ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງພັກໄຂຂຶ້ນຢ່າງເປັນທາງການໃນຕອນເຊົ້າມື້ວານນີ້
ຂປລ. ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງພັກປະຊາຊົນປະຕິວັດລາວໄຂຂຶ້ນຢ່າງເປັນທາງການໃນຕອນເຊົ້າຂອງວັນທີ 18 ມັງກອນ 2016 ທີ່ຫໍປະຊຸມແຫ່ງຊາດ ນະຄອນຫລວງຫລວງວຽງຈັນ ໂດຍເປັນປະທານຂອງ ສະຫາຍ ບຸນຍັງ ວໍລະຈິດ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວ, ເປັນກຽດເຂົ້າຮ່ວມຂອງ ສະຫາຍ ຈູມມາລີ ໄຊຍະສອນ ກໍາມະການກົມການເມືອງສູນກາງພັກ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ ພ້ອມບັນດາສະຫາຍ ກົມການເມືອງ, ເລຂາທິການສູນກາງພັກ, ກໍາມະການສູນກາງພັກ, ຜູ້ອາວຸໂສ, ວິລະຊົນແຫ່ງຊາດ, ຕົວແທນຈາກອົງຄະນະພັກຂັ້ນຕ່າງໆລວມ 1.000 ກວ່າສະຫາຍ, ຜູ້ແທນສົມບູນ 684 ສະຫາຍ ໃນນັ້ນ ທີ່ເປັນຕົວແທນສະມາຊິກພັກທັງໝົດ 250.000 ກວ່າສະຫາຍ.
ຂ່າວຈາກ: 