂ່າວໜັງສືພິມພວກເຮົາໃນຕອນແລງວັນທີ 26 ມັງກອນ
ຜ່ານມາຮູ້ວ່າ: ສະພາບອາກາດຢູ່ແຂວງຮອດວັນທີ 26 ມັງກອນ 2016 ຍັງຄົງສືບຕໍ່ໜາວເຢັນ ແລະມີຝົນຕົກໃນລະດັບ
ຄ່ອຍຢູ່ຕະຫຼອດ, ວັດແທກອຸນຫະພູມປະມານ 1 ອົງສາ, ສ່ວນສັດລ້ຽງຂອງພໍ່ແມ່ປະຊາຊົນບັນດາເຜົ່າທີ່ລົ້ມຕາຍນັ້ນສາມາດສັງລວມໄດ້ແລ້ວໃນບາງເຂດທີ່ເມືອງລາຍງານເຊັ່ນ: ເມືອງຫົວເມືອງມີສັດຕາຍທັງໝົດ 4 ໂຕ, ໃນນີ້ ມີຄວາຍ 3 ແລະ ງົວ 1 ໂຕ, ເມືອງຊໍາເໜືອຕາຍ 14 ໂຕ, ໃນນີ້ມີງົວ 5 ໂຕ, ທີ່ເຫຼືອແມ່ນຄວາຍ, ສັງ ລວມແລ້ວທີ່ແຂວງຫົວພັນສັດລ້ຽງປະ ເພດຄວາຍ,ງົວຕາຍແລ້ວທັງໝົດ 18 ໂຕ.

ໃນມື້ດຽວກັນ ນັກຂ່າວໜັງສືພິມພວກເຮົາກໍໄດ້ສອບຖາມໄປຍັງທ່ານ ຄໍາໄພພົມມະວົງ ຮອງຫົວໜ້າຂະແໜງລ້ຽງສັດ ແຂວງຊຽງຂວາງ ຊຶ່ງສະພາບອາກາດຍັງສືບຕໍ່ໜາວ ແລະຝົນກໍຍັງຕົກໃນລະດັບຄ່ອຍຕໍ່ເນື່ອງ, ອຸນຫະພູມວັດໄດ້ປະມານ 7-8 ອົງສາ, ງົວ, ຄວາຍ ຂອງພໍ່ແມ່ປະຊາຊົນບັນດາເຜົ່າລົ້ມຕາຍ ຊຶ່ງເລີ່ມແຕ່ວັນ ທີ 24 ມັງກອນເປັນຕົ້ນມາຮອດວັນທີ 26 ຂອງເດືອນດຽວກັນມີສັດຕາຍທັງໝົດ 7 ໂຕ ແລະໝູ ອີກ 2 ໂຕ, ຈໍານວນສັດທີ່ຕາຍທັງໝົດແມ່ນຢູ່ເມືອງໜອງແຮດ.

ສ່ວນແຂວງຜົ້ງສາລີມີຂ່າວສັດລົ້ມຕາຍເຊັ່ນດຽວກັນ ແຕ່ທັງນີ້ສື່ພວກເຮົາກໍຍັງບໍ່ທັນໄດ້ຮັບລາຍງານການຕາຍຂອງສັດຈາກພະນັກງານກ່ຽວຂ້ອງຢູ່ແຂວງດັ່ງກ່າວເທື່ອ.

ຂະນະທີ່ແຂວງຫຼວງນໍ້າທາ ແລະແຂວງອຸດົມໄຊ ຊຶ່ງມີອາກາດໜາວຈັດເຊັ່ນກັນ ແຕ່ຍັງບໍ່ມີລາຍງານກ່ຽວກັບສັດຕາຍເທື່ອ,
ຊຶ່ງຄວາມໜາວຢູ່ແຂວງຫຼວງນໍ້າທາວັດອຸນຫະພູມໄດ້ປະມານ 5 ອົງສາ, ຂະນະທີ່ແຂວງອຸດົມໄຊ ແມ່ນມີຄວາມໜາວເຢັນ -1 ອົງສາ.

ແນວໃດກໍດີ ຕໍ່ກັບສະພາບອາກາດໜາວເຢັນແບບນີ້ ພໍ່ແມ່ປະຊາຊົນຄົນລາວທຸກຖ້ວນໜ້າກໍບ່ໍໄດ້ນິ້ງເສີຍ ໂດຍໄດ້ນໍາ
ເອົາເຄື່ອງກັນໜາວມາຊ່ວຍເຫຼືອຜູ້ໄດ້ຮັບໄພໜາວໂດຍສະເພາະຜູ້ທີ່ອາໃສຢູ່ເຂດພາກເໜືອ, ຫຼ້າສຸດບໍລິສັດການລົງທຶນຢາງ
ພາລາແຂວງຢຸນນານ ສປ ຈີນ ຊຶ່ງປະກອບມີ 28 ກຸ່ມບໍລິສັດພັດທະນາກະສິກໍາ ແຂວງຢຸນນານ ໄດ້ສົມທົບກັນຈັດຕັ້ງລະດົມເຄື່ອງນຸ່ງຫົ່ມມາຊ່ວຍເຫຼືອພໍ່ແມ່ປະຊາຊົນບັນດາເຜົ່າ 2 ບ້ານ ຂອງເມືອງ ແລະແຂວງຫຼວງນໍ້າທາ, ໂດຍເຄື່ອງທີ່ນໍາມາມອບປະກອບມີ ໂສ້ງ, ເສື້ອກັນໜາວ, ຜ້າຮົ່ມ ແລະເກີບທັງໝົດ 10.388 ຜືນ, ລວມເປັນມູນຄ່າ 30 ລ້ານກີບ ຂໍ້ມູນລາຍງານຂອງນັກຂ່າວປະຈໍາແຂວງດັ່ງກ່າວ.

ທີ່ມາ:logo

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...