ໃນຕອນບ່າຍຂອງ ວັນທີ 24 ມີນາ 2014, ສະຫາຍ ບຸນຍັງ  ວໍລະຈິດ,  ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິ ການສູນກາງ ພັກໄດ້ຕ້ອນຮັບ ການເຂົ້າຢ້ຽມຂ່ຳນັບຂອງຄະ ນະຜູ້ແທນພັກກອມມູນິດຍີ່ ປຸ່ນ ນໍາໂດຍ ສະຫາຍ ຢາຊູ ໂອະໂອກາຕະ, ຮອງປະທານ ຄະນະກໍາມະການບໍລິຫານ ງານສູນກາງພັກ, ຫົວໜ້າຄະ ນະພົວພັນຕ່າງປະເທດສູນ ກາງພັກກອມມູນິດຍີ່ປຸ່ນ ພ້ອມດ້ວຍຄະນະທີ່ພວມ ເຄື່ອນໄຫວຢ້ຽມຢາມ ສປປ ລາວ ແຕ່ວັນທີ 23-25/03/ 2014. 

ສະຫາຍ ບຸນຍັງ ວໍລະຈິດ ໄດ້ສະແດງຄວາມຂ່ຳນັບຊົມ ເຊີຍການມາຢ້ຽມຢາມລາວ ຂອງຄະນະຜູ້ແທນພັກກອມ ມູນິດຍີ່ປຸ່ນໃນຄັ້ງນີ້ເຊິ່ງຖືເປັນ ການປະກອບສ່ວນອັນສໍາຄັນ ເຂົ້າໃນການເພີ່ມທະວີສາຍ ພົວພັນມິດຕະພາບອັນເປັນ ມູນເຊື້ອ ລະຫວ່າງ ສອງພັກ ແລະ ປະຊາຊົນສອງຊາດ

ລາວ-ຍີ່ປຸ່ນ; ສະຫາຍ ບຸນຍັງ ວໍລະຈິດ ໄດ້ແຈ້ງສະພາບ ການພົ້ນເດັ່ນ ຂອງ ສປປ ລາວ ໃນໄລຍະມໍ່ໆມານີ້ ໃຫ້ ຄະນະຊາບ, ໂດຍສະເພາະ ແມ່ນການຈັດຕັ້ງປະຕິບັດມະ ຕິຂອງກອງປະຊຸມໃຫຍ່ ຄັ້ງທີ 9 ຂອງພັກ ແລະ ການຈັດຕັ້ງ ປະຕິບັດແຜນການພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 7; ຜົນສຳເລັດຂອງ ກອງປະຊຸມຄົບຄະນະຄັ້ງທີ 6 ແລະ 7 ສະໄໝທີ 9 ແລະ ການກຽມສະຫລອງສອງວັນ ປະຫວັດສາດ ໃນປີ 2015 ກໍ່ຄື ການກະກຽມໃຫ້ແກ່ກອງ ປະຊຸມໃຫຍ່ 3 ຂັ້ນ ເພື່ອກະ ກຽມໃສ່ກອງປະຊຸມໃຫຍ່ຄັ້ງ ທີ 10 ຂອງພັກ ປປ ລາວ ໃນຕໍ່ໜ້າ. ຜູ້ປະຈຳການຄະ ນະເລຂາທິການສູນກາງພັກ  ໄດ້ສະແດງຄວາມຊົມເຊີຍຕໍ່ ຜົນສໍາເລັດກອງປະຊຸມໃຫຍ່ ຄັ້ງທີ 26 ຂອງ ພັກກອມມູ ນິດຍີ່ປຸ່ນທີ່ດຳເນີນໃນເດືອນ ມັງກອນ 2014 ຜ່ານມາ, ເຊິ່ງເປັນເຫດການການເມືອງ ທີ່ມີຄວາມສຳຄັນຂອງພັກ ກອມມູນິດຍີ່ປຸ່ນ; ຕີລາຄາສູງ ຕໍ່ສາຍພົວພັນລະຫວ່າງ ສອງ ພັກ ໃນໄລຍະທີ່ຜ່ານມາ.

ສະຫາຍ ຢາຊູໂອະ ໂອກາ ຕະ ໄດ້ສະແດງຄວາມຂອບ ໃຈຕໍ່ສະຫາຍ ບຸນຍັງ ວໍລະ ຈິດ ທີ່ໄດ້ສະຫຼະເວລາຕ້ອນ ຮັບຄະນະ ແລະ ໄດ້ແຈ້ງໃຫ້ ຊາບສະພາບການໃນຍີ່ປຸ່ນ, ໂດຍສະເພາະແມ່ນ ຜົນສໍາ ເລັດຂອງກອງປະຊຸມໃຫ່ຍຄັ້ງ ທີ 26 ຂອງ ພັກກອມມູນິດ ຍີ່ປຸ່ນ ໃນເດືອນມັງກອນ 2014 ທີ່ຜ່ານມາ ແລະ ໄດ້ຕີ ລາຄາສູງຕໍ່ການພົວພັນຮ່ວມ ມື ລະຫວ່າງ ພັກ ປປ ລາວ ແລະ ພັກກອມມູນິດຍີ່ປຸ່ນໃນ ໄລຍະຜ່ານມາ ກໍ່ຄື ໃນປັດ ຈຸບັນເຊິ່ງເປັນການປະກອບ ສ່ວນເຂົ້າໃນພາລະກິດສັນຕິ ພາບ, ມິດຕະພາບ ແລະ ການຮ່ວມມື ໃນພາກພື້ນ ແລະ ໃນໂລກ.
ໃນໄລຍະຢູ່ຢ້ຽມຢາມ ສປປ ລາວ, ຄະນະຍັງໄດ້ ພົບປະ ແລະ ແລກປ່ຽນຄຳ ຄິດເຫັນກັບສະຫາຍ ນາງ ສູນທອນ ໄຊຍະຈັກ, ກຳມະ ການສູນກາງພັກ, ຮອງຫົວ ຫນ້າຄະນະພົວພັນຕ່າງປະ ເທດສູນກາງພັກ ແລະ ຢ້ຽມ ຢາມພື້ນຖານເສດຖະກິດ ແລະ ວັດທະນາທໍາຈໍານວນ ໜຶ່ງ ຢູ່ນະຄອນຫຼວງວຽງຈັນ.

ທີ່ມາhttp://www.kongthap.gov.la/