ບຸນກອງເຂົ້າໃຫຍ່ເມືອງພຽງ ແຂວງໄຊຍະບູລີ ຈະໄດ້ຈັດຂຶ້ນ ທີ່ບ້ານ ສົມສະຫວັນ ລະຫວ່າງວັນທີ 19-24 ມັງກອນ 2016
ລາຍລະອຽດຂອງກິດຈະກຳໃນງານມີຄື:
– ວັນທີ 19 ມັງກອນ 2016 ເປັນມື້ເຕົ້າໂຮມບຸນ ນຳພາຂະບວນແຫ່ເຂົ້າເປືອກ-ເຂົ້າສານຂອງບ້ານມາຮ່ວມທານ
– ວັນທີ 20 ມັງກອນ 2016 ພາກເຊົ້າ ສືບຕໍ່ນຳພາຂະບວນແຫ່ເຂົ້າເປືອກ-ເຂົ້າສານຂອງບ້ານມາຮ່ວມທານ, ເປີດຕະຫຼາດນັດ, ຊົມສິນຄ້າໃນຕະຫຼາດນັດ ແລະສິນຄ້າໂອດັອບ. ຕອນຄ່ຳ ຊົມການປະກວດທິດາກອງເຂົ້າໃຫຍ່ ແລະຄົບງັນຕາມປະເພນີ.
– ວັນທີ 21 ມັງກອນ 2016 ຕອນເຊົ້າເປີດພິທີງານບຸນກອງເຂົ້າໃຫຍ່ຢ່າງເປັນທາງການ
ປະກາດຮັບຮອງຜະລິດຕະພັນສິນຄ້າໂອດັອບຂັ້ນເມືອງ, ຊົມຂະບວນກ້ອນກຳລັງບັນດາຊົນເຜົ່າ, ຊົມຂະບວນແຫ່ຊ້າງ ແລະຂີ່ຊ້າງຊົມວັດທະນະທຳກອງເຂົ້າໃຫຍ່. ຊົມການຟາດເຂົ້າ ແລະຕຳເຂົ້າແບບພື້ນເມືອງ, ຊົມຕະຫຼາດສິນຄ້າໂອດັອບ ແລະກິລາພື້ນເມືອງ. ການສະແດງສິລະປະວັນນະຄະດີ, ຊົມການຈູດດອກໄມ້ໄຟ ແລະຄົບງັນຕາມປະເພນີ.
– ວັນທີ 22 ມັງກອນ 2016 ຫ້າງຫາກະກຽມຄູນລານເຂົ້າ(ສູດຂວັນເຂົ້າ), ຊົມຕະຫຼາດນັດ ແລະຂີ່ຊ້າງທ່ອງທ່ຽວ. ຕອນແລງ ພິທີສູດຂວັນເຂົ້າ, ຊົມການຕີກອງຫາງພື້ນເມືອງ, ຊົມຫໍວັດທະນະທຳກອງເຂົ້າໃຫຍ່, ກິດຈະກຳຟາດເຂົ້າ, ຕຳເຂົ້າ ພື້ນເມືອງ ແລະຊົມວັດທະນະທຳ ຊົນເຜົ່າຕອງເຫຼືອງ. ຕອນຄ່ຳຊົມສິລະປະວັນນະຄະດີ, ຊົມດອກໄມ້ໄຟ ແລະຄົບງັນຕາມປະເພນີ.
– ວັນທີ 23 ມັງກອນ 2016 ຕອນເຊົ້າປະກວດອາຫານພື້ນເມືອງ, ຊົມຫໍວັດທະນະທຳກອງເຂົ້າໃຫຍ່, ຊົມຕະຫຼາດນັດ ແລະຂີ່ຊ້າງທ່ອງທ່ຽວ. ຕອນຄ່ຳຊົມສິລະປະວັນນະຄະດີ, ປະກວດນັກຮ້ອງສຽງດີ ແລະຄົບງັນຕາມປະເພນີ.
– ວັນທີ 24 ມັງກອນ 2016 ຕອນເຊົ້າ ມີພິທີຕັກບາດ ຖວາຍທານ ໃນບໍລິເວນກອງເຂົ້າໃຫຍ່. ຈາກນັ້ນເປັນອັນວ່າສຳເລັດພິທີ