ສຳນັກຂ່າວຕ່າງປະເທດ ລາຍງານໃນວັນທີ 20 ມັງກອນຜ່ານມານີ້ວ່າ ລັດຖະສະພາຍີ່ປຸ່ນ ໄດ້ຕົກລົງເຫັນດີ ອະນຸມັດງົບປະມານ ປະມານ 350 ລ້ານໂດລາສະຫະລັດຯ ຕາມການສະເໜີຂອງລັດຖະບານຍີ່ປຸ່ນ ເພື່ອນຳໄປຊ່ວຍເຫລືອ ດ້ານມະນຸດສະທຳ ແລະ ຊ່ວຍເຫລືອຜູ້ລີ້ໄພຈາກອີຣັກ ແລະ ຊີຣີ ໂດຍໂຄສົກຂອງລັດຖະສະພາຍີ່ປຸ່ນ ໄດ້ເປີດເຜີຍວ່າ ເງິນຈຳນວນດັ່ງກ່າວນີ້ ໄດ້ຖືກບັນຈຸເຂົ້າ ເປັນສ່ວນໜຶ່ງໃນແຜນງົບປະມານແຫ່ງລັດ ປະຈຳສົກງົບປະມານປັດຈຸບັນ ຊຶ່ງໄດ້ຜ່ານການລົງມະຕິ ຮັບຮອງເອົາຈາກລັດຖະສະພາແລ້ວ.