ທ່ານ ​ດຣ. ລຽນ ທິ​ແກ້ວ ກຳມະ​ການ​ສູນ​ກາງ​ພັກ ເລຂາ​ຄະນະ​ພັກ ລັດຖະມົນຕີ​ວ່າການ​ກະຊວງ​ການ​ເງິນ ໄດ້​ໃຫ້​ກຽດ​ຮັບເອົາ​ການ​ສະໜັບສະໜູນ​ກອງ​ປະຊຸມ​ໃຫຍ່ ​ຜູ້​ແທນ​ທົ່ວ​ປະເທດ ຄັ້ງ​ທີ X ຂອງ​ພັກ​ປະຊາຊົນປະຕິວັດລາວ ຈາກ​ພາກສ່ວນ​ຕ່າງໆ​ຢູ່​ຫໍປະຊຸມ​ແຫ່ງ​ຊາດ.

ບັນດາ​ພາກສ່ວນ​ທີ່​ມາ​ໃຫ້ການ​ສະໜັບສະໜູນ​ຈາກ​ພາກສ່ວນ​ຕ່າງໆ ​ໃນ​ວັນ​ທີ 20-21 ມັງກອນ 2016 ປະກອບ​ມີ​ກອງເລຂາ​ຄະນະ​ກຳມະການ​ແຫ່ງຊາດ ເພື່ອ​ຄຸ້ມ​ຄອງ​ເຂດ​ເສດ​ຖະກິດ​ພິເສດ ແລະ ເຂດ​ເສດຖະກິດສະເພາະ ອຸປະຖຳ 746 ລ້ານ​ກີບ ລັດ​ວິ​ສາ​ຫະ​ກິດ​ລາວ​ໂທລະ​ຄົມມະ​ນາ​ຄົມ 100 ລ້ານ​ກີບ ແຂວງຊຽງ​ຂວາງ ບໍລິສັດ​ ສະ​ກາຍ​ໂທລະ​ຄົມຊີ​ທີ​ຊີ​ດີ​ວີ​ໂລບ​ເມັນ ຈຳກັດຜູ້​ດຽວ ບໍລິສັດ ​ພັດທະນາ​ຊົນ​ນະບົດ​ໃໝ່ ກະຊວງ​ກະສິກຳ ແລະ ປ່າໄມ້ ພາກສ່ວນ​ລະ 50 ລ້ານກີບ ທະນາຄານ​ພົງ​ສະຫວັນ ກະຊວງ​ອຸດສາຫະກຳ ແລະ ການ​ຄ້າ ພາກສ່ວນ​ລະ 20 ລ້ານ​ກີບ ບໍ​ລິສັດ​ ອຸດສາຫະກຳ-ກະສິກຳ ​ຈຳກັດ 16 ລ້ານ​ກີບ ສະມາຄົມ​ນັກ​ທຸລະກິດ​ຍິງ ກຸ່ມ​ຮ້ານ​ອາຫານ​ຂອບໃຈເດີ ລັດ​ວິ​ສາ​ຫະ​ກິດ​ໂຮງງານ​ຜະລິດ​ຢາ ເລກ 3 ພາກສ່ວນ​ລະ 10 ລ້ານ​ກີບ ສູນ​ກາງ​ສະຫະພັນ​ແມ່ຍິງ​ລາວ 5 ລ້ານ​ກີບ.

ໂອກາດ​ນີ້​ທ່ານ ​ດຣ. ລຽນ ທິ​ແກ້ວ ກໍ່​ໄດ້​ສະແດງ​ຄວາມຂອບໃຈ​ຕໍ່​ພາກສ່ວນ​ຕ່າງໆ ທີ່​ໄດ້ໃຫ້ການ​ສະໜັບສະໜູນ​ກອງ​ປະຊຸມ​ໃນ​ຄັ້ງ​ນີ້ ພ້ອມ​ທັງ​ໄດ້​ແຈ້ງ​ໃຫ້ຮູ້​ວ່າ ປັດຈຸບັນ​ການ​ສະໜັບ​ສະໜູນ​ກອງ​ປະຊຸມ​ໃຫຍ່​ຜູ້​ແທນ​ທົ່ວປະເທດ ຄັ້ງ​ທີ X ຂອງ​ພັກ ຈາກພາກສ່ວນ​ຕ່າງໆ ທັງ​ພາກ​ລັດ ແລະ ເອກະ​ຊົນ ເຊິ່ງ​ເປັນ​ເງິນ ແລະ ວັດຖຸ​ຮັບ​ໃຊ້​ມູນ​ຄ່າ​ເກືອບ 4 ຕື້​ກີບ.