ກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນ ແລະ ສະຫະພາບເອີຣົບ (ອີຢູ) ໄດ້ຈັດຂຶ້ນໃນວັນທີ 20 ມັງກອນ 2016 ທີ່ໂຮງແຮມດອນຈັນພາເລດ ໂດຍເປັນປະທານຂອງທ່ານ ດຣ. ລາວຮົວ ເຈີຈິງ ຫົວໜ້າກົມນະໂຍບາຍການຄ້າຕ່າງປະເທດ ກະຊວງອຸດສາຫະກຳ ແລະ ການຄ້າ ໂດຍມີບັນດາຜູ້ຕາງໜ້າຈາກປະເທດສະມາຊິກອາຊຽນ ກອງເລຂາອາຊຽນ ແລະ ຜູ້ຕາງໜ້າສະຫະພາບເອີຣົບເຂົ້າຮ່ວມ.
ທ່ານ ດຣ. ລາວຮົວ ເຈີຈິງ ໄດ້ກ່າວວ່າ: ກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນ ແລະ ສະຫະພາບເອີຣົບ ໄດ້ຈັດຂຶ້ນເພື່ອປຶກສາຫາລືຄວາມເປັນໄປໄດ້ ໃນການເຮັດສັນຍາການຄ້າເສລີລະຫວ່າງ ອາຊຽນ ແລະ ອີຢູ ພ້ອມທັງປຶກສາຫາລືຄວາມເປັນໄປໄດ້ໃນຂົງເຂດຕ່າງໆ ທີ່ຈະເປັນຜົນປະໂຫຍດໃຫ້ແກ່ສອງຝ່າຍ ເປັນຕົ້ນ ດ້ານການອຳນວຍຄວາມສະດວກທາງດ້ານການຄ້າ ການຮ່ວມມືກ່ຽວກັບບັນຫາຄວາມປອດໄພທາງດ້ານອາຫານ ແລະ ການຮ່ວມມືທາງດ້ານພັດທະນາບຸກຄະລາກອນຕ່າງໆ.
ພາຍຫຼັງສຳເລັດກອງປະຊຸມດັ່ງກ່າວແລ້ວ ໄດ້ສືບຕໍ່ຈັດກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນ 4 ປະເທດສະມາຊິກອາຊຽນໃໝ່ ກຳປູເຈຍ ລາວ ມຽນມາ ແລະ ຫວຽດນາມຂຶ້ນ ເພື່ອປຶກສາກ່ຽວກັບການຮ່ວມມືສ້າງແຜນພັດທະນາໃຫ້ແກ່ 4 ປະເທດ ສະມາຊິກອາຊຽນໃໝ່ແນໃສ່ລົບລ້າງຄວາມແຕກໂຕນ ລະຫວ່າງອາຊຽນເກົ່າ ແລະ ອາຊຽນໃໝ່ ພ້ອມທັງປຶກສາຫາລືສ້າງແຜນຫຼຸດຜ່ອນຄວາມແຕກໂຕນ 5 ປີ ເພື່ອລົບລ້າງຄວາມແຕກໂຕນກັນ ເຊິ່ງທັງສອງກອງປະຊຸມນີ້ ແມ່ນກອງປະຊຸມປິ່ນອ້ອມກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນ.
ແຫລ່ງຂ່າວ:
