ໃນວັນທີ 15.03.2014 ຜ່ານມານີ້, ບໍລິສັດ ລາວເດີນ ອາກາດ (Lao Skyway) ໄດ້ ເປີດຖ້ຽວບິນປະຖົມມະເລີກ ນະຄອນຫຼວງວຽງຈັນ-ຫຼວງ ພະບາງ-ນະຄອນຫຼວງ ວຽງ ຈັນ ດ້ວຍເຮືອບິນ MA60, ເຊິ່ງຈະໄດ້ບິນ 3 ຖ້ຽວຕໍ່ 1 ອາທິດໃນໄລຍະເບື້ອງຕົ້ນຄື: ອັງ ຄານ, ພະຫັດ, ເສົາ ແລະ ຫຼັງ ຈາກນັ້ນຈະໄດ້ເພີ່ມຖ້ຽວບິນ ຕາມຈຳນວນຜູ້ໂດຍສານຕົວ ຈິງ ໃນລາຄາເລີ່ມຕົ້ນແມ່ນ 299.000 ກີບຕໍ່ຖ້ຽວ.
ນອກຈາກນີ້, ບໍລິສັດ ລາວເດີນອາກາດຍັງໄດ້ເປີດ ເສັ້ນບິນໄປ 3 ແຂວງພາກ ເໜືອດັ່ງນີ້:  ຖ້ຽວບິນນະຄອນ ຫຼວງວຽງຈັນ-ບໍ່ແກ້ວ-ນະ ຄອນຫຼວງວຽງຈັນ, ເລີ່ມແຕ່ ວັນທີ 21.03.2014 ແລະ ຈະບິນ ທຸກໆວັນຈັນ ແລະ ວັນສຸກ ລາຄາເລີ່ມຕົ້ນແມ່ນ 399.000 ກີບ, ນະຄອນຫຼວງ ວຽງຈັນ-ອຸດົມໄຊ-ນະຄອນ ຫຼວງວຽງຈັນ ເລີ່ມໃນວັນທີ 26.03.2014 ແລະ ຈະບິນ ທຸກໆວັນພຸດ ແລະ ວັນອາທິດ ລາຄາເລີ່ມຕົ້ນແມ່ນ 399.000 ກີບ ແລະ ຖ້ຽວບິນ ນະຄອນຫຼວງວຽງຈັນ-ຫຼວງ ນ້ຳທາ-ນະຄອນຫຼວງວຽງຈັນ, ເລີ່ມໃນວັນທີ 04.04.2014, ແລະ ຈະບິນທຸກໆວັນຈັນ ແລະ ວັນສຸກ ລາຄາເລີ່ມ ຕົ້ນແມ່ນ 399.000 ກີບ.
ລາຍລະອຽດສອບຖາມ ຂໍ້ມູນການບິນໄດ້ທີ່ເບີ 1441 ແລະ 021 513007 ຫຼື ທ່ານ ສາມາດພົວພັນທີ່ຫ້ອງຂາຍ ທີ່ ໂຮງແຮມ ແສງທຽນ ຕັ້ງຢູ່ ບ້ານວັດໄຕໃຫຍ່ທົ່ງ ເມືອງສີ ໂຄດຕະບອງ ນະຄອນຫຼວງ ວຽງຈັນ ຫຼື ຫ້ອງຂາຍປີ້ຢູ່ສະ ໜາມບິນວັດໄຕ ຕຶກພາຍໃນ ແລະ ຕົວແທນຈຳໜ່າຍປີ້ຍົນ ທົ່ວປະເທດ.

ທີ່ມາ http://www.kongthap.gov.la