ມູນ​ຄ່າ​ການຄ້າ​ຂອງ​ຍີ່ປຸ່ນ​ປະຈຳ​ປີ​ 2015 ທີ່​ຜ່ານ​ມາ ຢູ່​ໃນ​ລະດັບ​ຂາດ​ດຸນ 2,83 ພັນ​ຕື້​ເຢນ ຊຶ່ງ​ເປັນ​ລະດັບ​ຕໍ່າ​ສຸດ​ນັບ​ຕັ້ງ​​ແຕ່​ປີ 2011 ທີ່​ຜ່ານ​ມາ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫຼວງ​ໂຕ​ກຽວ​ຂອງ​ຍີ່ປຸ່ນ​ໃນ​ວັນ​ທີ 25 ມັງກອນ​ທີ່ຜ່ານ​ມາ​ວ່າ ກະຊວງ​ເສດຖະກິດ, ການຄ້າ ​ແລະ ອຸດສາຫະກຳ​ຂອງ​ຍີ່ປຸ່ນ ລາຍ​ງານ​ມູນ​ຄ່າ​ການ​ຄ້າ​ຂອງ​ປະ​ເທດ​ປະຈຳ​ປີ 2015 ທີ່​ຜ່ານ​ມາວ່າ ມູນ​ຄ່າ​ການ​ສົ່ງ​ອອກ​ເພີ່ມ​ຂຶ້ນ 3,5% ຈາກ​ປີ 2014 ຂະນະ​ທີ່​ມູນ​ຄ່າ​ການ​ນຳ​ເຂົ້າ​ຫຼຸດ​ລົງ  8,7% ຊຶ່ງ​ມູນ​ຄ່າ​ການ​ສົ່ງ​ອອກ​ທີ່​ເພີ່ມ​ຂຶ້ນສົ່ງ​ຜົນ​ໃຫ້​ມູນ​ຄ່າ​ການ​ຂາດ​ດຸນ​ການ​ຄ້າ​ຫຼຸດລົງ 78% ມາ​ຢູ່​ທີ 2,83 ພັນ​ຕື້​​ເຢນສ່ວນ​ມູນ​ຄ່າ​ການ​ຄ້າ​ສະ​ເພາະ​ເດືອນ​ທັນວາ​ປີ​ທີ່​ຜ່ານ​ມາ​ເກີນ​ດຸນ​ປະມານ 140,2 ຕື້​ເຢນ.

ທັງ​ນີ້​ ສະຖິຕິ​ການ​ຂາດ​ດຸນ​ທາງ​ການ​ຄ້າ​ດັ່ງກ່າວ​ຖື​ເປັນ​ລະດັບ​ຕໍ່າ​ສຸດ​ນັບ​ຕັ້ງ​ແຕ່​ປີ 2011 ຊຶ່ງ​ເປັນ​ປີ​ທີ່​ຍີ່ປຸ່ນ​ຕ້ອງ​ພົບ​ກັບ​ໄພ​ທຳ​ມະ​ຊາດ​ທີ່​ຮ້າຍ​ແຮງ​ຈາກ​ແຜ່ນດິນ​ໄຫວ​ຄັ້ງ​ໃຫຍ່ ​ແລະ ຄື້ນສຶນາ​ມິ ນອກຈາກ​ມີ​ຜູ້​ເສຍ​ຊີວິດ​ຈຳນວນ​ຫຼາຍ​ແລ້ວ ຄວາມ​ເສຍ​ຫາຍ​ທີ່​ເກີດ​ຂຶ້ນ​ກັບ​ໂຮງງານ​ໄຟຟ້າ​ນິວ​ເຄລຍຟຸກຸ​ຊິ​ມະ​ໄດ​ອິຈິຍັງ​ນຳ​ໄປ​ສູ່​ການ​ປິດ​ເຕົາ​ປະຕິ​ກອນ ​ເຮັດ​ໃຫ້​ລັດຖະບານ​ຕ້ອງ​ນຳ​ເຂົ້າ​ນ້ຳມັນ ​ແລະ ​ແກ໊ສຈາກ​ຕ່າງປະ​ເທ​ດຫຼາຍ​ຂຶ້ນ.

ທີ່ມາ: