ການຈັດຕັ້ງປະຕິບັດມະຕິກອງປະ ຊຸມໃຫຍ່ຄັ້ງທີ IX ຂອງພັກຫຼາຍຂົງເຂດ ວຽກງານໄດ້ຮັບການຈັດຕັ້ງປະຕິບັດແບບ ມີການແຂ່ງຂັນສູງນັບແຕ່ຂັ້ນສູນກາງລົງຮອດທ້ອງຖິ່ນບໍ່ວ່າຈະເປັນພາກລັດ ແລະພາກເອກະຊົນ ຊຶ່ງລ້ວນແຕ່ປະກອບ ສ່ວນເຮັດໃຫ້ວຽກງານເສດຖະກິດ-ສັງ ຄົມຂອງປະເທດໃນໄລຍະ 5 ປີຜ່ານມາ ມີການຈະເລີນເຕີບໂຕໄວ ແລະຕໍ່ເນື່ອງ, ກ້າວສູ່ຄວາມສີວິໄລເທື່ອລະກ້າວ, ຕໍ່ກັບຜົນງານດັ່ງກ່າວທີ່ຍາດມາໄດ້ນັ້ນ ໃນໂອກາດກອງປະຊຸມໃຫຍ່ຄັ້ງທີ X ຂອງ ພັກ ທີ່ພວມດຳເນີນໃນຂະນະນີ້ ໜັງສືພິມ ເສດຖະກິດ-ສັງຄົມກໍໄດ້ນຳເອົາຜົນສຳ ເລັດຂອງທາງຂະແໜງການມານຳເໜີ ດັ່ງລຸ່ມນີ້.
ສະຫາຍ ດຣ. ລຽນ ທິແກ້ວ ເລຂາຄະ ນະພັກກະຊວງການເງິນ ໄດ້ລາຍງານຕໍ່ ກອງປະຊຸມໃຫຍ່ຜູ້ແທນທົ່ວປະເທດຄັ້ງ ທີ X ຂອງພັກ ໃຫ້ຮູ້ວ່າ: ຄະນະພັກກະ ຊວງການເງິນໄດ້ເຂົ້າຮ່ວມວຽກງານທົດລອງ 3 ສ້າງ ຢ່າງເປັນເຈົ້າການ ໃນທົ່ວປະເທດນັບແຕ່ສົກປີ 2012-2013 ເປັນຕົ້ນມາ ໂດຍໄດ້ມອບຫົວ ໜ່ວຍເກັບລາຍຮັບໃຫ້ຂັ້ນແຂວງ, ນະ ຄອນຫຼວງເພີ່ມອີກຈຳນວນ 648 ຫົວ ໜ່ວຍ, ບັນດາແຂວງ ແລະນະຄອນຫຼວງ ໄດ້ມອບຫົວໜ່ວຍເກັບລາຍຮັບໃຫ້ເມືອງ ອີກຈຳນວນ 10.371 ຫົວໜ່ວຍ ແລະ ເມືອງມອບໃຫ້ບ້ານຈຳນວນ 3.337 ຫົວໜ່ວຍ ຊຶ່ງຜ່ານການປະຕິບັດຕົວຈິງ ເຫັນວ່າບັນດາເມືອງ ແລະບ້ານທົດລອງ 3 ສ້າງ ສາມາດເກັບລາຍຮັບເພີ່ມຂຶ້ນ ຫຼາຍເທົ່າຕົວເມື່ອທຽບໃສ່ກ່ອນເຮັດທົດ ລອງ 3 ສ້າງ.
ທ່ານ ດຣ. ຄຳພັນ ເຜີຍຍະວົງ ເລຂາຄະ ນະພັກແຂວງ, ເຈົ້າແຂວງໆບໍ່ແກ້ວໃຫ້ ສຳພາດວ່າ: ສຳລັບແຂວງບໍ່ແກ້ວແລ້ວ ພາຍໃຕ້ການນຳພາຂອງຄະນະພັກແຂວງກໍໄດ້ເອົາໃຈໃສ່ການຈັດຕັ້ງປະຕິ ບັດວຽກງານ 5 ປີຜ່ານມາຂອງແຂວງ ຊຶ່ງໄດ້ເຮັດໃຫ້ທົ່ວແຂວງມີຄວາມສະ ຫງົບ, ເສດຖະກິດມີການຂະຫຍາຍຕົວ ຢ່າງຕໍ່ເນື່ອງ, ແກ້ໄຂບັນຫາຄວາມທຸກ ຍາກຂອງປະຊາຊົນໄດ້ຫຼຸດລົງຢ່າງຕໍ່ ເນື່ອງ ແລະໃນຕໍ່ໜ້ານີ້ ພາຍຫຼັງສຳເລັດ ກອງປະຊຸມໃຫຍ່ຄັ້ງທີ X ນີ້ພວກເຮົາກໍ ຈະໄດ້ນຳເອົາເນື້ອໃນຈິດໃຈມະຕິກອງ ປະຊຸມໄປຈັດຕັ້ງຜັນຂະຫຍາຍເຂົ້າໃນ ຊີວິດສັງຄົມໃນທົ່ວພັກ, ທົ່ວກອງທັບ ແລະທົ່ວປວງຊົນຢູ່ແຂວງບໍ່ແກ້ວສືບຕໍ່ປະຕິບັດແຜນງານດັ່ງກ່າວນີ້ໃຫ້ເປັນອັນລະອຽດ ແລະພ້ອມກັນປະຕິບັດເພື່ອເຮັດ ໃຫ້ປະຊາຊົນແຂວງຫຼຸດພົ້ນອອກຈາກ ສະຖານະພາບດ້ອຍພັດທະນາ ແລະ ສືບ ຕໍ່ໃຫ້ແຂວງມີຄວາມສະຫງົບ, ຄວາມ ເປັນລະບຽບຮຽບຮ້ອຍຊຸກຍູ້ໃຫ້ເສດຖະ ກິດແຂວງຂະຫຍາຍຕົວບໍ່ຫຼຸດ 10% ຂຶ້ນໄປ.
ທ່ານ ບຸນທາມ ພຸດທະວົງສາ ເລຂາ ພັກເມືອງ, ເຈົ້າເມືອງຫາດຊາຍຟອງ, ນະຄອນຫຼວງວຽງຈັນກໍ່ໃຫ້ທັດສະນະ ວ່າ: ຜ່ານການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມໄລຍະ 5 ປີ ຜ່ານມາ ພາຍໃຕ້ການນຳພາຂອງພັກ ປະເທດຊາດເຮົາມີໂສມໜ້າໃໝ່ມີຜົນສຳ ເລັດຮອບດ້ານເປັນປະຫວັດສາດ, ສະ ເພາະເມືອງຫາດຊາຍຟອງກຳລັງຈັດ ຕັ້ງຜັນຂະຫຍາຍມະຕິກອງປະຊຸມໃຫຍ່ ອົງຄະນະພັກເມືອງຄັ້ງທີ VI ຊຶ່ງສ້າງ ເມືອງໃຫ້ເປັນເສົາຄ້ຳທາງດ້ານຄວາມສະຫງົບ, ເສົ້າຄ້ຳທາງດ້ານການພັດທະນາເສດຖະກິດ, ວັດທະນະທຳ-ສັງຄົມ, ການຈັດຕັ້ງປະຕິບັດໄດ້ຮັບໝາກຜົນ, ການພັດທະນາເສດຖະກິດກໍ່ມີການຈະ ເລີນເຕີບໂຕໃນລະດັບ 11% ສະເລ່ຍ ລາຍຮັບຕໍ່ຫົວຄົນຜູ້ໜຶ່ງໄດ້ 2,6 ພັນໂດ ລາສະຫະລັດຕໍ່ຄົນຕໍ່ປີ.
ທ່ານ ຄຳໄພ ສົມຊະນະ ປະທານບໍລິ ສັດກຸ່ມຄຳໄພຊະນະກໍ່ສ້າງໃນນາມທຸລະກິດຕົວແບບເຂົ້າຮ່ວມກອງປະຊຸມໃຫຍ່ ຄັ້ງທີ X ຂອງພັກໄດ້ໃຫ້ສຳພາດວ່າ: ບໍລິສັດມີຄວາມເຕີບໃຫຍ່ຂະຫຍາຍຕົວໄດ້ຄືແນວນີ້ ກໍຍ້ອນແນວທາງອັນສະຫຼາດ ສ່ອງໄສຂອງພັກ, ຊີ້ນຳນຳພາຂອງລັດ ຈິ່ງເຮັດໃຫ້ບໍລິສັດໄດ້ຮັບການພັດທະນາດີຂຶ້ນເປັນກ້າວໆ ໂດຍເລີ່ມຈາກທຸລະກິດ ເຟີນີເຈີນ້ອຍແບບຄອບຄົວແລ້ວພັດທະ ນາເປັນໂຮງງານເຟີນີເຈີຂະໜາດໃຫຍ່ ຄົບວົງຈອນ ແລະສ້າງຕັ້ງບໍລິສັດຄຳໄພ ຊະນະກໍ່ສ້າງແລຄອນກຣີດ, ກະສິກຳ, ການທ່ອງທ່ຽວ ແລະອື່ນໆ ຈົນກາຍເປັນ ບໍລິສັດກຸ່ມຄຳໄພຊະນະກໍ່ສ້າງຄົບວົງ ຈອນ ຊຶ່ງເປັນການປະກອບສ່ວນສ້າງ ສາພັດທະນາປະເທດຊາດຢ່າງຕັ້ງໜ້າ ແລະພ້ອມອຸທິດເພື່ອປະເທດຊາດໃຫ້ມີ ຄວາມຈະເລີນຮຸ່ງເຮືອງຢ່າງຍືນຍົງ.
ຂະນະທີ່ ທ່ານ ຫຼຸມຄຳ ວົງໄຊ ປະທານບໍລິສັດລາວອຸດສາຫະກຳ ແລະກະ ສິກຳ ຈຳກັດ ກ່າວວ່າ: ໃນໄລຍະການ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງພັກບໍລິສັດກໍໄດ້ປະກອບ ສ່ວນຢ່າງຕັ້ງໜ້າໃນການພັດທະນາສິນ ຄ້າອອກຮັບໃຊ້ສັງຄົມ, ທັງພາຍໃນ ແລະ ຕ່າງປະເທດເປັນຕົ້ນ: ພັດທະນາວຽກ ງານກະສິກຳຕິດພັນກັບອຸດສາຫະກຳ, ນັ້ນໝາຍຄວາມວ່າເຮົາໄດ້ສົ່ງເສີມປະ ຊາຊົນປູກເຊັ່ນ: ສາລີ, ໝາກຕາວ, ກະ ທຽມ ແລະອື່ນໆ, ແລ້ວເກັບຊື້ນຳປະຊາ ຊົນເພື່ອເອົາມາປຸຸງແຕ່ງສົ່ງອອກໄປ ຂາຍຕ່າງປະເທດກວມ 90% ສ້າງລາຍ ຮັບຫຼາຍສິບຕື້ກີບຕໍ່ປີ ສ່ວນອີກ 10% ແມ່ນຂາຍພາຍໃນ, ອັນນີ້ເຫັນວ່າມີ ຄວາມພົ້ນເດັ່ນເປັນໄປຕາມແນວທາງ ນະໂຍບາຍຂອງພັກ-ລັດ ກໍຄືມີພັກນຳ ພາຈິ່ງເຮັດໃຫ້ປະເທດຊາດພັດທະນາໄວ.
ທ່ານ ທອງສະຫວັນ ມີບຸນ ປະທານ ບໍລິສັດພັນເພັດສົ່ງເສີມການກະເສດຄົບ ວົງຈອນກ່າວວ່າ: ບໍລິສັດໄດ້ປະກອບ ສ່ວນຢ່າງຕັ້ງໜ້າໃນການພັດທະນາເສດ ຖະກິດສັງຄົມ ໂດຍສະເພາະການຜະລິດ ສະບຽງອາຫານການປູກເຂົ້າ ໂດຍຫັນ ຈາກການຜະລິດທຳມະຊາດໄປສູ່ການ ຜະລິດແບບທັນສະໄໝນຳໃຊ້ກົນຈັກ ເຂົ້າໃນການຜະລິດທຸກຂັ້ນຕອນ ເພື່ອ ຍົກສູງປະສິດທິພາບໃນການຜະລິດ ທັງ ນີ້ກໍເພື່ອປະກອບສ່ວນໃນການພັດທະ ນາເສດຖະກິດ-ສັງຄົມຂອງປະເທດ ເຮັດໃຫ້ມີສະບຽງອາຫານຢ່າງພຽງພໍ.
ທີ່ມາ: