ສຳນັກຂ່າວຕ່າງປະເທດ ລາຍງານໃນວັນທີ 24 ມັງກອນຜ່ານມານີ້ວ່າ ເຈົ້າໜ້າທີ່ຕຳຫລວດມາເລເຊຍ ໄດ້ຖະແຫລງ ສາມາດຈັບກຸມຜູ້ຖືກສົງໄສ 7 ຄົນ ທີ່ສົງໄສວ່າ ເປັນກຸ່ມນັກຮົບຫົວຮຸນແຮງ ສັງກັດຢູ່ກຸ່ມລັດອິດສະລາມ ຫລື ກຸ່ມໄອເອັສ ພາຍໃນປະເທດມາເລເຊຍ ໂດຍສາມາດຍຶດລູກປືນໄດ້ 30 ນັດ ພ້ອມດ້ວຍໜັງສື ແລະ ວີດີໂອ ກ່ຽວກັບນັກຮົບກຸ່ມດັ່ງກ່າວ ຕະຫລອດຮອດພົບທຸງສັນຍາລັກຂອງ ກຸ່ມໄອເອັສອີກດ້ວຍ ໂດຍລະບຸວ່າ ຜູ້ຖືກສົງໄສ ຈຳນວນ 7 ຄົນດັ່ງກ່າວນີ້ ກຳລັງວາງແຜນການ ເພື່ອໂຈມຕີໃນທົ່ວປະເທດມາເລເຊຍ.

ທັງນີ້ ເຈົ້າໜ້າທີ່ຄວາມໝັ້ນຄົງຂອງມາເລເຊຍ ໄດ້ໃຊ້ມາດຕະການຂັ້ນສູງ ເພື່ອປ້ອງກັນ ແລະ ປາບປາມການກໍ່ການຮ້າຍ ພາຍຫລັງເກີດເຫດການ ບຸກໂຈມຕີນະຄອນຫລວງຈາກາຕາ ປະເທດອິນໂດເນເຊຍ ເມື່ອວັນທີ 14 ມັງກອນ 2016 ຜ່ານມາ ແລະ ເນື່ອງຈາກໄລຍະຜ່ານມາ ຕຳຫລວດມາເລເຊຍ ສາມາດຈັບກຸມ ກຸ່ມນັກຮົບທີ່ກ່ຽວຂ້ອງກັບ ກຸ່ມລັດອິດສະລາມ ຫລາຍຄັ້ງ.