ຕາມ​ການ​ກວດກາ​ປະ​ເມີນ​ຜົນ​ທົ່ວ​ເມືອງ​ສີ​ໂຄດ​ຕະບອງ ນວ ເຫັນ​ວ່າ​ຍັງ​ມີ​ຄອບຄົວ​ທີ່​ຍັງ​ບໍ່​ພົ້ນ​ທຸກ 1 ຄອບຄົວ​ຄື: ຄອບຄົວ​ທ້າວ ອຸໄທ ແຕ່​ກ່ອນ​ແມ່ນ​ຢູ່​ບ້ານ​ຂຸນ​ຕາ​ທ່າ ປັດຈຸບັນ​ຄອບຄົວ​ຂອງ​ຜູ້ກ່ຽວ​ໄດ້​ຍົກຍ້າຍ​ມາ​ຢູ່​ບ້ານ​ວຽງ​ຄຳ ເມືອງ​ສີ​ໂຄດ​ຕະບອງ ດັ່ງນັ້ນ ມາ​ຮອດ​ວັນ​ທີ 25 ມີນາ 2014 ນີ້ ຄະນະ​ພັກ ອົງການ​ປົກຄອງ​ເມືອງ​ສີ​ໂຄດ​ຕະບອງ ກໍ່​ຄື​ຫ້ອງການ​ພັດທະນາ​ຊົນນະບົດ ແລະ ລຶບລ້າງ​ຄວາມທຸກ​ຍາກ ເມືອງ​ສີ​ໂຄດ​ຕະບອງ ຈຶ່ງ​ໄດ້​ນຳ​ເອົາ​ເຄື່ອງ​ຊ່ວຍເຫຼືອ​ໄປ​ມອບ​ໃຫ້​ຄອບຄົວ​ດັ່ງກ່າວ ປະກອບ​ມີ ຊີມັງ 1 ໂຕນ ສັງກະສີ 50 ແຜ່ນ ດິນ​ບ໋ອກ 400 ກ້ອນ ຫີນ​ແຮ່ 1 ລົດ ດິນຊາຍ 1 ລົດ ລວມ​ມູນ​ຄ່າ​ທັງ​ໝົດ 4.500.000 ກີບ ທັງ​ນີ້​ເພື່ອ​ເປັນ​ການ​ຊ່ວຍເຫຼືອ​ແກ້​ໄຂ​ຄອບຄົວ​ທຸກ​ຍາກ ເພື່ອ​ໃຫ້​ຄອບຄົວ​ທ້າວ ອຸໄທ ໄດ້​ມີ​ການ​ພັດທະນາ​ດີ​ຂຶ້ນ.

ພິທີ​ມອບ-ຮັບ​ໄດ້​ຈັດ​ຂຶ້ນ​ຢູ່​ບ້ານ​ວຽງ​ຄຳ ເມືອງ​ສີ​ໂຄດ​ຕະບອງ ນະຄອນຫຼວງ​ວຽງ​ຈັນ ໂດຍ​ນາງ ພູ​ວຽງ ແກ້ວ​ວົງ​ວິຈິດ ເຈົ້າເມືອງ​ສີ​ໂຄດ​ຕະບອງ ເປັນ​ຜູ້​ກ່າວ​ມອບ ແລະ ທ່ານ ອຸໄທ ພ້ອມ​ພັນ​ລະ​ຍາ ກ່າວ​ຮັບ​ໂດຍ​ຊ້ອງ​ໜ້າ​ທ່ານ ແສງ​ສຸລິຍັນ ສີ​ລິ​ໂພຄາ ຫົວໜ້າ​ຫ້ອງການ​ພັດທະນາ​ຊົນນະບົດ ແລະ ລຶບລ້າງ​ຄວາມທຸກ​ຍາກ​ເມືອງ ພ້ອມ​ດ້ວຍ​ນາຍບ້ານ ແລະ ພະນັກງານ​ທີ່​ກ່ຽວຂ້ອງ​ເປັນ​ສັກຂີ​ພິຍານ.

ທີ່ມາ :http://www.vientianemai.net/teen/khao/1/11438