ເພື່ອຮັບປະກັນໃຫ້ລວມຍອດຜະລິດຕະພັນພາຍໃນ(GDP) ສົກປີ 2015-2016 ຂະຫຍາຍ ຕົວຢ່າງຕໍ່ເນື່ອງ ໃນລະດັບ 9% ແຂວງໄຊຍະບູລີ ຕ້ອງການທຶນ 2 ພັນຕື້ກວ່າກີບ ຫຼື ເທົ່າກັບ 36% ເຂົ້າ ມາພັດທະນາເສດຖະກິດ-ສັງຄົມ.
ອີງຕາມເອກະສານແຜນພັດ ທະນາເສດຖະກິດ-ສັງຄົມຂອງ ແຂວງໄຊຍະບູລີ ໃຫ້ຮູ້ວ່າ: ເປົ້າ ໝາຍ ແລະຄາດໝາຍສູ້ຊົນຂອງ ແຂວງເສດຖະກິດຂະຫຍາຍຕົວ ບໍ່ຫຼຸດ 9% ແລະສ້າງມູນຄ່າເພີ່ມ ລາຄາລວມຍອດຜະລິດຕະພັນ ພາຍໃນໃຫ້ໄດ້ 7 ພັນຕື້ກວ່າກີບ, ສະເລ່ຍຕໍ່ຫົວຄົນປະມານ 20 ລ້ານກວ່າກີບ ຫຼື ເທົ່າກັບ 2 ພັນກວ່າໂດລາສະຫະລັດ, ໃນນັ້ນ ຂະແໜງ ກະສິກຳ ເພີ່ມຂຶ້ນ 4% ກວມເອົາ 32% ຂອງ GDP, ຂະແໜງອຸດ ສາຫະກຳ ເພີ່ມຂຶ້ນ 15% ກວມ ເອົາ 34% ຂອງ GDP ຂະແໜງ ການບໍລິການເພີ່ມຂຶ້ນ 13% ກວມ ເອົາ 34% ຂອງຍອດຜະລິດຕະ ພັນທັງໝົດ.
ທັງນີ້ ເພື່ອຮັບປະກັນໃຫ້ແກ່ລວມຍອດຜະລິດຕະພັນພາຍໃນ (GDP) ສົກປີ 2015-2016 ຂະ ຫຍາຍຕົວໃນລະດັບ 9% ຂຶ້ນໄປ ແຂວງມີຄວາມຕ້ອງການທຶນ 2 ພັນຕື້ກວ່າກີບ ຫຼື ເທົ່າກັບ 36% ເຂົ້າມາພັດທະນາເສດຖະກິດ-ສັງ ຄົມ, ໃນນັ້ນ ເປັນການລົງທຶນ ພາຍໃນປະມານ 284 ຕື້ກີບ ກວມ ເອົາ 10% ຂອງທຶນທັງໝົດ, ການ ຊ່ວຍເຫຼືອລ້າ ແລະກູ້ຢືມ (ODA) ປະມານ 511 ຕື້ກວ່າກີບ ເທົ່າກັບ 18% ການລົງທຶນຂອງເອກະຊົນ ພາຍໃນ ແລະເອກະຊົນຕ່າງປະ ເທດ ປະມານ 1 ພັນຕື້ກວ່າກີບ ກວມເອົາ 40% ຂອງການລົງທຶນທັງ ໝົດ, ການປ່ວຍສິນເຊື່ອທະນາ ຄານ ແລະການລົງທຶນຂອງປະ ຊາຊົນ 910 ຕື້ກວ່າກີບ ກວມເອົາ 32% ຂອງການລົງທຶນທັງໝົດ.
ພ້ອມດຽວກັນນັ້ນ ການລົງທຶນ ຂອງລັດ ມີທັງໝົດ 63 ຕື້ກວ່າກີບ ເບື້ອງຕົ້ນແຂວງໄດ້ຈັດສັນທຶນ ເຂົ້າໃສ່ໂຄງການໃນແຕ່ລະຂົງ ເຂດເປັນຕົ້ນທຶນບ້ວງປົກກະຕິມີ ທັງໝົດ 41 ຕື້ກີບ ໃນຈຳນວນ203 ໂຄງການ, ໃນນັ້ນ ໂຄງການໜີ້ສິນ 48 ໂຄງການ ມູນຄ່າ 15 ຕື້ກວ່າ ກີບ, ໂຄງການສືບຕໍ່ ແລະສົມທົບ ກັບຕ່າງປະເທດ 107 ໂຄງການມູນຄ່າ 20 ຕື້ກີບ, ໂຄງການສະ ເໜີໃໝ່ 48 ໂຄງການ ມູນຄ່າ 5,5 ຕື້ກີບ, ທຶນພັດທະນາ ເມືອງ ໄຊສະຖານ ມີທັງໝົດ 14 ຕື້ກີບ ໃນຈຳນວນ 24 ໂຄງການ, ນອກນັ້ນຍັງມີໂຄງການສືບຕໍ່ ແລະ ສົມ ທົບກັບຕ່າງປະເທດ 19 ໂຄງການມູນຄ່າ 12 ຕື້ກີບ, ໂຄງການສະເໜີ ໃໝ່ 5 ໂຄງການ ມູນຄ່າ 2 ຕື້ກີບ, ທຶນພັດທະນາຊົນນະບົດ ແລະຈັດ ສັນພູມລຳເນົາ ມີທັງໝົດ 8,3 ຕື້ ກີບ ໃນຈຳນວນ 57 ໂຄງການ.
ນອກນັ້ນ ການຈັດສັນງົບປະ ມານການລົງທຶນໃນສົກປີ 2015- 2016 ແຂວງໄດ້ຖືເອົາບັນດາ ໂຄງການທີ່ໄດ້ຂຶ້ນໄວ້ໃນແຜນ 5 ປີ ຄັ້ງທີ VIII ຂອງແຂວງ ຕົ້ນຕໍແມ່ນ ໄດ້ສຸມໃສ່ແກ້ໄຂບັນດາໂຄງການ ໜີ້ສິນ, ໂຄງການທີ່ກຳລັງສືບຕໍ່ປະ ຕິບັດ, ໂຄງການຈຸດສຸ່ມພັດທະນາ ຢູ່ເມືອງ 3 ສ້າງ ແລະໂຄງການ ສະເໝີໃໝ່ຈຳນວນໜຶ່ງ.
ທີ່ມາ: 